ⴰⵎⵢⴰⵡⴰⵙ ⵊⴰⵔ ⵜⵎⴰⴷⴷⴰⵙⵜ ⵏ ⴼⵔⵉⴷⵉⵔⵉⵛ ⵏⵢⵓⵎⴰⵏ ⴷ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ
ⵜⵣⵎⵎⵉⵎ ⵜⵎⵔⵙⵍⵜ ⵜⴰⵍⵉⵎⴰⵏⵉⵜ ⴼⵔⵉⴷⵉⵔⵉⵛ ⵏⵢⵓⵎⴰⵏ ⵉ ⵜⵍⴻⵍⵍⵉ ⴷ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ, ⴰⵢⵏⴰⵙ 21 ⴱⵕⴰⵢⵕ, ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ ⵜⴰⵎⵙⵙⴽⵯⵜⵉⵜ ⵏ ⵓⵎⵢⴰⵡⴰⵙ ⵉ ⵓⵙⴳⴳⵯⴰⵙ ⵏ 2022.
ⵉⵣⵎⵎⵉⵎ ⵜⴰⵜⴳⴳⴰⵔⵜ ⴰⴷ ⵎⴰⵙⵙ ⵙⵉⴱⴰⵙⵜⵢⴰⵏ ⴼⴰⵖⵜ, ⴰⵏⵎⵀⴰⵍ ⵏ ⵓⵙⵉⵔⴰ ⵏ ⵍⵎⵖⵔⵉⴱ ⵉ ⵜⵎⵔⵙⵍⵜ ⵜⴰⵍⵉⵎⴰⵏⵉⵜ, ⴷ ⵎⴰⵙⵙ ⵕⴰⵛⵉⴷ ⵕⴰⵅⴰ, ⴰⵎⵖⴰⵔ ⵏ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ. ⵙ ⵓⵎⵢⴰⵡⴰⵙ ⴰⴷ, ⵔⴰⴷ ⵢⵉⵍⵉ ⵓⵙⵏⴰⵍ ⵏ ⵓⴳⵔⴰⵡ ⵡⵉⵙ ⵎⵔⴰⵡ ⵏ ⵉⵎⴰⵣⵉⵖⵏ ⵏ ⵓⵎⴰⴹⴰⵍ ⵍⵍⵉ ⵔⴰⴷ ⵉⵙⵏⵎⴰⵍⴰ ⵓⴳⵔⴰⵡ ⴰⵎⴰⴹⵍⴰⵏ ⴰⵎⴰⵣⵉⵖ ⴳ ⵜⵖⵔⵎⵜ ⵏ ⵡⴰⵔⵣⴰⵣⴰⵜ ⵓⵙⵙⴰⵏ 25 ⴰⵔ 27 ⵎⴰⵕⵚ 2022, ⴰⴳⵔⴰⵡ ⴰⴷ ⵍⵍⵉ ⵔⴰⴷ ⵢⵉⵍⵉ ⴳ ⵓⵣⵎⵣ ⵏ ⵓⵙⴼⵓⴳⵍⵓ ⵏ ⵜⵎⵔⴰⵡⵜ ⵜⴰⴳⵔⴰⵖⵍⴰⵏⵜ ⵏ ⵜⵓⵜⵍⴰⵢⵉⵏ ⵏ ⵉⵎⴰⴷⴰⵏⵏ ⵉⵎⵣⵡⵓⵔⴰ 2022/2032 ⵍⵍⵉ ⵜⵕⵥⵎ ⵢⵓⵏⵉⵙⴽⵓ ⴷ ⵓⵏⵎⵓⵇⵇⴰⵔ ⵏ ⵜⵎⵜⵜⴰ ⵎⵓⵏⵏⵉⵏ ⵉⵥⵍⵉⵏ ⵙ ⵜⵎⵙⴰⵔⵉⵏ ⵏ ⵉⵎⴰⴷⴰⵏⵏ ⵉⵎⵣⵡⵓⵔ.