ⵚⴱⴰⵏⵢⴰ ⴷ ⵓⵏⴱⴰⴹ ⴰⵏⵉⵎⴰⵏ ⴳ ⵚⵚⵃⵕⴰ ⵜⴰⵎⵖⵔⵉⴱⵉⵜ
ⵜⵏⵏⴰ ⵚⴱⴰⵏⵢⴰ ⵎⴰⵙ ⵜⴳⴰ ⵜⵙⵏⵜⴰⵢⵜ ⵜⴰⵎⵖⵔⵉⴱⵉⵜ ⵉⵥⵍⵉⵏ ⴷ ⵓⵏⴱⴰⴹ ⴰⵏⵉⵎⴰⵏ ⵜⴰⴷ ⵉⴳⴰⵏ ⵜⵉⵏ ⵜⵉⵍⴰⵡⵜ ⴷ ⵓⵖⵣⴰⵏ ⴷ ⵜⵉⵍⴰⵡⵜ ⵉ ⵓⴼⵓⴽⴽⵓ ⵏ ⵓⵎⵓⴽⵔⵉⵙ ⵉⵍⵍⴰⵏ ⴳ ⵚⵚⵃⵕⴰ ⵜⴰⵎⵖⵔⵉⴱⵉⵜ.
ⵢⵉⵏⵉ ⴱⵉⴷⵔⵓ ⵙⴰⵏⵛⵉⵣ, ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ, ⴳ ⵜⴱⵔⴰⵜ ⵍⵍⵉ ⴷ ⵢⵓⵣⵏ ⵉ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⵎⴰⵙ ⵜⴳⴰ ⵚⵚⵃⵕⴰ ⵢⴰⵜ ⵜⵎⵙⴰⵔⵜ ⵉⴳⴰⵏ ⵜⴰⵙⵜⵔⴰⵜⵉⵊⵉⵜ ⴷⴰⵔ ⵍⵎⵖⵔⵉⴱ, ⵢⵉⵏⵉ ⵓⵍⴰ ⵎⴰⵙ ⴰ ⵜⵙⵎⵓⵇⵇⵓⵍ ⵚⴱⴰⵏⵢⴰ ⵜⴰⵙⵏⵜⴰⵢⵜ ⵏ ⵓⵏⴱⴰⴹ ⴰⵏⵉⵎⴰⵏ ⵍⵍⵉ ⵉⵙⵎⵏⵉⴷ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 2007 ⵜⴰⴷ ⵉⴳⴰⵏ ⵜⵉⵏ ⵓⵖⵣⴰⵏ ⴷ ⵜⵉⵍⴰⵡⵜ ⵉ ⵓⴼⵓⴽⴽⵓ ⵏ ⵓⵎⵓⴽⵔⵉⵙ ⴰⴷ ⵉⵍⵍⴰⵏ ⴳ ⵜⵙⴳⴰ ⴰⴷ.
ⵉⵙⴰⵡⵍ ⵓⵏⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ ⵓⵍⴰ ⴼ ⵜⵓⴳⴳⴰⵙ ⵍⵍⵉ ⵉⵙⴽⵔ ⵍⵎⵖⵔⵉⴱ ⴳ ⵓⵙⴰⵜⵉ ⵏ ⵜⵎⵜⵜⴰ ⵎⵓⵏⵏⵉⵏ ⵃⵎⴰ ⴰⴷ ⵢⵉⵍⵉ ⵢⴰⵏ ⵓⴼⵙⵙⴰⵢ ⵉⵙⵙⵕⴷⵓⵏ ⴽⵓ ⵢⴰⵏ.
ⵢⵉⵏⵉ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ ⴳ ⵜⴱⵔⴰⵜ ⴰⴷ ⵏⵏⵙ ⵎⴰⵙ ⵜⵎⵓⵏ ⵙⴱⴰⵏⵢ ⴷ ⵍⵎⵖⵔⵉⴱ ⵙ ⵜⵣⴷⴰⵢⵉⵏ ⵏ ⵓⵎⵣⵔⵓⵢ ⴷ ⵜⵊⵢⵓⵖⵔⴰⴼⵉⵜ ⴷ ⵜⴷⴷⵓⴽⴽⵯⵍⴰ ⵉⵛⵛⴰⵔⵏ, ⵖⵎⴽⵍⵍⵉ ⵟⵟⴰⴼⵏ ⵙⵉⵏ ⵉⵎⴰⴷⴰⵏ ⵢⴰⵏ ⵉⵎⴰⵍ.