ⴰⵏⵎⵓⵇⵇⴰⵔ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴳ ⵎⵓⵕⵉⵟⴰⵏⵢⴰ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⴰⵙⵉⵎⵡⴰⵙ 11 ⵎⴰⵕⵙ 2022 ⴳ ⵕⵕⴱⴰⵟ, ⴰⴽⴷ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴰⵎⵓⵕⵉⵟⴰⵏⵉ ⵎⵓⵃⴰⵎⵎⴰⴷ ⵡⵍⴷ ⴱⵍⴰⵍ ⵎⵙⵄⵓⴷ ⵉⵍⵍⴰⵏ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵜⵎⴰⵣⵉⵔⵜ ⵏⵏⵖ ⴳ ⵓⵙⴰⵜⵉ ⵏ ⵓⵙⵏⵎⴰⵍⴰ ⵏ ⵜⵙⵓⵜⵍⵜ ⵜⵉⵙ ⵜⴰⵎⵜ ⵏ ⵜⵙⵇⵇⵉⵎⵜ ⵜⴰⵎⴰⵜⵜⵓⵢⵜ ⵉⵛⵛⴰⵔⵏ ⵊⴰⵔ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ.
ⴳ ⵓⵏⵎⵓⵇⵇⴰⵔ ⴰⴷ, ⵉⵙⵓⵜⴳ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴰⵎⵓⵕⵉⵟⴰⵏⵉ ⵜⴰⵢⵢⴰⴼⵓⵜ ⵏ ⵜⵙⵓⵜⵍⵜ ⴰⴷ, ⵢⵉⵏⵉ ⵎⴰⵙ ⵜⵍⵍⴰ ⵜⵡⵡⵓⵔⵉ ⵉⵅⴰⵜⵔⵏ ⴷ ⵓⵏⴰⵎⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⴽⵓ ⵉⴳⵔⴰⵏ ⵖⵎⴽ ⴰⵏⵏ ⴷ ⵉⵡⵉⵣ ⴼ ⵜⵣⵣⵉⴳⵣⵜ ⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ.
ⵉⵙⴷⴷⵉⴷ ⵎⴰⵙⵙ ⵎⵓⵃⴰⵎⵎⴰⴷ ⵡⵍⴷ ⴱⵍⴰⵍ ⵎⵙⵄⵓⴷ ⵜⴰⴷⵓⵙⵉ ⵏ ⵜⵣⴷⴰⵢⵉⵏ ⵙⵎⵓⵏⵏⵉⵏ ⵊⴰⵔ ⵓⵎⴰⴷⴰⵏ ⴰⵎⵖⵔⵉⴱⵉ ⴷ ⵓⵎⵓⵔⵉⵟⴰⵏⵉ, ⴷ ⵜⵉⵔⴰⵜ ⵉⴷⵓⵙⵏ ⵉ ⵓⵙⴷⵓⵙ ⵏ ⵓⵎⵢⴰⵡⴰⵙ ⴳ ⴽⵓ ⵉⴳⵔⴰⵏ ⵙ ⵎⴰⴷ ⵉⵙⴽⴰⵔⵏ ⵉⵏⴰⵔⵓⵣⵏ ⵏ ⵉⵎⴰⴷⴰⵏⵏ ⴳⴰⵏⵉⵏ ⵉⵎⴷⴷⵓⴽⴽⴰⵍ.
ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵎⴰⵙⵙ ⴰⵏⵙⵙⵉⵅⴼ ⵏ ⵓⵙⵇⵇⵓⵎ ⵏ ⵉⵎⵓⵔⴰ ⴼ ⵡⴰⵜⵉⴳ ⵏ ⵓⵣⴷⴷⵓⵢ ⴷ ⵓⵎⵛⴰⵡⴰⵕ ⵉⵣⵣⵉⴳⵣⵏ ⴳ ⵓⵙⵡⵉⵔ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵉⵙⴰⵡⵍ ⴼ ⵜⵉⵔⴰⵜ ⵉ ⵓⵏⵎⵓⵇⵇⴰⵔ ⴷ ⵓⵔⵣⵣⵓ ⴰⴽⴷ ⵎⴰⵙⵙ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵎⵓⵕⵉⵟⴰⵏⵉⵜ ⴳ ⵎⴰ ⵏⵏ ⵓⵔ ⵢⴰⴳⴳⵓⴳⵏ, ⵢⵉⵏⵉ ⵎⴰⵙ ⵉⵔⴰ ⵓⵙⵇⵇⵉⵎ ⵏ ⵉⵎⵓⵔⴰ ⴰⴷ ⵣⵣⵉⴳⵣⵏⵜ ⵜⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵙ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵍⴰ ⵍⵍⵉ ⵔⴰⴷ ⵉⵙⵡⵓⵔⵉ ⴰⴽⴷ ⵜⴰⵏⴳⴳⵯⵓⵜ ⵏⵏⵙ ⴳ ⵎⵓⵕⵉⵟⴰⵏⵢⴰ ⴳ ⵓⵔⵣⵣⵓ ⵏ ⵓⵙⵎⵖⵔ ⵏ ⵜⵣⴷⴰⵢⵉⵏ ⵜⵉⵣⵣⵔⴰⴼⵉⵏ ⵊⴰⵔ ⵙⵏⴰ ⵜⵎⵉⵣⴰⵔ ⵙ ⴽⵉⴳⴰⵏ ⵏ ⵓⵎⵢⴰⵡⴰⵙ ⴷ ⵜⵡⵉⵣⵉ.
ⵉⵙⵎⵏⵉⴷ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ ⵉⵙⵉⵙⴼⵉⵡⵏ ⴼ ⵜⵉⵍⴰⵍ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴳ ⵍⵎⵖⵔⵉⴱ ⴷ ⵜⵉⵢⵢⴰⴼⵉⵜⵏ ⵏⵏⵙ ⴳ ⵉⵙⵡⵉⵔⵏ ⴰⵏⵎⵏⴰⴹ ⴷ ⵓⵙⴳⴰⵡⴰⵏ ⴷ ⵓⴳⵔⴰⵖⵍⴰⵏ, ⴷ ⵓⵙⴷⵓⵙ ⵏ ⵓⵣⴷⴷⵓⵢ ⴰⴽⴷ ⵜⴰⵎⵙⵎⵏⵓⵜ ⵜⴰⵏⴰⵎⵓⵔⵜ ⵜⴰⵎⵓⵕⵉⵟⴰⵏⵉⵜ ⵙ ⵜⵎⵍⴷⴰ ⵍⵍⵉⵖ ⵉⴳⴰ ⵍⵎⵖⵔⵉⴱ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⴱⵕⵍⴰⵎⴰⵏⵉⵜ ⵉ ⵜⴰⵎⵓⵏⵜ ⵉ ⵓⵏⴰⵎⵎⴰⵙ ⴳ ⵉⴱⵔⵉⵔ ⴷ ⵢⵓⵛⴽⴰⵏ.
ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ ⵎⴰⵙⵙ ⵢⵓⵏⵙ ⵙⴽⴽⵓⵔⵉ ⴰⵎⴰⵡⴰⵙⴰⵙ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵜⵎⵙⵙⵏⵜⴰⵢⵜ ⵎⵥⵥⵉⵏ ⴷ ⵜⵡⵡⵓⵔⵉ ⴷ ⵜⵙⵓⴳⴰⵔ, ⵎⴰⵙⵙ ⴰⵎⵙⵇⵇⴰⴷ ⵏ ⵎⵓⵕⵉⵟⴰⵏⵉ ⴳ ⵕⵕⴱⴰⵟ ⵎⵓⵃⴰⵎⵎⴰⴷ ⵡⵍⴷ ⵃⴰⵏⴰⵏⵉ, ⵉⴳⵎⴰⵎⵏ ⵏ ⵉⴱⵔⵙⵉⵔⴰⵜⵏ ⵏ ⵓⵎⴰⵡⵙⴰⵙ ⴰⵎⵓⵕⵉⵜⴰⵏⵉ ⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ.