ⵜⵉⵙⵏⵙⵉ ⵏ ⵓⵙⵙⵍⵎⴷ ⵏ ⵜⵎⴰⵣⵉⵖⵜ
ⵉⵥⴹⴰⵕ ⵎⴰⵙⵙ ⵃⵎⴰⴷ ⴱⵍⵄⴰ, ⴰⵙⵍⵎⴰⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵀⵍⴰ ⵏ ⵡⴰⵎⵓⵔ ⵏ ⵡⴰⴽⵓⵛ, ⴰⴷ ⵉⵙⴽⵔ ⵢⴰⵜ ⵜⵙⵏⵙⵉ ⵜⴰⵍⵉⴽⵟⵕⵓⵏⵉⵜ ⵉⵥⵍⵉⵏ ⵙ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉ ⵜⴰⵣⵣⴰⵏⵉⵏ ⵎⵥⵥⵉⵏⵉⵏ. ⵍⵍⴰⵏ ⴳⵉⵙ ⴽⵉⴳⴰⵏ ⵏ ⵓⵏⵓⵖⵏ ⴷ ⵜⵓⵎⴰⵢⵉⵏⵉⵏ ⵜⵉⵏⵎⵍⴰⵏⵉⵏ ⵏ ⵓⵙⵡⵉⵔ ⴰⵎⵣⵡⴰⵔⵓ, ⴳ ⵍⵍⴰⵏⵜ ⵜⵏⴼⵓⵙⵉⵏ ⵜⵜⵓⵙⵎⵔⴰⵙⵏⵉⵏ ⴳ ⵜⵎⵙⵉⵔⵜ ⵏ ⵓⵎⵢⴰⵡⴰⴹ ⵍⵍⵉ ⵉⴳⴰⵏ ⵢⴰⵜ ⵜⵔⵙⵍⵜ ⵜⴰⵙⵉⵍⴰⵏⵜ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⵉⵥⴹⵕ ⵓⵙⵍⵎⴰⴷ ⵎⴰⵙⵙ ⵃⵎⴰⴷ ⴱⵍⵄⴰ ⴰⴷ ⵉⵙⵏⴼⵍ ⵜⵉⵏⴼⵓⵙⵉⵏ ⵏ ⵓⵙⵡⵉⵔ ⴰⵎⵣⵡⴰⵔⵓ ⵙ ⵢⴰⵏ ⴰⵙⴳⵯⵎ ⴰⵎⵓⵟⵟⵓⵏ ⵉⵍⵍⴰⵏ ⵙ ⵓⵏⵓⵖ ⴰⵍⵉⴽⵟⵕⵓⵏⵉ ⴷ ⵓⴼⴰⵔⵙ ⵏ ⵓⵏⵓⵖⵏ ⵜⵜⵎⵓⵙⵙⵓⵏⵉⵏ ⵙ ⵓⴳⵔⴷ ⴷ ⵡⴰⵡⵍⴰⴼ.
ⵉⵙⴷⴷⵉⴷ ⵓⵙⵍⵎⴰⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵖⵔⵎⵜ ⵏ ⵡⴰⵎⵓⵔ ⵏ ⵡⴰⴽⵓⵛ ⵎⴰⵙ ⵜⴳⴰ ⵜⵙⵏⵙⵉ ⴰⴷ ⵉⵥⵍⵓⵏ ⵉ ⵉⵎⵥⵢⴰⵏⵏ, ⵜⵜⵓⵙⵙⴰⵏ ⵙ ⵓⵙⴼⴰⵍⴽⵉ ⵏⵏⵙ ⴷ ⵜⴼⵔⴰⵔⴰ ⵏⵏⵙ ⴷ ⵓⵎⵙⴰⵙⴰⵏ ⵉⴽⵯⵍⴰⵏ ⵏⵏⵙ, ⴰⵢⵍⵍⵉ ⵜⵜ ⵉⵜⵜⴰⵊⵊⴰⵏ ⴰⴷ ⵜⴰⵡⵉ ⵜⴰⵢⵏⵉⵜ ⵏ ⵉⵎⵥⵢⴰⵏⵏ.