ⵉⵙⵉⵙⴼⵉⵡⵏ ⴼ ⵜⵓⴷⵔⵜ ⴷ ⵓⴼⴰⵔⵙ ⵏ ⵎⵓⵃⵎⵎⴰⴷ ⵛⴰⴼⵉⵇ
ⵉⴳⴰ ⵓⵙⴰⵍⵎⴰⴷ ⵎⵓⵃⴰⵎⵎⴰⴷ ⵛⴰⴼⵉⵇ ⵢⴰⵏ ⴳ ⵉⵏⴱⴷⴰⴷⵏ ⵏ ⵓⵙⴳⵎⵉ ⴷ ⵓⵙⵍⵎⴷ ⴳ ⵜⵎⴰⵣⵉⵔⵜ ⵏⵏⵖ.
ⵉⵍⵓⵍ ⵎⵓⵃⴰⵎⵎⴰⴷ ⵛⴰⴼⵉⵇ ⴳ 1926 (ⵉⴼⴹ ⴷ ⵜⵥⴰⵜ ⵜⵉⵎⵎⴰⴹ ⴷ ⵙⵉⵏ ⵡⴰⴳⵏⴰⵔⵏ ⴷ ⵚⴹⵉⵚ) ⴳ ⴰⵢⵜ ⵙⴰⴷⵏ. ⵉⴳⴰ ⵖ ⵉⵇⴱⵓⵔⵏ ⵏ ⵉⵏⵍⵎⴰⴷⵏ ⵏ ⵓⵙⵉⵏⴰⵏ ⵏ ⴰⵥⵕⵓ.
ⵢⵓⵎⵥ ⴰⵙⵍⴽⵉⵏ ⴳ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⵓⵔⴰⴳⵜ ⴳ ⵓⵎⵣⵔⵓⵢ ⴷ ⵓⴷⵉⴱⵍⵓⵎ ⴳ ⵓⵎⴳⴳⵉⵡⵙ.
ⵉⵡⵙⵡⵓⵔⵉ ⴷ ⴰⵙⵍⵎⴰⴷ ⴳ ⵜⵣⵡⵉⵔⵉ ⵏⵏⵙ ⴳ ⴷⵎⵏⴰⵜ.
ⵉⵙⴽⵔ ⵜⵉⴷⴰⵍⵉⵡⵉⵏ ⵜⵉⵎⵣⵡⵓⵔⴰ ⴳ 1955 (ⵉⴼⴹ ⴷ ⵜⵥⴰⵜ ⵜⵉⵎⵎⴰⴹ ⴷ ⵙⵉⵏ ⵡⴰⴳⵏⴰⵔⴰⵏ ⴷ ⵙⵎⵎⵓⵙ ⴷ ⵎⵔⴰⵡ) ⵉ ⵓⵙⵍⵎⴷ ⵏ ⵜⵄⵔⵔⵉⵎⵉⵏ ⴳ ⵓⵙⵓⵏ ⵏ ⵜⴰⵢⵙⴰ, ⵉⵙⵡⵓⵔⵉ ⵓⵍⴰ ⴳ ⵓⵙⵉⵏⴰⵏ ⵏ ⵜⴼⵔⵅⵉⵏ ⴳ ⴼⴰⵙ.
ⴷⴼⴼⵉⵔ ⵏ ⵜⵙⵉⵎⴰⵏⵜ ⵏ ⵜⵎⴰⵣⵉⵔⵜ, ⵉⵙⵡⵓⵔⵉ ⴷ ⴰⵎⴳⴳⵉⵡⵙ ⵏ ⵓⵙⵍⵎⴷ ⴰⵎⵏⵣⵓ ⴳ ⵎⵏⵏⴰⵡⵜ ⵜⵖⵔⵎⵉⵏ ⵜⵉⵎⵖⵔⵉⴱⵉⵢⵉⵏ.
ⵙⴳ 1963 (ⵉⴼⴹ ⴷ ⵜⵥⴰⵜ ⵜⵉⵎⵎⴰⴹ ⴷ ⴽⵕⴰⴹ ⵡⴰⴳⵏⴰⵔⵏ ⴷ ⴽⵕⴰⴹ), ⵉⴳⴰ ⴰⵎⴳⴳⵉⵡⵙ ⴰⵎⴰⵜⴰⵢ ⵏ ⵓⵙⵍⵎⴷ ⴰⵎⵏⵣⵓ.
ⴳ 1967 (ⵉⴼⴹ ⴷ ⵜⵥⴰⵜ ⵜⵉⵎⵎⴰⴹ ⴷ ⴽⵕⴰⴹ ⵡⴰⴳⵏⴰⵔⵏ ⴷ ⵙⴰ), ⵉⴳⴰ ⴰⵎⴳⴳⵉⵡⵙ ⴰⵏⴰⵎⵎⴰⵙ ⵏ ⵓⵎⵣⵔⵓⵢ ⴷ ⵜⵊⵓⵖⵔⴰⴼⵉⵜ.
ⵙⴳ 1970 (ⵉⴼⴹ ⴷ ⵜⵥⴰⵜ ⵜⵉⵎⵎⴰⴹ ⴷ ⴽⵕⴰⴹ ⵡⴰⴳⵏⴰⵔⵏ ⴷ ⵎⵔⴰⵡ), ⵉⴳⴰ ⴰⵎⴰⵔⵉ ⵏ ⵓⵡⴰⵏⴽ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵍⵎⴷ ⴳ ⵎⵏⵏⴰⵡⵜ ⵜⵏⴱⴰⴹⵉⵏ.
ⵉⵜⵜⵓⵙⵎⴰⴳⴰⵍ ⵓⵍⴰ ⵙ ⵜⵙⵎⵉⴳⵍⵜ ⴳ ⵓⴱⵔⵙⵉⵔⴰ ⴰⴳⵍⴷⴰⵏ, ⵉⴳ ⴰⵙⴰⵍⵎⴰⴷ ⴷ ⵓⵏⵎⵀⴰⵍ ⴳ ⵓⵙⵉⵏⴰⴳ ⵏ ⵉⴳⵍⴷⵓⵏⵏ.
ⴳ ⵓⴱⵔⵉⴷ ⵏ ⵓⵙⵍⵎⴷ ⴷ ⵓⵙⴳⵎⵉ, ⵉⵙⵙⵖⵔⴰ ⵎⴰⵙⵙ ⵛⴰⴼⵉⵇ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷ ⵜⵓⵜⵍⴰⵢⵜ ⵜⴰⴼⵕⴰⵏⵚⵉⵚⵜ, ⴰⵎⵣⵔⵓⵢ, ⴰⵙⵓⵖⵍ, ⵜⵉⵎⴰⵙⵙⴰⵏⵉⵏ ⵏ ⵓⵙⴳⵎⵉ.
ⵢⴰⵡⵙ ⴳ ⵓⵙⵎⵓⵜⵜⴳ ⵏ ⴽⵉⴳⴰⵏ ⵏ ⵉⵏⵍⵎⴰⴷⵏ ⴷ ⵉⵙⵍⵎⴰⴷⵏ ⴷ ⵉⵎⴳⴳⵉⵡⵙⵏ ⴷ ⵉⵎⵔⵣⵓⵜⵏ.
ⴳ 14 (ⴽⴽⵓⵥ ⴷ ⵎⵔⴰⵡ) ⵉⵏⵏⴰⵢⵔ 2002 (ⵙⵉⵏ ⵉⴼⴹⵏ ⴷ ⵙⵉⵏ), ⵉⴳⴰ ⴰⵏⴱⴷⴰⴷ ⴰⵎⵣⵡⴰⵔⵓ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵉⴽⴽ ⵜⵜ ⵏⵏ ⵓⵍⴰ ⴷ ⴰⴳⵎⴰⵎ ⵖ ⵓⵙⵇⵇⵉⵎ ⴰⵎⵛⵛⵉⵡⴰⵕ ⵏ ⵉⵣⵔⴼⴰⵏ ⵏ ⵓⴼⴳⴰⵏ.
ⵉⵙⴽⵔ ⵓⵙⴰⵍⵎⴰⴷ ⵎⵓⵃⴰⵎⵎⴰⴷ ⵛⴰⴼⵉⵇ ⵜⴰⵡⵓⵔⵉ ⵜⴰⵅⴰⵜⴰⵔⵜ ⴳ ⵓⵎⵏⵉⴷ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ, ⵙⵍⴰⵡⴰⵏ ⴰⴽⴽ ⴳ ⵉⴳⵔⴰⵏ ⵏ ⵜⵉⵔⵔⴰ ⴷ ⵓⵔⵣⵣⵓ ⴷ ⵓⵙⵡⵉⵏⴳⵎ.
ⵉⴳⴰ ⵎⵓⵃⴰⵎⵎⴰⴷ ⵛⴰⴼⵉⵇ ⴰⴳⵎⴰⵎ ⴳ ⵜⴳⵍⴷⵉⵜ ⵜⴰⵎⴰⵖⵔⵉⴱⵉⵜ ⵙⴳ 1980 (ⵉⴼⴹ ⴷ ⵜⵥⴰⵜ ⵜⵉⵎⵎⴰⴹ ⴷ ⴽⴽⵓⵥ ⵡⴰⴳⵏⴰⵔⵏ).
ⴳ ⵜⵣⵡⵉⵔⵉ, ⵉⵙⵙⵏⵜⵉ ⴰⵔ ⵉⵜⵜⴰⵔⴰ ⵉⵎⴰⴳⴰⵔⴰⴷⵏ ⴼ ⵜⴷⵍⵙⴰ ⵜⴰⵎⴰⵣⵉⵖⵜ ⴷ ⵜⵣⴷⴰⵢⵜ ⵏⵏⵙ ⴷ ⵜⵙⵉⵎⴰⵏⵜ ⵏ ⵜⵎⴰⵣⵉⵔⵜ.
ⵉⵣⵓⵣⵣⵔ ⵉⵎⴰⴳⵔⴰⴷⵏ ⴳ ⵜⵙⵖⵓⵏⵜ « ⴰⴼⴰⵇ » ⴳ 1967 (ⵉⴼⴹ ⴷ ⵜⵥⴰⵜ ⵜⵉⵎⵎⴰⴹ ⴷ ⴽⵕⴰⴷ ⵡⴰⴳⵏⴰⵔⵏ ⴷ ⵙⴰ) ⵍⵍⵉ ⴷ ⵜⵙⴼⴼⵓⵖ « ⵜⴰⴷⴷⴰⵔⵜ ⵏ ⵓⵙⵡⵉⵏⴳⵎ » ⵙ ⵜⵏⵙⵙⵉⵅⴼⵜ ⵏ ⵓⴼⵍⵙⴰⴼ ⴰⵎⵖⵔⵉⴱⵉ ⵎⵓⵃⴰⵎⵎⴰⴷ ⵄⴰⵣⵉⵣ ⵍⵃⴱⴰⴱⵉ.
ⵢⵓⵔⴰ ⵓⵍⴰ ⵉⴷⵍⵉⵙⵏ ⵏ ⵓⵙⵡⵉⵏⴳⵎ ⵉⴷⵔⴰⵏ ⵙ ⵜⴼⵕⴰⵏⵚⵉⵚⵜ ⴰⵎ : ⴳⴰⵔ ⵉⵙⵡⵉⵏⴳⵉⵎⵏ, ⴰⵡⴰⵍ ⵏ ⵍⵎⵓⴷⴷⵏ.
ⴳ 1978 (ⵉⴼⴹ ⴷ ⵜⵥⴰⵜ ⵜⵉⵎⵎⴰⴹ ⴷ ⴽⵕⴰⴹ ⵡⴰⴳⵏⴰⵔⵏ ⴷ ⵜⴰⵎ ⴷ ⵎⵔⴰⵡ), ⵢⵓⵔⴰ ⵢⴰⵏ ⵓⵏⵇⵇⵉⵙ ⴼ ⵓⵛⵛⵉⵍ ⵏ ⵓⵅⵎⵎⴻⵎ ⴳ ⵜⵎⴰⵣⵉⵖⵜ ⴷ ⵓⵙⵍⵎⴷ ⵏⵏⵙ.
ⵉⵙⵙⴼⵓⵖ ⴷ ⴽⵉⴳⴰⵏ ⵏ ⵉⴷⵍⵉⵙⵏ ⵙⵜⴰⵡⵀⵎⵎⴰⵏⵉⵏ ⴳ ⵢⵉⴳⵔ ⵏ ⵜⴷⵍⵙⴰ ⵜⴰⵎⴰⵣⵉⵖⵜ, ⴳⵉⵙⵏ : ⴰⵙⵎⴰⵇⵇⵍ ⴼ ⵡⴰⴳⵏⴰⵔ ⴷ ⴽⵕⴰⴹ ⴷ ⵎⵔⴰⵡ ⵏ ⵓⵎⵣⵔⵓⵢ ⵏ ⵉⵎⴰⵣⵉⵖⵏ, ⴰⵎⴰⵡⴰⵍ ⵏ ⵜⵎⴰⵣⵉⵖⵜ, ⵙⵉⵏ ⵡⴰⴳⵏⴰⵔⵏ ⴷ ⴽⴽⵓⵥ ⵏ ⵜⵎⵙⵉⵔⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵡⵉⵢⵢⴰⴹ.
ⴳ 2002, ⵢⵉⵡⵉ ⵜⴰⵙⵎⵖⵓⵔⵜ ⵏ ⵓⴳⵍⴷⵓⵏ ⴽⵍⴰⵡⵙ ⵉ ⵜⵓⵙⵙⵏⴰ ⴷ ⵓⵎⵙⵓⵔⵓⴼ.