ⵓⵔⴰⵔ ⵏ ⵜⵎⵣⴳⵓⵏⵜ: ⵎⵎⴰⵅ ⵅⴰⵙ ⵏⵜⵛⵉⵏ
ⵙⴱⴷⴷⴰⵜ ⵉⵎⵏⵖⵉ ⴷ ⵜⵄⵢⵢⴰⵍⵉⵏ, ⴷ ⵜⵉⵡⵜⵎⵉⵏ ⵣⴳ ⵏⵏⵊ. » ⴰⵖⵓⵢⵢⵓ ⵉⴳⵉⵏ ⵜⵉⴷⵜ , ⵣⴳ ⵡⴰⵏⵛⵜ ⵉⵏ ⵜⵓⵍⵙ ⵜⵡⵔⵉⴽⵜ, ⴳ ⵜⵎⵣⴳⵓⵏⵜ ⵏ ⵎⴰⵙⵙ ⵄⴱⴷ ⵔⵃⵎⴰⵏ ⵙⵉⴽⵔⵉ, ⵎⵉ ⵉⴳⵓ ⴰⵙⵙⴰⵖ ⵏ ‘ⵎⵎⴰⵅ ⵅⴰⵙ ⵏⵜⵛⵉⵏ’. ⵓⵔⴰⵔ ⵣⴳ ⵡⴰⵙⵙⴰⵖ ⵉⵜⵉⵏⵉ ⵜⴰⵎⴰⵔⴰ, ⴳ ⵍⵍⴰⵏⵜ ⵜⵙⴷⵏⴰⵏ, ⵢⴰ ⴳⵉⵏⵜ ⵜⵉⵎⵥⵥⵢⴰⵏⵉⵏ, ⵢⴰ ⴳⵉⵏⵜ ⵜⵉⵎⵖⴰṛⵉⵏ; ⵅⴰⵙ ⵏⵜⴰ ⵉⵔⵥⵥⵓⵎⵏ ⵉⵜⵢⴰⵡⵉⵏ ⵉ ⵡⴽⵔⵓⵙ ⵜⵙⵙⵔⵙ ⵜⵎⵣⴳⵓⵏⵜ, ⵓⵍⵉⵏ ⵅ ⵡⴰⵡⴰⵍ ⵏ ⵓⵙⵖⴰⵏ, ⵉⵙ ⴰⴽⴽ ⴰⵢⵏ ⵉⵏⵏⴰ ⴱⵔⴰⵀⵉⵎ, ⵉⴱⴷⴷ ⵅ ⵓⵙⵎⵎⵜⵔ ⵏ ⵄⵍⵍⴰⵍ, ⴰⴼⴰⴷ ⴰ ⵜⴰⵖⵓⵍ ⴷⴳⵙ ⵜⴰⵙⴰ ⵏ ⴰⵢⵜ ⵜⴰⴷⴷⴰⵔⵜ, ⴰⴳⴷ ⵎⵉ ⵢⴰⵖⵓⵍ ⵉⵇⵊṛ; ⴰⵍⵍⵉⴳ ⵢⵉⵡⵉ ⵡⴰⵟⵓ ⴰⵡⴰⵍ ⵏⵏⵙ, ⵓⵔ ⴰⵙ ⵢⵓⴷⵉⴼ ⵜⵉⵎⴷⵊⵉⵏ, ⵢⵓⵣⵣⵍ ⵖⵔ ⵓⵙⵉⵣⵣⵍ, ⵉⵙ ⴷⴰ ⵜⵚⵚⵉⵡⵜ ⵖⵔ ⵜⴰⴷⴷⵔⵜ ⵓⵣⵔⴼ, ⵏⵏⴰ ⴰⵔ ⴰ ⵉⴳⵏ ⵜⴰⵎⵏⵜⵉⵍⵜ ⵉ ⵡⵓⴽⵓⵙ ⵏ ⵜⵣⴷⵖⵜ ⵖⵔⵙ ⵉⵍⵍⴰⵏ, ⵀⴰ ⵉⴱⴰⴹ ⴰⴷ ⵇṛⵇⴱⵏ ⵅⴼⵙ, ⴷⴰⵢ ⴽⵔⴼⵏ ⵜ ⵀⴰ ⴳⵔⵏⵜ ⴳ ⵓⵣⵔⴷⴰⴱ; ⵄⴰⴷ ⴰⴳ ⵓⴼⵓ ⴷⴳⵙ ⵜⵉⴷⴷⵉ; ⴰⵢⵏ ⴰⵔ ⴰ ⵉⵍⵎⵎⴷⵏ ⵉⵙ ⴰⴳⴳⵏⴼⴰ ⵣⴳ ⵜⵉⵜⵉ, ⵢⵓⴼⵓ ⴰⵙⴰⴼⴰⵔ ⴳ ⵜⵉⵜⵉ ⵏ ⵜⵎⵏⴰⵟ ⵉⵣⵔⵉⵏ ⵜⴻⵜⵜⵛⴰⵜ; ⴷⴰⵢ ⵜⵏⵏⴳⵣⴰ ⵜⵙⵓⴼⵖⵜ ⴰⵍⵍⵉⴳ ⵜⴽⴽⵙ ⴰⵎⵓⵔ ⵏ ⵓⵎⵚⴰⵡⴰⵟ, ⴰⴳⴷ ⵓⵥⵓⵖṛ ⵏ ⴰⴽⴽ ⵎⴰⴳ ⵍⵍⴰⵏ ⴳ ⵡⴰⵍⵍⴰⵖ ⵏ ⵓⵎⵔⵔⵜ, ⵙ ⵜⴳⵓⵔⵉ ⵉⵟⵏⵉⵏ ⴰⵏⴰⴳⵔⴰⵡ, ⵏⵏⴰ ⵓⵔ ⵢⵓⵛⵉⵏ ⴰⴷⴷⵓⵔ ⵉ ⵓⵏⴰⴳⵔⴰⵡ ⵏ ⵓⵙⴳⵎⵉ ⴷ ⵡⵏ ⵉⵣⵔⴼⴰⵏ ⴷ ⵜⴷⵓⵙⵉ.
ⵜⴰⵎⵣⴳⵓⵏⵜ ⵏ ⵎⵎⴰⵅ ⵅⴰⵙ ⵏⵜⵛⵉⵏ, ⵜⵜⵡⴰⵔⵉ ⵙ ⵜⵙⵔⵖⵉⵏⵜ ⴳ ⵉⵍⵍⴰ ⵓⵎⵓⵔ ⵏ ⵜⴷⴰⵔⵉⵊⵉⵜ, ⴷ ⴰⵍⵍⵉⴳ ⵜⵓⵙⵉ ⵜⵎⵟⵟⵓⵟⵜ ⴳ ⵡⴰⵡⴰⵍ ⵙ ⵜⵙⵔⵖⵉⵏⵜ ⵏ ⵜⵉⵏⵎⵍ, ⵉⴽⴽⵔ ⴰⴳⵉⵙ ⵓⵔⴳⴰⵣ: ⵜⵓⵜⵍⵢⴰⵜ ⵙ ⵜⵙⵙⴰⵡⴰⵍ ⵜⵉⵍⵉⵥṛⵉ ⴰⵢⵓ, ⴷⴰⵢ ⵜⵉⵍⵉ ⵜⵎⵏⵜⵉⵍⵜ ⵉ ⵉⵎⴰⵏⵏⴰⵢⵏ ⴰⴽ ⴰⴷ ⴹⵚⵚⵏ, ⵅ ⵎⴰⴳ ⵙⵙⵎⵔⴰⵔ (ⵄⵍⵍⴰⵍ ⴷ ⵢⴰⵎⵏⴰ), ⵏⵏⴰ ⵜⴰⵍⵙⵏⵉⵏ ⴰⵅⵓⴱ.
ⵜⴳⵔ ⴰⵙ ⵢⴰⵎⵏⴰ ⵍⵄⴰⵔ, ⵉⵙⵙⴰⵖⵓⵍ ⴰⵙ ⵙ : ⴰⴳⴰⵔ ⵉⴼⴼⵖ, ⴷⴰ ⵜⴷⴷⵓⵜ ⵖⵔ ⵓⵅⴰⵎ ⵏ ⵉⴱⴱⴰⵎ; ⵏⵇⵇⴰⵍ ⵉⵜⵜ ⵜⵓⵙⵉ ⵅⴼⵙ ⴰⴼⵓⵙ, ⴷⴰⵢ ⵉⴱṛṛⵎ ⴰⴳⵉⵙ ⵡⴰⴷⴷⴰⴷ, ⴰⵍⵍⵉⴳ ⵜ ⵉⵥⵥⵄ, ⵜⴰⵖⵓⵍ ⵉ ⵡⵙⵓⴷⵏ ⵏ ⵓⴼⵓⵙ ⴷ ⵓⵃⵓⵥⵥṛ; ⴳ ⵡⴰⵏⵙⴰ ⵎⴰⵏⵉⴳ ⵜⵜⵓⵖ ⴰⴷ ⵉⵣⵔⵉ ⵓⵎⵙⴰⵙⴰ ⵅ ⵓⵎⵚⴰⵡⴰⵟ, ⴷ ⵓⵣⵖⴰⵏ ⵉ ⵉⵛⵛⵓⴹⵏ, ⴳ ⵜⴷⴷⴰ ⵜⵢⵓⴳⴰ ⵎṛṛⴰ; ⵎⴰⴷ ⵜⵉⵎⵓⵔⴰ ⴳⴳⵉⵔⵏⵉⵏ, ⴰⵎⵚⴰⵡⴰⵟ ⵉⵜⴽⴽ ⵅⴰⵙ ⵅ ⵓⵇⵊⵊⵔ ⵏ ⵜⴰⴷⴷⴰⵔⵜ ⵓⵣⵔⴼ.
ⵜⴰⵢⴰⴼⵓⵜ ⵏ ⵓⵎⵃⴰⵟⴰṛ ⵓ, ⵜⵉⵡⵉ ⵄⵍⵍⴰⵍ ⴰⴷ ⵢⴰⵖⵓⵍ ⵖⵔ ⵜⵉⵙⵙⵉ ⵏ ṛṛⵓⴱ, ⴼⴼⵉⵔ ⵎⴰⴳ ⵙⵙⴱⴷ ⵜⵉⵙⵙⵉ ⵏⵏⵙ ⴳ ⵓⵙⵙⴰⵏ ⵉⵣⵔⵉⵏ ⵣⵉⴽ; ⵜⴰⵡⴰⵍⴰ ⴳ ⵢⵓⵣⵏ ⵜⴰⵙⵎⵓⵏⵜ, ⴷ ⴰⴷ ⵉⵊⴱⵔ ⵍⴱⵟⵟⴰ, ⴰⴽ ⴰⴷ ⵉⵄⴷⵉⵍ ⵜⵉⵖⵉⵎⵉⵜ, ⴷ ⵉⵣⵍⵉ ⵉⴷⴷⴰ ⴰⴷ ⵉⵏⵣⵉⵣ: ⵍⴽⴰⵙ ⴰ ⵍⴽⴰⵙ ⵎⵓⵔ ⴷ ⵉ ⵓⵏⵣⴳⵓⵎ, ⵓⵎⴰ ⵓⴼⵉⵏ ⵜ ⴷ ⴰⵙⵎⵎⵓⵎ.
ⴷⴰⵀⴰ ⴰⴳ ⵓⵙⵉⴷ ⵖⵔⵙ ⴱⵔⴰⵀⵉⵎ, ⵉⵔⵣⵣⵓ ⴰⵜ ⵉⵔⵔ ⵖⵔ ⵓⴱⵔⵉⴷ, ⴳ ⵉⴳⴳⵓⵏⵉ ⴰⴷ ⵉⵎⵣⴰⵔⴰⵢ ⴰⴳⴷ ⵜⵉⵙⵙⵉ.
ⴳ ⵓⵣⴳⵏ ⵜⵎⵣⴳⵓⵏⵜ, ⴷⴰ ⵏⴰⵡⵟ ⵖⵔ ⵜⵎⵏⵜⵉⵍⵜ ⵉⵍⵍⴰⵏ ⴼⴼⵉⵔ ⵏ ⵓⵅⵓⴱ ⴳ ⵉⵍⵍⴰ ⵄⵍⵍⴰⵍ, ⵏⵏⴰ ⵔⴰ ⵉⴳⵔⵔⵄⵏ, ⵉⵙ ⵉⴳⴳⵓⵏⵉ ⴰⵙ ⵜⴰṛⵓ ⵢⴰⵎⵏⴰ ⴰⵔⴱⴰ, ⵎⵉ ⵉⵅⵙ ⴰⴷ ⵉⴳ ⴰⵙⵙⴰⵖ ⵏ ⵃⵎⵎⴰⵏ, ⴷⴰ ⵢⴱⵟⴰ ⴳ ⵜⵉⵙⵙⵉ ⵏ ṛṛⵓⴱ, ⵉⵙ ⵜⵍⵓⵍ ⵖⵔⵙ ⵜⵔⴱⴰⵜ.
ⵜⵓⴷⵔⵜ ⵏ ⵜⵎⴰⵔⴰ ⴷ ⵉⵎⵏⵖⵉ ⵉⵖⵎⵙⵏ ⵉ ⵜⵓⴷⵔⵜ ⵏ ⵢⴰⵎⵏⴰ, ⵏⵏⴰ ⵎⵉ ⵜⴳⴳⵉⵔ ⵙ ⵓⵥⵓⵄ, ⴷ ⴰⴷ ⵜⴰⵖⵓⵍ ⴷ ⵜⴰⵎⵓⵏⵜ.
ⵜⴰⵎⵣⴳⵓⵏⵜ ⵜⵇⵟⴰ ⵙ ⵉⵣⵍⵉ ⵉⵜⴻⵜⵜⵔⵏ ⴰⵙⴱⴷⴷ ⵏ ⵜⵉⵜⵉ ⵏ ⵜⵡⵜⵎⵜ, ⵏⵏⴰ ⵉⴳⵉⵏ ⵜⴰⵙⵎⵓⵏⵜ ⵏ ⵓⵔⴳⴰⵣ ⴳ ⵜⵔⵣⴳⵉ ⴷ ⵎⴰⴳ ⵢⴰⴹⴼⵓⵜⵏ.
ⵉⵡⵔⵉⴽⵏ:
ⵓⵔⴰⵔ ⵏ ⵜⵎⵣⴳⵓⵏⵜ, ⵢⵓⵍⵉ ⵙ ⵜⵎⴰⵡⴰⵙⵜ ⵏ ⵉⵡⵔⵉⴽⵏ, ⵏ:
ⵔⴰⵊⴰ ⴰⵖⵛⵡⵉ, ⵀⵉⴱⴰ, ⵎⵔⵡⴰⵏ, ⵓⵎⴰⵢⵎⴰ, ⵙⵎⴰⵄⵍⵉ, ⴱⴰⵀⵉⵊⴰ, ⵃⵎⵣⴰ, ⵣⴰⴳⵓⵔⵉ, ⴷ ⴱⴰⴷⵔ ⵎⵍⵀⵓⴼ; ⴰⵍ ⴰⴹṛⵉⵚ ⵢⵓⵣ ⴷ ⵙ ⵓⴼⵓⵙ ⵏ ⵓⵙⵍⵎⴰⴷ ⵎⴰⵙⵙ ⵙⵉⴽⵔⵉ.
ⴰⵏⵙⴰ:
ⵜⵣⵣⵔⵉ ⵜⵎⵙⵎⵓⵏⵜ ⵓⵏⴰⵔⵓⵣ, ⵓⵔⴰⵔ ⴳ ⵜⴰⴷⴷⴰⵔⵜ ⵉⵄⵔⵔⵉⵎⵏ, ⵅⵎⵉⵙⵙⴰⵜ, ⴳ ⵡⴰⵙⵙ ⵏ 20/04/2022.