ⵜⴰⴱⵔⴰⵜ ⵉ ⵓⵎⴰⵡⵙⴰⵙ ⴱⵏⵎⵓⵙⴰ ⵅⴼ ⵓⵙⵙⵍⵎⴷ ⵏ ⵜⵎⴰⵣⵉⵖⵜ ⵉ ⵉⵎⵖⵔⵉⴱⵉⵢⵏ ⵏ ⴱⵕⵕⴰ
ⵜⵓⵣⵏ ⵜⵎⵙⵎⵓⵏⵜ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵏⴰⴹⵜ ⵏ ⴼⴰⵙ ⵎⴽⵏⴰⵙ ⵜⴰⴱⵔⴰⵜ ⵉ ⵎⴰⵙⵙ ⵛⴰⴽⵉⴱ ⴱⵏⵎⵓⵙⴰ ⵖ ⵜⴻⵜⵜⵔ ⴰⴷ ⵣⵣⵔⵉⵏ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⵔⵉⵎ ⵏ ⵓⵙⵙⵍⵎⴷ ⵏ ⵜⴰⵔⵡⴰ ⵏ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⵍⵍⴰⵏⵉⵏ ⴳ ⵓⵕⵓⴱⴱⴰ, ⵍⵍⵉ ⵔⴰⴷ ⵉⵣⵔⵉ ⴳ ⵢⵓⵏⵢⵓ 2022. ⵙ ⵓⵎⵙⴰⵙⴰ ⴷ ⵎⴰⵙ ⵉⵍⵍⴰⵏ ⴳ ⵉⵎⵉⵔ ⵡⵉⵙ ⵙⵎⵎⵓⵙ ⴳ ⵓⴷⵓⵙⵜⵓⵔ ⵏ 2011 ⵉⵜⵜⵉⵏⵉⵏ ⵎⴰⵙ ⵜⴳⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵜⵓⵜⵍⴰⵢⵜ ⵜⵓⵏⵚⵉⴱⵜ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ, ⵜⴳ ⵓⵍⴰ ⴰⵢⴷⴰ ⵉⵛⵛⴰⵔⵏ ⵏ ⵎⴰⵕⵕⴰ ⵏ ⵉⵎⵖⵔⵉⴱⵉⵢⵏ.
ⴳ ⵜⴱⵔⴰⵜ ⴰⴷ ⵏⵏⵙ, ⵜⵙⴰⵡⵍ ⵜⵎⵙⵎⵓⵏⵜ ⴼ ⵓⵙⵏⴰⵍ ⴰⵎⵔⵙⵍⴰⵏ ⵉⵚⴰⵃⴰⵏ ⵉ ⵜⵎⵙⴰⵔⵜ ⵜⴰⵙⵏⵉⵍⵙⵜ ⴷ ⵜⴷⵍⵙⴰⵏⵜ ⴳ ⵍⵎⵖⵔⵉⴱ ⵙ ⵓⵎⴰⵜⴰ, ⵖⵎⴽ ⴰⵏⵏ ⵓⵍⴰ ⴰⵙⴳⵓⴷⵉ ⴰⴽⴰⴷⵉⵎⵉ ⴷ ⵓⵎⴰⵙⵙⴰⵏ ⴷ ⵓⴱⵉⴷⴰⴳⵓⵊⵉ ⵉⵜⵜⵓⵙⴽⴰⵔⵏ ⴳ ⵓⵎⵏⵉⴷ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ ⵙⴳ ⵎⴰⴷ ⵉⵍⵍⴰ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵏⴳⵔⴰⵡ ⴰⵙⴳⵯⵎⴰⵏ ⴳ ⵓⵙⴳⴳⵯⴰⵙ ⵏ 2003.
ⵜⴱⴷⴷ ⵜⴱⵔⴰⵜ ⴰⴷ ⵓⵍⴰ ⴼ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵏ ⵜⵎⴰⵣⵉⵔⵜ ⵏ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵏ ⵓⵣⵡⴰⴳ ⴷ ⵓⵣⴷⴰⵢ ⵏ ⵉⵏⵎⵓⵔⴰⵏ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⴰⴽⴷ ⵜⴰⵎⴰⵣⵉⵔⵜ ⵏⵏⵙⵏ ⵉⵟⵟⴰⴼⵏ ⵓⴷⵎⴰⵡⵏ ⵉⴷⵍⵙⴰⵏⵏ ⴳⴰⵏⵉⵏ ⵉⵎⵏⵏⴰⵡⵏ.
ⵜⴰⴱⵔⴰⵜ ⴰⴷ ⵜⴻⵜⵜⵢⴰⵣⵏ ⵓⵍⴰ ⵉ ⵓⵏⵙⵙⵉⵅⴼ ⵏ ⵜⵎⵔⵙⵍⵜ ⵍⵃⴰⵙⴰⵏ ⵡⵉⵙ ⵙⵉⵏ ⵉ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⵃⵎⴰ ⴰⴷ ⵜⵉⵍⵉ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵙⵏⴼⴰⵔ ⵏ ⵓⵙⵙⵍⵎⴷ ⵏ ⵜⴰⵔⵡⴰ ⵏ ⵉⵎⵖⵔⵉⴱⵉⵢⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⵃⵎⴰ ⴰⴷ ⵜⴷⵓⵙ ⵜⵣⴷⴰⵢⵜ ⵏⵏⵙⵏ ⴰⴽⴷ ⵜⴰⵎⵓⵔⵜ ⵏⵏⵙⵏ.
