ⵜⴰⴼⵔⴰⵡⵜ: ⴰⵏⵎⵓⵇⵇⴰⵔ ⵜⴰⴼⵙⵓⵜ ⵉ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⴳ ⵜⵙⵓⵜⵍⵜ ⵏⵏⵙ ⵜⵉⵙ ⴽⴽⵓⵥⵜ-2022
ⵜⵙⴱⵔⵔⵃ ⵜⵎⵙⵎⵓⵏⵜ ⴰⵏⴰⵔⵓⵣ ⵉ ⵜⴳⵎⵉ ⴷ ⵓⵏⵢⴰⵍⴽⴰⵎ ⴰⴷⵍⵙⴰⵏ ⵅⴼ ⵓⵙⵏⵎⵉⵍⵉ ⵏ ⵜⵙⵓⵜⵍⵜ ⵜⵉⵙ ⴽⴽⵓⵥⵜ ⵏ ⵓⵏⵎⵓⵇⵇⴰⵔ ⵜⴰⴼⵙⵓⵜ ⵉ ⵙⵙⵉⵏⵉⵎⴰ ⵜⴰⵎⴰⵣⵉⵖⵜ ⵏ ⵍⵎⵖⵔⵉⴱ ⴰⵎⵇⵇⵔⴰⵏ ⵏⴳⵔ 21 ⴷ 24 ⴳ ⵡⴰⵢⵢⵓⵔ ⵏ ⵢⵓⵍⵢⵓⵣ ⴳ ⵜⴼⵔⴰⵡⵜ, ⴷⴷⵓ ⵜⵎⴰⵜⴰⵔⵜ ⵏⵏⵙ ⵜⴰⵙⵓⵍⴰⵏⵜ: ⴰⴷⵔⴰⵔ ⴷ ⵙⵙⵉⵏⵉⵎⴰ.
ⴰⵏⵎⵓⵇⵇⴰⵔ ⴰⴷ, ⴷⴰ ⵉⴳⴰⵏ ⵜⴰⴽⵜⵓⵜ ⵜⴰⵙⴳⵯⵙⴰⵏⵜ ⵉⵥⵍⵉⵏ ⵙ ⵜⵖⵔⵎⵜ ⵏ ⵜⴼⵔⴰⵡⵜ, ⵔⴰⴷ ⵉⵥⵕ ⴰⴼⵙⵔ ⵏ ⵜⵓⴳⵜⵜ ⵏ ⵉⵙⴰⵔⵓⵜⵏ ⵏ ⵙⵙⵉⵏⵉⵎⴰ ⵜⴰⵎⵖⵔⴰⴱⵉⵜ ⴷ ⵜⴷⵣⴰⵢⵔⵉⵜ ⴷ ⵜⵓⵏⵙⵉⵢⵜ ⴳ ⵓⵎⵃⵉⵣⵡⴰⵔ ⴰⵎⴰⴷⴷⵓⴷ, ⵏⵉⵖ ⴳ ⵉⴼⵙⴰⵔ ⵉⴱⴰⵏⵓⵕⴰⵎⵉⵢⵏ ⵏⵉⵖ ⴳ ⵓⴽⴰⴱⴰⵕ ⵏ ⵙⵙⵉⵏⵉⵎⴰ ⵍⵍⵉ ⵔⴰⴷ ⵉⴳⴳⵯⵣ ⴳ ⵜⵓⴳⵜⵜ ⵏ ⵡⵓⵙⵓⵏⵏ ⴳ ⵓⵙⵡⵉⵔ ⵏ ⵜⵙⵓⵏⴹⵜ ⵏ ⵜⴼⵔⴰⵡⵜ, ⵙ ⵓⵙⵙⴹⴼⵕ ⵏ ⵓⵙⵏⵎⵉⵍⵉ ⵏ ⵜⵉⵍⴰⵍ ⵏ ⵓⵙⵎⵓⵜⵜⴳ ⴷ ⵜⴷⵍⵙⴰ ⴷ ⵜⵥⵓⵕⵉ ⵜⵉⵎⵏⵏⴰⵡⵉⵏ, ⴷ ⵓⵎⵃⵉⵣⵡⴰⵔ ⴰⴷⵖⵔⴰⵏ ⵏ ⵜⵙⴼⵉⴼⵉⵏ ⵜⵉⵇⵓⴹⴰⴹⵉⵏ ⵏ ⵉⵏⵔⴰⵎⵙⵓⵜⵏ.
ⵎⴽⵍⵍⵉ ⵔⴰⴷ ⵢⵉⵍⵉ ⵓⴳⴷⵓⴷ ⴰⵎⴰⵔⴰⵢ ⵉ ⵜⵥⵓⵕⵉ ⵜⵉⵙ ⵙⴰ ⴰⴽⴷ ⵜⴽⵜⵓⵜ ⴷ ⵜⵓⴳⵜⵜ ⵏ ⵡⵓⴷⵎⴰⵡⵏ ⵉⵥⵓⵕⴰⵏⵏ ⵏ ⵙⵙⵉⵏⵉⵎⴰ ⵜⴰⵎⵙⵏⴼⵍⵓⵍⵜ, ⴷ ⵢⵉⵜⵔⴰⵏ ⵏ ⵓⵎⵉⵥⴰⵕ ⴳ ⵓⵙⵡⵉⵔ ⵏ ⵢⵉⵥⵥⵍⵎⴹ ⵏ ⵢⵉⴼⵔⵉⵇⵢⴰ, ⵍⵍⵉ ⵔⴰⴷ ⵉⴳⴳⵯⵣ ⴳ ⵡⴰⴽⴰⵍ ⵏ ⵜⴼⵔⴰⵡⵜ ⵃⵎⴰ ⴰⴷ ⵜⴱⴹⵓ ⴰⴽⴷ ⵜⴰⵔⵡⴰ ⵏ ⵜⵎⴰⵣⵉⵔⵜ ⵜⴰⵢⵔⵉ ⴷ ⵓⵔⴰⵎⵙⵓ ⵉ ⵜⵥⵓⵕⵉ ⴰⴷ.
ⵎⴽⵍⵍⵉ ⵔⴰⴷ ⵜⴳⴳⵯⵉⵣ ⵙⵙⵉⵏⵉⵎⴰ ⵜⴰⵜⵓⵏⵙⵉⵢⵜ ⵜⴰⵏⵓⵊⵉⵜ (ⵜⴰⵏⴱⴳⵉⵜ) ⵏ ⵡⴰⴷⴷⵓⵔ ⵅⴼ ⵜⵙⵓⵜⵍⵜ ⵏ ⵓⵙⴳⴳⵯⴰⵙ ⴰⴷ, ⵏⵏⴰ ⵔⴰⴷ ⵉⴳ ⵜⴰⵔⵣⵣⵉⴼⵜ ⵉ ⵢⵉⵎⴰⵏ ⵏ ⵜⴳⵍⵍⵉⵏⵜ ⵜⴰⵏⴰⵥⵓⵕⵜ ⴼⴰⵟⵉⵎⴰ ⵊⵓⵟⴰⵏ ⵏⵏⴰ ⵜⵉⵡⵉ ⵜⵎⵜⵜⴰⵏⵜ ⴳ ⵡⴰⵢⵢⵓⵔ ⴰⴷ, ⵜⴼⵍ ⵙⵙⵉⵏⵉⵎⴰ ⵜⴰⵎⵖⵔⴰⴱⵉⵢⵜ. ⴰⴷ ⵏⵉⵏⵉ:
ⴰⵔ ⴰⵖ ⴼⵜⵜⵓⵏⵜ ⵜⵍⵍⵓⴱⴰⵏⵉⵏ …. ⵏⵥⵓⵥⴹ ⴰⴷ ⵏⴰⴼ ⵎⴰⴷ ⵜⵏⵜ ⵉⵔⵡⴰⵙⵏ.
ⴰⵙⵓⵖⵍ: ⵄⴰⴱⴷⵍⵡⴰⵃⵉⴷ ⴱⵓⵜⴱⴰⵖⴰ