ⵉⵙⴰⵡⵍ ⵙⴰⵏⵛⵉⵣ ⴼ ⵜⵉⵍⴰⵍⵜ ⵏ ⵍⵎⵖⵔⵉⴱ ⴳ ⵓⵙⴱⴷⴷⵉ ⵏ ⵓⵣⵡⴰⴳ ⵡⴰⵔⵓⵍⴳⵉⵏ
ⵉⵙⵓⵜⴳ ⴱⵉⴷⵔⵓ ⵙⴰⵏⵛⵉⵣ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴳ ⵚⴱⴰⵏⵢⴰ ⵜⵓⴳⴳⴰⵙ ⵍⵍⵉ ⵉⵙⴽⴰⵔ ⵍⵎⵖⵔⵉⴱ ⴳ ⵓⵎⵏⵉⴷ ⵏ ⵓⵙⴱⴷⴷⵉ ⵏ ⵓⵣⵡⴰⴳ ⵡⴰⵔⵓⵍⴳⵉⵏ, ⵢⵉⵏⵉ ⵎⴰⵙ ⵜⴳⴰ ⵜⴳⵍⴷⵉⵜ ⵏ ⵍⵎⵖⵔⵉⴱ ⴰⵎⴷⵔⵓ ⴰⵙⵜⵔⴰⵜⵉⵊⵉ ⴰⵔ ⵉⵙⴱⴷⴷⴰⴷ ⵜⵉⵡⵡⵓⵔⵉⵡⵉⵏ ⵏ ⵜⴽⵕⴹⵉ ⵍⵍⵉ ⵙⴽⴰⵔⵏ ⵉⵎⵣⵡⴰⴳⵏ ⵡⴰⵔⵓⵍⴳⵉⵏⵏ ⵙ ⵜⵡⵉⵣⵉ ⵏ ⵍⵎⴰⴼⵢⴰⵜ ⴳⴰⵏⵉⵏ ⵜⵉⴳⵔⴰⵖⵍⴰⵏⵉⵏ.
ⵉⵙⴷⴷⵉⴷ ⵙⴰⵏⵛⵉⵣ ⴳ ⵢⴰⵏ ⵓⵎⵙⴰⵡⴰⵍ ⵍⵍⵉ ⴷⵉⵙ ⵉⵙⴽⵔ ⵓⵖⵎⵉⵙ “ⵍⴰⴼⴰⵏⴳⴰⵔⴷⵢⴰ” ⵎⴰⵙ ⵉⴳⴰ ⵍⵎⵖⵔⵉⴱ ⴰⵎⴷⵔⵓ ⴰⵙⵜⵔⴰⵜⵉⵊⵉ ⵏ ⵚⴱⴰⵏⵢⴰ ⴳ ⵓⵙⴱⴷⴷⵉ ⵏ ⵓⵣⵡⴰⴳ ⵡⴰⵔⵓⵍⴳⵉⵏ, ⵉⴳⴰ ⵍⵎⵖⵔⵉⴱ ⵓⵍⴰ ⴰⵎⴷⵔⵓ ⵉⵙⵜⴰⵡⵀⵎⵎⴰⵏ ⵉ ⵜⵎⴰⵣⵉⵔⵜ ⵏ ⵚⴱⴰⵏⵢⴰ ⴳ ⵓⵙⴱⴷⴷⵉ ⵏ ⵓⴱⵔⵙⵙⵉⵡⴷ.
ⵉⵣⵎⵎⵉⵎ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ ⵎⴰⵙ ⵉⵎⵎⴰⵖ ⵍⵎⵖⵔⵉⴱ ⴰⴷ ⵉⵙⴱⴷⴷ ⵜⵉⵡⵡⵓⵔⵉⵡⵉⵏ ⵏ ⵜⴽⵕⴹⵉ ⵍⵍⵉ ⵙⴽⴰⵔⵏ ⵉⵎⵣⵡⴰⴳⵏ ⵡⴰⵔⵓⵍⴳⵉⵏⵏ, ⵢⵉⵏⵉ ⵎⴰⵙ ⴷ ⵡⵉⵍⵍⵉ ⴳⴰⵏⵉⵏ ⵉⵎⴰⵙⴰⵢⵏ ⵉⴷⵙⵍⴰⵏⵏ ⴷⴰⵜ ⵏ ⵜⴰⵙⵙⴰⵙⵜ ⴰⴷ ⵉⵍⵍⴰⵏ ⴷ ⵉⵡⴷⴰⵏ ⵍⵍⵉ ⴳⵉⵙ ⵎⵎⵓⵜⵏⵉⵏ ⴳⴰⵏⵜⵏ ⵍⵎⴰⴼⵢⴰ ⵜⴰⴳⵔⴰⵖⵍⴰⵏⵜ ⵍⵍⵉ ⵉⵙⴽⴰⵔⵏ ⵜⵉⵡⵡⵓⵔⵉⵡⵉⵏ ⴰⴷ ⵏ ⵜⴽⵕⴹⵉ.
ⵅⴼ ⵜⵉⵔⵎⵉⵜ ⵏ ⵓⴽⵛⵓⵎ ⴰⵎⴷⵔⵓ ⵙⴳ ⵓⴼⵔⴰⴳ ⵏ ⵓⵣⵣⴰⵍ ⴳ ⵜⵖⵔⵎⵜ ⵏ ⵏⵏⴰⴹⵓⵕ, ⵍⵍⵉ ⴷ ⵉⴼⵍⵏ ⵜⴰⵎⵜⵜⴰⵏⵜ ⵏ 23 ⵏ ⵓⴼⴳⴰⵏ ⵙⴳ ⵉⵎⵣⵡⴰⴳⵏ ⵡⴰⵔⵓⵍⴳⵉⵏⵏ ⵙⴳ ⵉⴼⵔⵉⵇⵢⴰ ⵏ ⵉⴼⴼⵓⵙ ⵏ ⵚⵚⵃⵕⴰ, ⵉⵏⵏⴰ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵏ ⵚⴱⴰⵏⵢⴰ ⵎⴰⵙ ⵉⵙⵓⵜⴳ ⵜⴰⵡⵡⵓⵔⵉ ⵍⵍⵉ ⵙⴽⵔⵏ ⵉⴼⵔⴷⴰⵙ ⵏ ⵜⴳⴳⴰⵍⵉⵏ ⵜⵉⴳⴷⵓⴷⴰⵏⵏ ⵜⵉⵎⵖⵔⵉⴱⵉⵢⵉⵏ.