ⴰⴷ ⵓⵔ ⵏⵜⵜⵓ ⴰⵏⵙⴰ ⵏ ⴽⵔⴷⵓⵙ
ⴰⵎⵣⵔⵓⵢ ⵏ ⵙⵓⵙ ⴰⵔ ⵉⵜⵏⵖⵓⴱⵓ ⵖ ⵉⵎⴰⵍⴰⵙⵙ ⴰⴷ ⵉⵣⵔⵉⵏ, ⵉⵅⵯⵍⴰ ⵢⴰⵏ ⵓⵎⴽⵯⵜⵉ ⴰⵏⴰⵎⵓⵏ ⵏ ⴰⵢⵜ ⵙⵓⵙ, ⵖ ⵓⴷⵔⴰⵔ ⵉⴷⴰⵡⴱⵄⵇⵉⵍ. ⴰⵏⵙⴰ ⵏ ⴽⵔⴷⵓⵙ ⵍⵍⵉ ⴷⴰⵔ ⵢⴰⵜ ⵜⵉⵙⵉ ⵎⵇⵇⵓⵕⵏ ⴷⴰⵔ ⴰⵢⵜ ⵉⴷⴰⵡⵍⵜⵉⵜ ⵖⵉⴽⴰⵏⵏ ⴷ ⵉⵙⵓⵙⵉⵢⵏ ⴰⴽⴽ. ⴰⵏⵙⴰ ⴰⴷ ⴰⵖ ⵜⵍⵍⴰ ⵜⴰⵙⵏⴱⴹⴰⵢⵜ ⵜⴰⵣⴰⵢⴽⵓⵜ ⵍⵍⵉ ⴰⴷⵍⵍⵉ ⵉⵜⵜⵓⵙⵙⴰⵏⵏ ⵙ ⵓⵣⵔⴼ, ⵜⴳ ⵢⴰⵜ ⵖ ⵙⵏⴰⵜ ⴷⴰ ⵉⵍⵍⴰⵏ ⴳ ⵜⴰⵎⵓⵔⵜ ⵏ ⵉⴷⴰⵡⵍⵜⵉⵜ, ⵖⵉⴽⴽⴰⵏ ⴷ ⵎⴰⵙ ⵉⴳⴰ ⴽⵔⴷⵓⵙ, ⴰⵎⵎⴰⵙ ⵏ ⵜⵏⵣⴱⴰⵢⵜ, ⴰⵏⴳⴳⵓ ⵏ ⴼⵕⴰⵏⵚⴰ ⵖ ⴳⵔ 1912 ⴷ 1913 ⵖⵉⵏⵏ ⴰⵖ ⵎⵓⵏⵏ ⵉⵏⵣⴱⴰⵢⵏ ⵅⴼ ⵢⴰⵏ ⵡⴰⴽⴰⵍ ⴷ ⵃⵎⴰⴷ ⵍⵀⵉⴱⴰ ⵍⵍⵉⵖ ⵜⵍⵍⴰ ⵜⵎⵉⵖⵉⵜ ⵏ ⴱⵓⵏⵄⵎⴰⵏ.
ⵉⴳⴰ ⴽⵔⴷⵓⵙ ⵜⴰⵏⵇⵇⵉⴹⵜ ⵏ ⵉⴽⴰⴱⴰⵕⵏ ⵙ ⵜⵎⵉⵖⵉⵜ ⵏ ⵡⵉⵊⵊⴰⵏ, ⵎⴰⵢⴰⴷ ⴰⴽⵯ ⴰⵔ ⴰⵖ ⵢⴰⴽⴽⴰ ⵜⵉⵙⵉ ⵏ ⴰⵏⵙⴰ ⴰⴷ ⴷⴰⵔ ⴰⵢⵜ ⵉⴷⴰⵡⵍⵜⵉⵜ. ⵜⵉⵣⵉ ⵍⵍⵉⵖ ⵜⵜⵎⴰⵖⵏ ⵎⵉⴷⴷⵏ ⴰⴷ ⵃⴹⵓⵏ ⴰⵎⵣⵔⵓⵢ ⵏⵏⵙⵏ, ⵜⴰⵖⵉⵡⴰⵏⵜ ⵏ ⵉⴷⴰⴳⴳⵓⴳⵎⴰⵔ ⵜⵓⵙⵉ ⵜⴰⵎⵙⵜⴳⴳⴰⵔⵜ ⵏ ⵎⴰⵢⴰⴷ ⴷⴰ ⵉⵊⵕⴰⵏ, ⴷ ⵖⵉⴽⵍⵍⵉⵜ ⵜⵓⵙⵉ ⵜⵏⴱⴰⴹⵜ ⵜⴰⴷⵖⴰⵔⴰⵏⵜ, ⵍⵍⵉⵖ ⵔⴰⵔⵏⵜ ⵉⵥⵕⵉ ⵅⴼ ⵎⴰⴷ ⵉⵊⵕⴰⵏ. ⴷ ⴰⵔ ⵏⵙⵙⵓⵜⵓⵔ ⴰⴷ ⵉⵏⵓⵕⵥⵎ ⵓⵙⴳⴳⵯ ⵅⴼ ⵎⴰⴷ ⵉⴼⴽⴰⵏ ⵜⵓⵔⴰⴳⵜ ⴰⴼⴰⴷ ⴰⴷ ⵉⵅⵍⵓ ⵣⵓⵏⴷ ⴰⵏⵙⴰ ⴰⴷ, ⴰⴼⴰⴷ ⴰⴷ ⵓⵔ ⵢⵉⵍⵉ ⵖ ⵜⵙⴳⵯⵡⵉⵏ ⵢⴰⴹⵏ…
ⵢⵓⵔⴰ ⵜ: ⵎⴰⵃⴼⵓⴹ ⵃⴰⵎⵉⴷ