ⵜⵍⴽⵎ ⵡⵉⴷⴰⴷ ⵍⴱⵇⵇⴰⵍⵉ ⵉⵍⵍⵉⵙ ⵏ ⵉⵏⵣⴳⴳⴰⵏ ⴰⴱⵕⵍⴰⵎⴰⵏ ⵏ ⵉⵟⴰⵍⵢⴰ
ⵜⵥⴹⴰⵕ ⵜⵄⵔⵔⵉⵎⵜ ⵜⴰⵎⵖⵔⵉⴱⵉⵜ ⵜⴰⵎⴰⵣⵉⵖⵜ ⵡⵉⴷⴰⴷ ⵍⴱⵇⵇⴰⵍⵉ ⵉⵍⵍⵉⵙ ⵏ ⵜⵖⵔⵎⵜ ⵏ ⵉⵏⵣⴳⴳⴰⵏ ⴳ ⵙⵓⵙ (36 ⵏ ⵓⵙⴳⴳⵯⴰⵙ ), ⴰⴷ ⵜⴳ ⵜⴰⵎⴰⵔⵉⵜ ⴳ ⵓⴱⵕⵍⴰⵎⴰⵏ ⵏ ⵉⵟⴰⵍⵢⴰ (ⵍⴰⴽⴰⵎⵉⵔⴰ) ⵙⴳ ⵓⴽⴰⴱⴰⵕ ⴰⴷⵉⵎⵓⵇⵔⴰⵟⵉ, ⴰⵢⵍⵍⵉ ⴷ ⵉⵡⵉⵏⵜ ⵜⵢⴰⴼⵓⵜⵉⵏ ⵏ ⵉⵙⵜⴰⵢⵏ ⵜⵜⴰⵡⵙⴽⴰⵔⵏⵉⵏ ⵓⵙⵙⴰⵏ ⵣⵔⵉⵏⵉⵏ ⴳ ⵉⵟⴰⵍⵢⴰ.
ⵜⵉⵥⴹⵉⵕ ⵡⵉⴷⴰⴷ ⵍⴱⵇⵇⴰⵍⵉ ⵎⴰⵙ ⵜⵉⵡⵉⵏ ⵜⴰⵙⴽⵯⴼⵍⵜ ⵜⴰⵎⵣⵡⴰⵔⵓⵜ ⴳ ⵉⵙⵜⴰⵢⵏ ⴳ ⵓⵙⵡⵉⵔ ⵏ ⵜⵖⵔⵎⵜ ⵏ ⵕⴰⴼⵉⵏⴰ ⵉⴳⴰⵏ ⵜⵉⵖⵔⵎⵜ ⵜⴰⵅⴰⵜⴰⵔⵜ ⴳ ⵜⵙⴳⴰ ⵏ ⵉⵎⵉⵍⵢⴰ ⵕⵓⵎⴰⵏⵢⴰ.
ⵙ ⵖⵎⴽⴰⴷ ⴰⵙ ⵜⴳⴰ ⵜⵎⵖⵔⵉⴱⵉⵜ ⵜⴰⵎⴰⵣⵉⵖⵜ ⵡⵉⴷⴰⴷ ⵍⴱⵇⵇⴰⵍⵉ ⵜⵉⵙⵙ ⴽⵕⴰⴹⵜ ⵙⴳ ⵉⵎⵖⵔⵉⴱⵉⵢⵏ ⴳⴰⵏⵉⵏ ⵉⵎⵓⵔⴰ ⴳ ⵓⴱⵕⵍⴰⵎⴰⵏ ⵏ ⵉⵟⴰⵍⵢⴰ ⴷⴼⴼⵉⵔ ⵏ ⵙⵓⵃⴰⴷ ⵙⵙⴱⴱⴰⵄⵉ ⴷ ⵅⴰⵍⵉⴷ ⵛⴰⵡⵇⵉ.
ⴳ ⵢⵉⴳⵔ ⴰⵙⵔⵜⴰⵏ, ⵜⵙⵙⵏⵜⵉ ⵡⵉⴷⴰⴷ ⵍⴱⵇⵇⴰⵍⵉ ⵜⵓⴷⵔⵜ ⵏⵏⵙ ⵜⴰⵙⵔⵜⴰⵏⵜ ⵍⵍⵉⵖ ⵜⴳⴰ ⵜⴰⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵜⵖⵔⵎⵜ ⵏ ⵕⴰⴼⵉⵏⴰ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵙⵍⵎⴷ ⵜⵉⴷⵍⵙⴰⵏⵉⵏ ⴷ ⵓⵙⵙⵍⵎⴷ, ⵜⴳ ⵓⵍⴰ ⵜⴰⵏⵙⵙⵉⵅⴼⵜ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ ⵏ ⵜⵖⵔⵎⵜ ⴰⴷ ⵏⵉⵜ, ⵖⵎⴽ ⵍⵍⵉ ⵜⴳⴰ ⵜⴰⵎⴰⵔⵉⵜ ⵏ ⵓⵙⵉⴽⵔⵉⵜⵉⵔ ⵏ ⵓⴽⴰⴱⴰⵕ ⴰⴷⵉⵎⵓⵇⵔⴰⵟⵉ ⴳ ⵜⵎⵏⴰⴹⵜ ⵏ ⵉⵎⵉⵍⵢⴰ ⵕⵓⵎⴰⵏⵢⴰ.
ⵉⵜⵜⵓⵙⵙⴰⵏ ⵎⴰⵙ ⵜⵍⵓⵍ ⵡⵉⴷⴰⴷ ⵍⴱⵇⵇⴰⵍⵉ ⴳ ⵓⴷⵖⴰⵔ ⵏ ⴰⵙⴰⵢⵙ ⵉⵜⵜⵓⵙⵙⴰⵏ ⴳ ⵜⵖⵔⵎⵜ ⵏ ⵉⵏⵣⴳⴳⴰⵏ ⴳ ⵉⴼⴼⵓⵙ ⵏ ⵉⵏⵣⴳⴳⴰⵏ, ⵜⵣⵓⴳ ⵙ ⵉⵟⴰⵍⵢⴰ ⵏⵜⵜⴰⵜ ⵏ ⵜⵓⵡⵊⴰ ⵏⵏⵙ ⵍⵍⵉⵖ ⴷⴰⵔⵙ ⵚⴹⵉⵚ ⵉⵙⴳⴳⵯⴰⵙⵏ, ⵜⵖⵔⴰ ⵖ ⵉⵟⴰⵍⵢⴰ ⵜⴰⵎⵥ ⴰⵙⵍⴽⵉⵏ ⵏ ⴷⴷⵓⴽⵜⵓⵔⴰ ⵖ ⵜⵙⴷⴰⵡⵉⵜ ⵏ ⴱⵓⵍⵓⵏⵢⴰ ⴳ ⵜⵎⴰⵙⵙⴰⵏⵉⵏ ⵜⵉⵙⵔⵜⴰⵏⵉⵏ.