ⵉⵙⵙⵓⴼⵖ ⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⴰⵏⴰⴹⵜ ⵜⴰⵙⴳⵡⵙⴰⵏⵜ ⵏ ⵓⵙⴳⴳⵯⴰⵙ 2021
ⵉⵙⵙⵓⴼⵖ ⴷ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⴰⵏⴰⴹⵜ ⵜⴰⵙⴳⵡⵙⴰⵏⵜ ⵏ ⵓⵙⴳⴳⵯⴰⵙ 2021. ⵜⴰⵏⴰⴹⵜ ⴰⴷ ⴷ ⵉⴼⴼⵖⵏ ⵙ ⴽⵕⴰⴹⵜ ⵜⵓⵜⵍⴰⵢⵉⵏ : ⵜⴰⵄⵔⴰⴱⵜ, ⵜⴰⵎⴰⵣⵉⵖⵜ ⴷ ⵜⴼⵕⴰⵏⵙⵉⵙⵜ, ⵜⵙⵎⵓⵏ ⵜⵉⵡⵓⵔⵉⵡⵉⵏ ⵜⵉⴷⵙⵍⴰⵏⵉⵏ ⵏ ⵜⵎⵔⵙⵍⵜ ⴰⴽⵡ ⴷ ⵜⵏⵎⵎⴰⵍⵉⵏ ⵜⵉⵅⴰⵜⴰⵔⵉⵏ ⵅⴼ ⵓⵣⵣⵉⴳⵣ ⵏ ⵜⵎⵓⵖⵍⵉ ⵜⴰⵙⵍⵉⵥⵕⵜ ⴰⵏⴰⵎⵓⵔⵜ ⵉⵡⵏⴰⵏ ⵏ ⵓⵙⴳⴳⵯⴰⵙ ⵏ ⵓⵣⵔⵔⵓⵢ ⴷⴼⴼⵉⵔ ⵜⴰⵙⵙⴰⵙⵜ ⵏ ⵡⴰⵟⵟⴰⵏ ⵏ ⴽⵓⴼⵉⴷ-19.
ⴳ ⵓⵢⵏⵏⴰ ⵉⵣⴷⵉⵏ ⴷ ⵓⵙⵏⴰⵎ ⵏ ⵜⵓⵎⴰⵢⵉⵏ ⵜⵉⵙⵍⵉⵥⵕⵉⵏ, ⵉⴹⴼⴰⵕ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵜⵉⵏⵓⵔⵣⵉⵜⵉⵏ ⵏⵏⴰ ⵢⴰⵙ ⴷ ⵉⵜⵜⵓⵢⴰⵣⵏⴻⵏ ⵏⵖ ⵙ ⵓⴱⵔⵉⴷ ⵏ ⵖ ⵜⴰⵏⵓⵔⵣⵉⵜⵉⵏ ⵜⵉⵏⵉⵎⴰⵏⵉⵏ, 56 ⵏ ⵜⵖⵜⴰⵙⵉⵏ ⵉⵣⴷⵉⵏ ⴷ ⵉⵖⴰⵡⴰⵙⵏ ⵉⵜⵜⵓⵣⵓⵣⵣⵔⵏ ⵙ ⵓⴱⵔⵉⴷ ⵏ ⵜⵏⵣⵡⴰⵢ ⴷ ⵉⵜⵉⵍⵉⴼⵉⵣⵢⵓⵏⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ.
ⵙ ⵓⵢⵏⵏⴰ ⴷ ⵢⵉⵡⵉ ⵓⵎⴳⵔⴰⴹ 165 ⵏ ⵜⵎⵏⴹⴰⵡⵜ, ⵢⵓⴳⴳⴰ ⵓⴳⵔⴰⵡ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵅⴼ ⵓⵣⵔⴰⴽ ⵏ ⵜⵎⴰⴳⵓⵜ ⵏ ⵓⵡⵏⵏⵉ ⵏ ⵜⵎⵣⴰⵣⵉⵏ ⵏ ⵜⴰⵏⵏⴰⵢⵜ ⴷ ⵓⵙⵡⵉⵏⴳⵎ ⴳ ⵢⵉⴳⵔ ⵏ ⵓⵙⵍⵉⵥⵕ, ⴳ ⵉⵣⵎⴰⵣ ⵏ ⵉⵙⵜⴰⵢⵏ ⴷ ⴱⵕⵕⴰ ⵏ ⵉⵣⵎⴰⵣ ⴰⴷ.
ⴳ ⵓⵖⴰⵡⴰⵙ ⴰⴷ, ⵉⵙⵙⴰⵜⵉ ⵓⵙⵇⵇⵉⵎ ⴰⵎⴰⵜⵜⴰⵢ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵙ ⵜⵖⵜⴰⵙⵜ ⵏⵏⵙ ⵓⵟⵟⵓⵏ 37-21, ⵜⴰⵎⴰⴳⵓⵜ ⵏ ⵓⵡⵏⵏⵉ ⴰⵙⵔⵜⴰⵏ ⴰⴳⵓⵏⵙ ⵏ ⵜⵏⴰⴼⵓⵜⵉⵏ ⵏ ⵓⵎⵢⴰⵡⴰⴹ ⴰⵙⵍⵉⵥⵕ ⵉⵡⵏⴰⵏ ⵏ ⵉⵙⵜⴰⵢⵏ ⵓⵣⵔⵉⴼⵏ, ⵉⴳⵔⴰⵡⴰⵏⵏ ⴷ ⵉⵏⵎⵏⴰⴹⵏ 2021 ⵅⴼ ⵓⴰⵢ ⵓⵣⵎⵣ ⵏ 38 ⵏ ⵡⵓⵙⵙⴰⵏ. ⵉⵜⵜⵓⵙⴽⵔ ⵢⴰⵏ ⵓⴹⴼⴼⵓⵕ ⵉⵥⵍⵉⵏ ⵉ ⵓⵣⵎⵣ ⴰⴷ, ⵜⵉⵢⴰⴼⵓⵜⵉⵏ ⵜⵉⴷⵙⵍⴰⵏⵉⵏ ⵜⵜⵓⵙⴼⵙⵔⵏⵜ ⴳ ⵜⴰⵏⴰⴹⵜ ⴰⴷ ⵜⴰⵙⴳⵯⵙⴰⵏⵜ.
ⴳ ⵜⵙⴳⴰ ⵢⴰⴹⵏ, ⵉ ⵓⵙⴳⴳⵯⴰⵙ ⴰⴷ ⵏⵉⵜ, ⵜⵉⵏⵎⵎⴰⵍⵉⵏ ⵏ ⴽⵕⴰⴹ ⵡⴰⵢⵢⵓⵔⵏ ⵏ ⵜⵎⴰⴳⵓⵜ ⵉⵜⵜⵓⵙⴽⵔⵏ ⴱⵕⵕⴰ ⵏ ⵓⵣⵎⵣ ⵏ ⵉⵙⵜⴰⵢⵏ, ⵢⵉⵡⵉ ⴷ ⵉⵙ ⵓⴳⴰⵔ ⵏ 962 ⵏ ⵜⵙⴰⵔⴰⴳⵉⵏ ⵜⵜⵓⵥⵍⵉⵏⵜ ⵉ ⵡⴰⵡⴰⵍ ⵏ ⵎⴷⴷⵏ ⵉⴳⴷⵓⴷⴰⵏⵏ. 39,51% ⵏ ⵓⵣⵎⵣ ⴰⴷ ⵉⵥⵍⵉ ⵉ ⵡⴰⵡⴰⵍ ⵏ ⵉⵎⴰⵣⵣⴰⵍⵏ ⵉⵙⵔⵜⴰⵏⵏ ⴳ ⵓⵙⴰⵜⵉ ⵏ ⵉⵙⴰⵢⵙⵏ ⵏ ⵉⵏⵖⵎⵉⵙⵏ. ⵜⵉⴳⵎⵉⴹⵉ ⵢⴰⴷ ⵜⵉⵡⴹ ⵖⵔ 36,8% ⵉ ⵉⵎⴳⴳⴰⵏ ⵉⵎⵙⵎⵓⵏⵏ, 17, 79% ⵉ ⵉⵎⴰⵣⵣⴰⵍⵏ ⵉⵣⵣⵓⵍⴰⵏⵏ ⴷ 5,86% ⵉ ⵉⵎⴰⵣⵣⴰⵍⵏ ⵉⵏⵎⵍⴰⵏⵏ.
ⴳ ⵜⵙⴳⴰ ⵢⴰⴹⵏ, ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵓⵙⵓⵎⵓ ⴰⵎⵓⵔⴰⵏ ⴳ ⵓⵢⵏⵏⴰ ⵉⵣⴷⵉⵏ ⴷ ⵜⵏⴰⴼⵓⵜⵉⵏ ⵏ ⵜⵏⵣⵡⴰⵢⵜ ⴷ ⵓⵜⵉⵍⵉⴼⵉⵣⵢⵓⵏ, ⵢⵓⴽⵣ ⴷ ⵉⵡⴰⵍⴰ ⵉⵡⵏⴰⵏ ⵏ ⵓⵙⴳⴳⵯⴰⵙ 2021, 59 ⵏ ⵉⵙⵏⴰⴳⴰⵔⵏ ⵏ ⵜⵏⵣⵡⴰⵢⵜ ⵉⴼⵉⵎ ⴳ 39 ⵏ ⵉⴷⵖⴰⵔⵏ ⴳ ⵓⴱⵖⵓⵔ ⵏ ⵉⵎⵡⵓⵔⵉⵏ ⵉⴳⴷⵓⴷⴰⵏⵏ ⴷ ⵡⵓⵙⵍⵉⴳⵏ. ⵉⵡⴰⵍⴰ ⴷⵉⵖ ⵉ ⵜⵎⵙⵙⵓⵔⵜ ⵜⴰⵏⴰⵎⵓⵔⵜ ⵏ ⵜⵏⵣⵡⴰⵢⵜ ⴷ ⵓⵜⵉⵍⵉⴼⵉⵣⵢⵓⵏ, ⵙⵉⵏ ⵉⵙⵏⴰⴳⴰⵔⵏ ⵉ ⵓⵣⵓⵣⵣⵔ ⵏ ⵓⵜⵉⵍⵉⴼⵉⵣⵢⵓⵏ ⴰⵎⵓⵟⵟⵓⵏ ⴰⵏⴰⴽⴰⵍ ⴳ ⵜⵎⵏⴰⴹⵜ ⵏ ⵍⵃⵓⵙⵉⵎⴰ.
ⵙ ⵓⵢⵏⵏⴰ ⴷ ⵜⵉⵡⵉ ⵜⴰⵏⴰⴹⵜ ⴰⴷ, ⴰⵙⴽⴰⵏ ⴰⵙⵍⵉⵥⵕ ⴰⵏⴰⵎⵓⵔ ⴷⵉⴳⵙ ⴰⵔ 31 ⴷⵓⵊⴰⵎⴱⵉⵔ 2021, 13 ⵏ ⵉⵜⵉⵍⵉⴼⵉⵣⵢⵓⵏⵏ ⴷ 37 ⵏ ⵉⵕⴰⴷⵢⵓⵜⵏ.