ⴰⵎⵥⴰⵜ ⵉⵡⴰⵍⵉⵡⵏ ⵏⵏⵓⵏ
« ⴰⵎⵥⴰⵜ ⵉⵡⴰⵍⵉⵡⵏ ⵏⵏⵓⵏ » ⵎⴰⵢⴽⵍ ⴱⵉⵔⵓⵏ
ⵏⵜⵛⵉⵏ (ⵃⵎⵎⵓ ⴱⵓⵛⵅⴰⵕ):
ⵙ ⵜⵎⵍⴷⴰ ⵏ ⵓⵙⵙⵎⵖⵔ ⵙ ⵓⵙⵍⵎⴰⴷ ⵎⴰⵢⴽⵍ ⴱⵉⵔⵓⵏ/ micheal peyron, ⵉⵍⵍⴰ ⵓⴷⵡⴰⵍ ⴳ ⴰⵙ ⵓⵥⴹⵅ ⵜⵓⵏⵖⵉⵍⵜ ⵣⴳ ⵜⵎⴷⵢⴰⵣⵜ ⵏ: ⵜⴰⵎⵓⵔⵜ ⵏ ⵜⵉⵊⵍⵉ; ⵉⵎⵉⵔ ⴳ ⵉⵖⵕⴰ : ⵜⴰⵎⵓⵔⵜ, ⵉⴱⵕⵕⵎ ⴰ ⵢⵉ ⴷ ⵢⵉⵏⵉ: ⴰⵡⴰⵍ ⵏ ⴰⵢⵜ ⵡⴰⵔⴰⵢⵏ, ⴷⴰⵢ ⵔⵏⵉⵅ ⴰⵙ: ⵍⵅⵎⵉⵙⵙⴰⵜ.
ⴷ ⴳ ⵜⵡⴰⵍⴰ ⴳ ⵉⵖⵕⴰ ⵉⵡⴰⵍⵉⵡⵏ ⵏ ⵜⵔⵣⵣⵉⴼⵜ, ⵉⵖⵔⴰ: ⵙ ⵜⴰⵢⵔⵉ ⴷ ⵜⵓⴷⵔⵜ ⵜⵓⵖⵣⵉⴼⵜ, ⴰⴽ ⴰⴷ ⵉⵔⵏⵓ: ⵓⵍⴰ ⵉ ⵛⴽⴽⵉⵏ. ⴷⴰⵢ ⵣⵎⵓⵎⴳⵅ.
ⴷ ⴰⵍⵍⵉⴳ ⴰⵙ ⵙⵙⵉⵡⵍⵅ ⵅ ⵓⵙⴰⵖⵓⵍ ⴷ ⵜⵣⵟⵟⴻⵟ ⵏⵏⴰ ⴳⵉⵅ ⵉ : ⵉⵣⵍⴰⵏ ⵏ ⵜⴰⵙⵙⴰⵡⵜ, ⵜⴷⴷⵊⵓ ⵎⵔⵉⵔⵉⴷⴰ, ⵖⵔ ⵜⵎⴰⵣⵉⵖⵜ, ⵉⵙⵇⵙⴰ ⵢⵉ ⴽⵎ ⵣⵕⵉⵅ, ⵜⵏ ⵉⵙⴽⵔ ⵏⵜⴰ ⵖⵔ ⵜⵏⴳⵍⵉⵣⵉⵜ; ⵏⵏⵉⵅ ⴰⵙ ⵇⵇⴰⵍⵅ ⵔⴱⵄⵜ ⵏⵏⴰ ⵎⵉ ⵉⵔⵥⵎ ⴳ ⵉⵛⵜ ⵏ ⵜⵙⵖⵓⵏⵜ ⵏ [books aboard, vol. 49, n°. 4 (autumn, 1975)]
ⵉⵔⵥⵎ ⵓⴳⵔⴰⵡ ⵙ ⵉⵡⴰⵍⵉⵡⵏ ⵏ ⵉⵏⴱⵊⵉⵡⵏ ⵅⴼ ⵓⵔⴳⴰⵣ, ⴳ ⴰⵎⵓⵏⴻⵏ ⵉⵙⵍⵎⴰⴷⵏ ⴷ ⵉⵎⴷⴷⵓⴽⴰⵍ ⵏⵏⴰ ⴷ ⵉⵎⵢⴰⵙⵙⴰⵏ ⵉⵙⴳⴳⴰⵙⵏ ⵉⵣⵣⵔⵉ ⴳ ⵜⵎⵓⵔⴰ ⵏ ⵓⵜⵉⵍⵍⴰⵙ ⴰⵏⴰⵎⵎⴰⵙ ⵙ ⵓⵎⴰⵜⴰ.
ⵃⵎⴷ ⵜⵓⴼⵉⵇ:
ⴰⵎⵣⵡⴰⵔⵓ ⵏⵏⴰ ⵉⵎⵚⴰⵡⴰⵟⵏ, ⴷⴰ ⴰⵜ ⵉⴳ ⵃⵎⴷ ⵜⵓⴼⵉⵇ (ⴰⵙⵍⵡⴰⵢ) ⵏⵏⴰ ⴷ ⵢⵉⵡⵉⵏ ⵜⵉⵎⵓⵛⵉⵜ ⵉⵔⵀⵊⵏ, ⴰⵍⵍⵉⴳ ⵉⵔⵣⵓ ⴰⴷ ⵉⵎⵄⴰⴱⴱⴰⵥ ⴰⴳⴷ ⵜⵖⵓⵔⵉ ⵜⴰⵏⵣⴱⴰⵢⵜ, ⵙ ⵉⴱⴷⴷ ⵓⵙⵍⵎⴰⴷ ⵎⴰⵙⵙ ⵎⴰⵢⴽⵍ, ⵏⵏⴰ ⴳ ⵉⴱⴷⴷ ⵅⴼ ⵉⵛⵜ ⵏ ⵜⵉⵜⵉ ⴳ ⵓⵎⵣⵔⵓⵢ ⵏ ⵉⵎⴰⵣⵉⵖⵏ ⴰⴳⴷ ⵉⴷⵊ ⵓⴳⵍⵍⵉⴷ ⵣⵉⴽ, ⴰⴳ ⵡⴰⴽⵓⴷ ⵏ ⵜⵏⴱⴰⴹⵜ ⵏ ⵎⴰⵙⵙ ⵙⵍⵉⵎⴰⵏ, ⵎⴰⵛⴰ ⵜⵓⴼⵉⵇ ⵢⵓⵙ ⴷ ⴰⵙ ⵢⵉⵏⵉ ⵉⵙ ⵉⵎⴰⵣⵉⵖⵏ ⴰⴳ ⵜⴽⴽⵔⵏ ⵅ ⵜⴳⵍⵍⵉⴷⵜ; ⴳⵏ ⴰⵙ ⴰⴼⵔⴰⴳ; ⴳ ⵡⴰⵡⴰⵍ ⵏⵏⵙ, ⵉⵣⵣⵡⵉⵔ ⵙ ⵓⵙⵓⵖⵍ ⵏ ⵔⵓⵏⵉ ⵓⵍⵓⵊ [ⵉⴽⴽⵓ ⵉⵣⴷⵖ ⵉⵙⵏⵉ, ⵉⴷⵔⵖⵍ, ⵀⴰ ⵜⵙⵙⵏ ⵜⴰⴷⴷⴰⵔⵜ ⵏⵏⵙ ⵜⴰⵖⵓⵙⵜ], ⵉⴳⵓ ⵉ ⵉⵣⵍⴰⵏ ⵏ ⵎⵔⵉⵔⵉⴷⴰ, ⴷⴰ ⵉⴱⴷⴷ ⵅ ⵡⴰⵙⵙⴰⵖ ⵏ ⵜⵎⵍⴳⴰⵣⵜ, ⵉⵏⵏⴰ ⵉⵙ ⵉⵕⵓⵎⵉⵏ, ⵓⵔ ⵅⴰ ⵜⵙⵙⴰⵡⴰⵍⵏ ⴰⵙⴽⴽⵉⵍ ⵏ ⵢⴰⵖ, ⴰⵢⵏ ⵜⵏ ⵉⴷⴷⵊⵉⵏ ⴰⴷ ⵖⵔⵏ ⴰⵙⵙⴰⵖ ⵏⵏⵙ ⵎⵔⵉⵔⵉⴷⴰ, ⵎⴰⵏⵉ ⵏⵜⴰ, ⵢⴰⵔ ⴰⵎⵣⵡⴰⵔⵓ ⵉⴳⵓ ⵢⴰⵖ, ⴰⴽ ⴰⴷ ⵢⴰⵍⵉ ⵎⵖⵉⵔⵉⴷⴰ; ⴰⴼⴰⴷ ⴰⴷ ⵉⵙⵏⴰⵎⴽ ⵡⴰⵙⵙⴰⵖ ⵏⵏⵙ: ⵜⵏ ⵉⵜⵉⵏⵣⵉⵣⵏ; ⵎⴰⵏⵉ ⵏⵜⴰ ⵜⵉⵔⵔⴰ ⴷ ⵓⵙⵓⵖⵍ, ⴰⵙⵔⵖⵉⵏ ⴰⴳ ⵙⵙⴼⵔⴰⵖⵏ ⴰⵏⴰⵎⴽ ⴰⵎⴰⵣⵉⵖ; ⴰⵙⵓⵖⵍ ⵏ ⴷⵔⴰ, ⵢⵓⵛⵓ ⴳ ⵜⵙⵔⵖⵉⵏⵜ: ⴷⵔⵄⴰ. ⴰⵙⴽⴽⵉⵏ ⵓⵔ ⵉⵍⵍⵉⵏ ⴳ ⵡⴰⵛⴰⵍ; ⵔⵏⵓ, ⵎⵉⵍⵎⵉ ⵙⵍⵍⵅ ⵄⴽⵔⴰⵛ, ⵉⴷⵊ ⵓⵙⵓⵏ ⴳ ⵔⵔⴱⴰⵟ, ⵅⴰ ⵜⵙⵇⵙⴰⵅ ⵉⵅⴼ ⵉⵏⵓ ⵎⴰⵜⵜⴰ ⵓⵏⴰⵎⴽ ⵏ ⵜⴳⵓⵔⵉ ⵢⵓ? ⴷ ⵜⵔⴰⵔⵉⵜ ⵓⵔ ⵜ ⵓⴼⵉⵅ; ⵉⵛⵜ ⵏⵜⵡⴰⵍⴰ, ⴳ ⵓⴱⵔⵉⴷ, ⵏⴱⴷⴷ ⵉ ⵓⵙⵉⴷⴷ ⴰⵣⴳⴳⴰⵖ, ⵅ ⵓⴼⴰⵙⵉ ⵜⵍⵍⴰ ⵜⵓⵣⵣⴰⵍⵜ ⴳ ⵜⵜⵓⵎⵍ ⵜⵎⵏⴰⵟ, ⴷ ⵎⴰⵔⴰ ⵖⵔⵅ ⵙ ⵜⴼⵔⴰⵏⵚⵉⵚⵜ: ⴰⴽⵔⵔⵓⵛ, ⵜⵟⵟⴼ ⵉⵢⵉ ⵜⴰⵟⵟⵚⴰ, ⵏⵏⵉⵅ ⵎⴰⵜⵜⴰ ⵜⴽⵔⴹⴰ ⵢⵓ? ⵣⴳ ⴰⴽⵔⵔⵓⵛ ⵖⵔ ⵄⴽⵔⴰⵛ; ⴷ ⵎⵓⵔ ⵉ ⵓⵣⵎⵎⴻⵎ ⵙ ⵜⵕⵓⵎⵉⵜ, ⵓⵙⴰⵔ ⴼⵔⵔⵣⵅ ⵜⴰⴳⵓⵔⵉ ⵏⵖⴷ ⴰⵏⴰⵎⴽ ⵉⴳⵉⵏ ⴰⵎⴰⵣⵉⵖ ⴰⵃⵓⵕⵕⵉ.
ⵢⵛⵛⵓ ⴰⵢⵜ ⵍⵎⵇⴷⴷⵎ:
ⵎⴰⴳ ⵍⵍⴰⵏ ⴰⴽ ⴰⴷ ⵉⵙⵙⵉⵡⵍ ⵛⴰ ⵓⵕⵓⵎⵉ ⵙ ⵜⵎⴰⵣⵉⵖⵜ, ⴰⵎ ⵎⴰⴽⴽⴰ ⵔⴰ ⵉⵙⵙⵉⵡⵍ ⵏⵖⴷ ⵉⵍⵎⵎⴷ ⵉⴷⵊ ⵜⵓⵜⵍⴰⵢⵜ ⵜⴰⴱⵕⵕⴰⵏⵉⵜ; ⵎⴰⵢⴽⵍ, ⵉⵍⵍⴰ ⴰⵙ ⵡⴰⴷⴷⵓⵔ, ⵏⵜⴰ ⵉⵙ ⵉⵙⵙⵉⵡⵍ ⵜⴰⵎⴰⵣⵉⵖⵜ ⵉⵡⵡⵜ ⵍⵖⵎⵎ ⴳ ⵉⵙⴰⴼⴼⵏ ⵏⵏⵙ, ⵉⵙⵙⴰⵔⴰ ⵍⵄⵡⴰⵔⵉⵢⴰⵜ ⵏⵏⵙ, ⵢⵓⵍⵉ ⵉⵙⵉⵡⴰⵏ, ⵉⴽⴽⵔⵏⵓⵏⵉ ⴰⴳ ⵉⵙⴽⴰⵔⵏ, ⵀⴰ ⵉⵙⵙⵎⵖⵔ ⵙ ⵜⴷⵍⵙⴰ ⵏ ⵉⵏⵊⴷⴰ ⵖⵔ ⵉⴳⴳⵣ ⴰⴷ ⵢⵉⴷⵉⵔ ⵊⴰⵔⴰⵙⵏ, ⴳ ⵓⴷⵡⴰⵍ ⴳ ⵙⵓⵍⵏ, ⵜⵜⵔⴰⵄⴰⵏ ⵖⵔⵙ, ⵡⵉⵏ ⵉⵟⵏⵉⵏ, ⵜⵙⵙⴳⵎ ⵜⴰⴽⵏⴰ ⴷ ⵉⴽⴽⵉⵏ ⴰⵏⵇⵇⵕ, ⵙ ⵜⵉⵟⵟ ⵉⵜⵇⵙⵙⴰⵃⵏ.
ⴷⴰⵀⴱⵉ:
ⵏⵜⴰ ⵉⵇⵇⴰⵍ ⴱⵉⵔⵓⵏ ⵉⵙ ⵉⵎⵣⴰⵔⴰⵢ ⵅ ⵉⵎⵔⵣⵓⵜⵏ, ⵉⵙ ⵓⵔ ⵉⵇⵇⵉⵎ ⵓⵔⵉⵏ ⵉ ⵉⵎⵣⴷⴰⵖ, ⴱⴰⵔ ⵉⵣⴷⵉ ⴰⴳⵉⵜⵙⵏ ⵜⵓⴷⵔⵜ ⵖⵔ ⵍⵍⴰⵏ ⵜⵉⴽⵜ ⵏ ⵓⴷⵎⴰⵡⵏ.
ⴱⴰⵙⵙⵓ ⵃⵎⵔⵉ:
ⵎⴰⵢⴽⵍ ⴷ ⵉⵛⵛ ⴰⴳⵓⵊⵉⵍ, ⵙ ⵎⴰ ⴰⵜ ⵉⵙⵙⵎⵣⴰⵔⴰⵢⵏ ⵅ ⵡⵉⵏⵉⵏ ⵣⵡⴰⵔⵏⵉⵏ; ⵉⴱⵟⴰ ⵜⴰⵢⵔⵉ ⵊⴰⵔ ⵏ ⵜⵎⵟⵟⵓⵟ ⵏⵏⵙ ⴷ ⵜⵓⵜⵍⴰⵢⵜ ⴰⵎⴰⵣⵉⵖ, ⵀⴰ ⵢⵉⵡⵟ ⴰⵜ ⵢⴰⵡⵍ ⵏⵏⵉⵜ ⵙⵜⵉⵜ.
ⵣⵀⵔⴰ ⵚⴰⵍⵃ:
ⵜⵣⵕⵓ ⴰⵎⵓⵔⵙ ⵏ ⴱⵉⵔⵓⵏ, ⵢⴰⵖⵓⵍ ⵖⵔ ⵉⵙ ⵜⵡⴰⵄⴷⵜ ⵎⵉⴷⴷⵏ ⵙ ⵓⴷⵎ ⵉⴹⵚⵚⵏ, ⴷⴰⵢ ⵔⵥⵎⵏ ⴰⴽ ⵓⵍⴰⵡⵏ, ⵀⴰ ⵓⵛⵉⵏ ⴰⴽ ⵉⴽⵎⵙⴰⵏ ⵓⵢⴷⴷⴰ ⴰⵔ ⴰⵎⴰⵜⵜⵉⵡ ⵏⵏⵙⵏ, ⴳ ⵓⴷⵎ ⵏ ⵜⵎⴷⵢⴰⵣⵜ ⴷ ⵉⵏⵣⵉ ⴰⴳⴷ ⵜⵉⵏⵇⵇⵉⵙⵉⵏ, ⴽⵎ ⵓⵔ ⵜⵉⵍⵉⵏ ⵓⵛⵉⵏ ⴰⵙ ⴰⴳ ⵜⵉⴷⵉ ⵢⴰⴷⴷⵓⵎⵏ ⵙ ⵉⴽⵍⵍⵉⴼⵏ ⴳ ⵉⴱⵔⴷⴰⵏ ⵏ ⵜⵎⵓⵔⵜ.
ⵢⵓⵙⴼ ⴼⵀⵔⵉ:
ⴽⵎ ⵓⵔ ⵣⵣⵔⵉⵏ ⵜⵄⵢⵢⴰⵍⵉⵏ ⴰⵡⴰⵍ ⵉ ⵜⴰⵕⵡⴰ ⵏⵏⵙ, ⴷⴰ ⵜⵙⵍⵍⵉⵡ. ⴰⵍⵎⵎⴷ ⵏ ⵢⵉⵍⵙ ⵜⵣⵔⵉ ⵜⴽⴽⵔ ⵙⵉⵙ ⵜⵎⵟⵟⵓⵟⵜ, ⴷ ⵡⴰⵙⵙ ⵜⵓⵙⵉ ⵜⵉⵏⵎⵍ ⴳ ⵜⵕⵓⵥⵉ ⵏⵏⵙ, ⵜⵓⵍⵉ ⴷ ⵜⵡⴰⵔⵊⵉⵜ ⵜⵎⵙⵙⵓⵙ.
ⵅⴰⵍⴰⴼⵉ:
ⵢⵉⵡⵙ ⵎⴰⵢⴽⵍ ⴳ ⵓⵙⵙⴽⵛⵎ ⵏ ⵜⵓⵜⵍⴰⵢⵜ ⴳ ⵜⵙⴷⴰⵡⵉⵜ ⵏ ⴰⵡⵎⴰⵜⵏ ⴰⵙⴳⴳⴰⵙ 1992.
ⵎⵓⵅⵍⵉⵚ, ⵏⵜⵜⴰ ⴰⴳ ⴱⵟⵟⴰⵏ ⵜⴰⵡⴰⵍⴰ ⵊⴰⵔ ⵉⵏⴱⵊⵉⵡⵏ, ⵎⴰⵛⴰ ⵜⵜⵓⵖ ⵉⴳⴳⴰⵔ ⵊⴰⵔ ⵏ ⵜⵉⴽⴽⵍⵜ ⴷ ⵜⵏ ⵉⵟⵏⵉⵏ, ⵔⴱⵄⵜ ⵉⵙⴽⴽⵉⵏⴻⵏ ⵏⵏⴰ ⵉⵙⵙⵏ ⵅ ⵎⴰⵢⴽⵍ; ⴷⴰ ⵉⵔⵏⵓ ⵉⵛⵜ ⵏ ⵜⵡⴰⵍⴰ ⵅ ⴱⵉⵔⵓⵏ ⵉⵙ ⵉⴳⵓ ⴰⵏⴱⵊⵉ ⵏ ⴰⵢⵜ ⵢⵃⵢⴰ ⵏ ⵜⵓⵏⴼⵉⵜ.
ⵢⴰⴽⵓⴱⵉ:
ⵢⵉⵡⵉ ⴷ ⴳ ⵉⴷⵊ ⵓⵏⵖⵎⵉⵙ, ‘ⵍⵍⵉⵅ ⵓⵃⵍⵅ, ⵏⵏⵉⵅ ⴰⵙ ⴰ ⵏⴳ ⵉⵏⴱⵊⵉⵡⵏ, ⴷ ⵎⴰⵢⴽⵍ: ⵉⵏⵏⴰ ⵢⵉ ⵓⵔ ⵉⵄⴷⵉⵍ, ⵉⵙ ⵓⵔ ⵜⵃⵛⵛⵉⵎⵜ. ⴰⵢⵜ ⵓⵙⵓⵏ ⵜⴰⵣⵣⵍⴰⵏ ⴰⴷ ⴳⵏ ⵃⵎⵣⵡⴰⵔⵉⵜ ⴷ ⵓⴷⵡⴰⵍ, ⵛⴽⴽⵉⵏ ⵜⵅⵙⵜ ⴰ ⵜⴳⵜ ⴰⵏⴱⵊⵉ.’.
ⴳ ⵜⵏⵖⵎⵉⵙⵜ ⵉⵟⵏⵉⵏ, ⵏⵍⵍⴰ ⴳ ⵓⵙⴰⵔⴰ, ⵉⵎⵉⵔ ⵏⴱⴷⴷ ⵖⵔ ⵉⵚⵎⵟⴰⵍ ⵍⵍⵓⵣⵏⵉⵏ, ⵓⵙⵉⵅ ⴳ ⵜⴽⵡⵡⴰⵣⵜ, ⴰⵍⵍⵉⴳ ⵜⴳⵀⵣ, ⵔⵣⵉⵅ ⵅ ⵎⴰⵢⴽⵍ, ⵛⵡⵉ ⴰⵏⵏⴰⵢ ⵜ ⵖⵔ ⵓⵅⵍⵉⴷⵊ, ⵡⴰⵅⵅⴰ ⵍⴰ ⴰⵙ ⵜⵍⴰⵖⴰⵅ ⵓⵔ ⵅⴼⵉ ⵢⵔⵔⵓ, ⴰⵍⵍⵉⴳ ⵉⵙⵎⴰⵔ, ⵉⵏⵏⴰ: ‘ⵣⵣⵓⵍⵍⵅ ⵅ ⵉⵎⵊⵓⵀⴰⴷ’; ⴰⵏⵙⴰ ⵉⴳⵓ ⵡⵏ ⵜⵣⵉⵣⴰⵡⵜ ⴳ ⴷⴷⵊⵉⵏ ⵉⵎⵣⴷⴰⵖ ⵜⵉⵙⵇⵉⴹⵉⵏ ⵏⵏⵙⵏ.
ⵡⵉⵏⵉⵏ ⵜⵙⵙⴰⵔⵏⵉⵏ, ⵜⴷⵓⴽⵉⵍⵏ ⵜⵉⴽⴰⵔⴹⵉⵡⵉⵏ, ⵏⵏⴰ ⵉⵜⴰⵡⵙⵏ ⴳ ⵜⵓⴽⵣⵜ ⵏ ⵉⴱⵔⴷⴰⵏ, ⵓⵔ ⵜⵜⵛⴰⵜⵏ ⵅⴼⵙⵏ ⵡⵉⵏⵉⵏ ⵜⵙⵇⵙⴰⵏ ⵜⴰⵇⴱⴱⴰⵟ. ⵎⴰⵢⴽⵍ ⵢⴰⵖⵓⵍ ⵖⵔ ⵜⴽⴰⵔⴹⵉⵡⵉⵏ ⵙⵙⵔⵙⵏ ⵉⵕⵓⵎⵉⵏ ⵉⵎⵣⵡⵓⵔⴰ ⵅ ⵉⴱⵔⴷⴰⵏ ⵏ ⵓⵜⵉⵍⵍⴰⵙ, ⴷⴰ ⵉⵣⵔⵉ ⵎⴰⵃⴷ ⵍⴰ ⵉⵜⴽⴽ ⵉⴱⵔⴷⴰⵏⵉⵏ ⴰⴷ ⵉⵡⵡⵜ ⴷⴳⵙⵏ ⴰⵏⴼⴰ ⵙ ⴳⵉⵏ ⵙⵜⵉⵜ ⵎⴰⴷ ⵍⴰⵡⴰⵀ; ⴷⴰ ⵢⵉⵍⵉ ⵓⴱⵀⴰⴹ; ⵉⴱⴷⴷ ⵅ ⴰⵙⵙⴰⵖⵏ ⵉⵜⵜⵓⵙⵏⴼⵍⵏ, ⵉⴽⴽⵉⵏ ⵣⴳ ⵜⵍⴰⵖⵉⵜ ⵖⵔ ⵜⵏ ⵉⵟⵏⵉⵏ, ⴰⵎ: ⴰⵎⴳⵔⴹ ⵓⵍⵖⵎ, ⴷ ⵏⵜⴰ ⵍⴰ ⵉⴳⵓ ⴳ ⵜⵉⵍⴰⵡⵜ : ⴰⵎⴳⵔⴹ ⵏ ⵜⴰⵖⴰⵟ, ⵀⴰ ⵢⴰⴼ ⵜⵉⴽⵜ ⵏ ⵉⵣⴳⴰⵍⵏ, ⴰⵔⵓⵎⵉ ⵉⵜⵙⵇⵙⴰ, ⴷ ⴰⵢⵜ ⵄⴰⵔⵉ ⵜⵔⴰⵔⴰⵏ ⵙ ⵓⴼⵕⵕⵉⵖ, ⵏⵏⴰ ⵉⴱⴰⴹⵏ ⴰⴷ ⵢⵉⴳ ⵉⴷⵊ ⵓⴷⵎ ⵏ ⵜⵏⵣⴱⴰⵢⵜ, ⴰⵎⵎⵉ ⵍⴰ ⵓⴽⵉⵏ ⵉⵙ ⵉⴱⵔⴳⴰⴳⵏⵉ ⵓⵔ ⴷ ⵓⵙⵉⵏ ⵅⴰⵙ ⴰⴽ ⴰⴷ ⴰⴽⵣⵏ ⵉⴱⵔⴷⴰⵏ ⵙ ⴷⴷⴰⵏ ⴰⵜⵏ ⵇⵇⵏⴻⵏ ⴳ ⵉⴽⵓⵔⴰⴼ; ⴽⵓⵏⴷⵉⵔⴰ ⴳ: ⴰⴷⵍⵉⵙ ⵏ ⵜⴰⵟⵚⴰ ⴷ ⵜⵓⵜⵜⵓⵜ. ⵢⵓⵍⵙ, ⴰⵍⵍⵉⴳ ⴽⵛⵎ ⵉⵙⵔⴷⴰⵙ ⵉⵔⵓⵙⵉⵏ ⵖⵔ ⵜⵎⵓⵔⵜ, ⴽⴽⵔⵏ ⵉⵎⵣⴷⴰⵖ ⴽⴽⵙⵏ ⵎⴰ ⵔⴰ ⴽⴽⵙⵏ ⵏ ⵡⴰⵙⵙⴰⵖⵏ ⵣⴳ ⵉⴱⵔⴷⴰⵏ, ⵙⵏⴼⵍⵏ ⵍⴳⵓⴷ ⵖⵔ ⵜⵎⵏⴰⵟⵉⵏ, ⴷ ⵡⵏ ⵢⵓⵍⵉⵏ ⵖⵔ ⵏⵊ, ⵉⴷⴷⴰ ⵖⵔ ⵓⴳⵓⵣ, ⵡⵏ ⵓⴼⴰⵙⵉ, ⵉⴱⵕⵕⵎ ⵙ ⵉⴼⴼⵓⵙ, ⴷⴰⵢ ⵔⵡⵡⵏⴻⵏ ⴰⵏⵢⵓⴷⴷⵓ ⵓⵎⴷⴷⵓⵔⵔⵓⵢ, ⵢⵉⵡⵟⵏ ⵙ ⵟⵏⵓⴳⴰⵜ, ⵙⵙⵏⵊⵍⴰⵏ ⴰⵡⴰⵟ ⵖⵔ ⵜⵣⴷⵓⵖⵉⵏ ⵅⵙⵏ ⴰⴷ ⴰⵡⵟⵏ.
ⵎⴰⵍⴽ ⵃⵎⵣⴰⵡⵉ:
ⵢⵉⵡ ⴰⵙ ⴷ ⵜⴰⵔⵣⵣⵉⴼⵜ, ⵉⴳⵉⵏ ⴰⴷⵍⵉⵙ ⴰⵣⵓⵔⴰⵔ, ⵎⵉ ⵉⵙⵙⵔⵙ ⴳ ⵓⵣⵡⵉⵍ: ⵡⵉⵏⵉⵏ ⵓⵔ ⵅⴰ ⵉⵜⵡⴰⵜⵜⵓⵏ. ⴳ ⵓⵎⵚⴰⵡⴰⵟ ⵏⵏⵙ, ⵉⴱⴷⴷ ⵉⵙ ⵎⴰⵢⴽⵍ ⵜⵜⵓⵖ ⵇⵇⴰⵕⵏ ⴰⵙ ⴷ ⵏⵜⴰ ⴷ ⴰⵎⵥⵥⵢⴰⵏ: ⵎⵉⴽⵓ; ⵣⵣⴰⵜ ⴰⵔ ⴰⵙ ⵉⵜⵜⵎⵎⵓⵛ ⵡⴰⵙⵙⴰⵖ ⵏ: ⵉⵣⵎ ⴰⴱⵔⴱⴰⵛ. ⵉⵜⵜⵡⴰⵙⵉⵏ ⵣⴳ ⵉⵣⵍⵉ ⴳ ⵔⵏⵏⵓⵏ: ⵕⵕⵄⴱ ⴰⴳ ⴳⵓ ⵓⵕⵄⴰ ⵏⵏⴽ ⴷⵉⴳⵉ.
ⴰⵔⵜⵜⵓ: ⵉⵏⵏⴰ ⵉⵙ ⵢⵅⵙ ⴰⵙⵙ ⵢⵓⴷⵔ, ⴰⴷ ⵙⵙⵍⵓⵣⵏ ⵉⵖⵖⴷ ⵏⵏⵙ, ⵊⴰⵔ ⵏ ‘ⴰⵙⵉⴼ ⵏ ⵡⵉⵔⵉ’ ⴷ ‘ⵡⴰⵎⴰⵏ ⵏ ⵜⵖⵟⵟⵏ’ .
ⵎⴰⵔⴰ ⵉⵜⵜⵔ ⵉⴷⴷⵊ ⴰⴽ ⵉⵏⵏⴰⵏ ⵍⴰ ⵉⵟⵟⵚ, ⴰⵍⵍⵓⴳ ⵢⵓⴽⵉ ⵉⵙ ⵉⵜⵡⴰⵔⵊⴰ ⵙ ⵜⵎⴰⵣⵉⵖⵜ; ⵀⴰ ⴽⵏⵏⵉ ⵜⵙⵍⵍⵎ ⴰⵙ.
ⴳ ⵓⵣⵡⵉⵍ ⵏ ⵓⵎⴰⴳⵔⴰⴷ ⵓ:
ⵉⵙⵙⵉⵡⵍ ⵓⵙⵎⵓⵏ ⴷ ⵓⵙⵍⵎⴰⴷ ⴷ ⵓⵎⵍⴳⴰⵣ ⴷ ⵓⵎⵓⵙⵙⵏⴰⵡ ⵙ ⵉⵜⵜⵓⵙⵎⵖⵔ, ⴷⴰ ⵉⵏⵏⴰ ⵎⴰⵢⵍ, ⵉⵙ ⵢⵓⵛⵓ ⴰⵡⴰⵍ ⵓⵔⵥⵥⵓⵎ, ⴷ ⴰⴽ ⴰⴷ ⵓⵔ ⵉⵙⵙⵖⵣⵉⴼ, ⵉⵙ ⵉⵇⵇⴰⵍ ⴳⴳⵓⵜⵏ ⵉⵏⴱⵊⵉⵡⵏ ⵅⵙⵏⵉⵏ ⴰⴷ ⵙⵙⵉⵡⵍ, ⴷ ⵏⵜⴰ ⵉⵙⵎⴷ: ⵉⵡⴰ ⴰⵎⵥⴰⵜ ⵉⵡⴰⵍⵉⵡⵏ; ⴷⴰⵢ ⵡⵡⵜⵉⵏ ⵜⴳⵓⵔⵉⵡⵉⵏ ⴳ ⵓⵇⵕⵕⵓ ⵏⵓ ⴰⵎ ⵜⵉⵙⵙⴰⵎ, ⵉⵙ ⴷ ⵓⵙⵉⵏ ⴰⵎⵎⵉ ⵢⵙⵙⵖⵍⴼ ⵉⵎⴰⵣⵉⵖⵏ, ⴰⴽ ⴰⴷ ⵟⵟⴼⵏ ⴳ ⵡⴰⵡⴰⵍ ⵏⵏⵙⵏ.
ⵉⵡⴰ ⴰⵎⵥⴰⵜ ⵉⵡⴰⵍⵉⵡⵏ ⵏⵏⵓⵏ; ⴷⴰⵢ ⴷⵓⵢⵅ ⴰⵜ ⵙⵙⵔⵙⵅ ⴷ ⴰⵣⵡⵉⵍ, ⴰⴼⵍⵍⴰ ⵏ ⵡⴰⴼⵔ ⵓⵢⵓ.
hammou bouchkhar ⴳ ⵅ-ⵎⵉ-ⵙⵙⴰⵜ: 01/06/2973
ⵢⵓⵔⴰ ⵜ : ⵃⵎⵎⵓ ⴱⵓⵛⵅⴰⵕ