ⵍⵎⵖⵔⵉⴱ ⵢⵓⵎⵥ « ⴰⴷⴷⴰⴷ ⵏ ⵓⵎⴷⵔⴰⵡ ⵏ ⵓⵎⵙⴰⵡⴰⵍ ⴰⵣⵓⵏⴰⵏ » ⵙⴳ ⴷⴰⵔ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵢⵉⴼⴼⵓⵙ ⴰⴳⵎⵎⵓⴹ ⵏ ⵇⵙⵢⴰ (ⵜⴰⵎⴰⵡⴰⵙⵜ ⵏ ⵉⵙⴽⴽⵉⵏⵏ ⵏ ⴱⵕⵕⴰ)
ⵢⵉⵡⵉ ⴷ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵙⵉ ⴷ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⴱⵕⵕⴰ, ⵎⴰⵙ ⴷ ⵉⵎⴰⵡⴰⵙⵏ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴳ ⵜⵎⵉⵣⴰⵔ ⵏ ⵜⵣⵍⵖⴰ ⵏ ⵉⵡⴰⵏⴽⵏ ⵏ ⵢⵉⴼⴼⵓⵙ ⴰⴳⵎⵎⵓⴹ ⵏ ⴰⵙⵢⴰ (ⴰⵣⵢⴰⵏ) ⵙⴷⴷⵉⴷⵏ ⵙ ⵜⵡⵉⵍⴰ ⵜⴰⵎⴰⴷⴷⵓⴷⵜ, ⴳ ⵜⵙⵎⵓⵏⵉ ⵏⵏⵙⵏ ⴰⵙⵙ ⵏ 04 ⵛⵓⵜⴰⵏⴱⵉⵔ ⴰⴷ ⴳ ⵊⴰⴽⴰⵕⵟⴰ, ⴰⴷ ⵉⵜⵜⵓⴼⴽⴰ ⵉ ⵜⴳⵍⴷⵉⵜ ⵜⴰⵎⵖⵔⴰⴱⵉⵜ « ⴰⴷⴷⴰⴷ ⵏ ⵓⵎⴰⴷⵔⴰⵡ ⵏ ⵓⵎⵙⴰⵡⴰⵍ ⴰⵣⵓⵏⴰⵏ » ⴷⴰⵔ ⵓⴳⵔⴰⵡ ⴰⴷ.
ⵉⵙⵙⵉⵙⴼⵉⵡ ⵓⵙⵉⵡⴹ ⵎⴰⵙ ⴷ ⵍⵎⵖⵔⵉⴱ ⵉⴷⵡⵍ ⵙ ⵜⵖⵜⴰⵙⵜ ⴰⴷ ⵜⴰⵎⴰⵣⵉⵔⵜ ⵜⴰⵎⵣⵡⴰⵔⵓⵜ ⴳ ⵢⵉⴼⴼⵓⵙ ⵏ ⵉⴼⵔⵉⵇⵢⴰ ⵏⵏⴰ ⵎⵉ ⵉⵜⵜⵓⴼⴽⴰ ⵡⴰⴷⴷⴰⴷ ⴰⴷ, ⵙ ⵓⵢⴰ ⵉⵙⵙⴷⵓⵙ ⴰⵏⵙⴰ ⵏⵏⵙ ⴰⵎ ⴰⵏⵎⵙⴰⵡⴰⵍ ⴰⵎⴰⴼⴰⵢ ⵉ ⵓⴳⵔⴰⵡ ⴰⴷ ⴰⵊⵢⵓ ⴰⵙⵔⵜⴰⵏ ⴷ ⵓⴷⵎⵙⴰⵏ ⵖⵓⵔ ⵜⵉⵏⴷⵉ ⵜⴰⵎⵇⵇⵔⴰⵏⵜ.
ⵉⵔⵏⵓ ⵓⵙⵉⵡⴹ ⵎⴰⵙ ⴷ ⴰⴷⴷⴰⴷ ⵏ ⵡⴰⴷⴷⴰⴷ ⵏ « ⵓⵎⴰⴷⵔⴰⵡ ⵏ ⵓⵎⵙⴰⵡⴰⵍ ⴰⵣⵓⵏⴰⵏ » ⵉ ⵍⵎⵖⵔⵉⴱ, ⴷⴰ ⵉⵙⵙⴷⵓⵙ ⵜⴰⵏⵏⴰⵢⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ – ⴰⴷ ⵜ ⵉⵏⵚⵕ ⵕⴱⴱⵉ- ⵉⴱⴷⴷⵏ ⵅⴼ ⵓⵙⵎⵢⴰⵏⴰⵡ ⵏ ⵜⴷⵔⴰⵡⵉⵏ ⴷ ⵓⵏⵏⵓⵕⵥⵎ ⵏ ⵜⴳⵍⴷⵉⵜ ⵅⴼ ⵉⵙⴰⵢⵔⴰⵔⵏ ⵏ ⵊⵢⵓ ⵉⵙⵔⵜⴰⵏⵏ ⵉⵎⴰⵢⵏⵓⵜⵏ, ⵉⵔⵏⵓ ⵎⴰⵙ ⴷ ⵜⴰⵖⵜⴰⵙⵜ ⴰⴷ ⵜⴳⴰ ⴰⵙⵉⵙⵏ ⵙⴳ ⴷⴰⵔ ⵓⴳⵔⴰⵡ ⴰⴷ ⵙ ⵜⵎⵍⴰⵍⵜ ⵏ ⵍⵎⵖⵔⵉⴱ, ⴷⴷⵓ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ, ⴰⵎ ⵓⴳⵊⴷⵉ ⵏ ⵓⵣⴳⴳⵓ ⴳ ⵉⴼⵔⵉⵇⵢⴰ ⴷ ⵓⵎⴰⴹⴰⵍ ⴰⵄⵕⴰⴱ, ⴷ ⴰⵔ ⵉⵙⵙⵉⵙⴼⵉⵡ ⵜⴰⴷⵉⵏⴰⵎⵉⵜ ⵏ ⵜⴷⵔⴰⵡⵉⵏ ⴳⵔ ⵍⵎⵖⵔⵉⴱ ⴷ ⵜⵎⵉⵣⴰⵔ ⵏ ⵢⵉⴼⴼⵓⵙ ⴰⴳⵎⵎⵓⴹ ⵏ ⴰⵙⵢⴰ.
ⵉⴱⴷⵔ ⵓⵙⵉⵡⴹ ⵎⴰⵙ ⵉⵜⵜⵓⵙⵎⴰⵍ ⵅⴼ ⵓⵎⵛⴰⵛⴽⴰ ⴰⵏⵎⵏⵣⴰⵢ ⴰⴷ ⵉⵜⵜⵓⴼⴽⴰ « ⴰⴷⴷⴰⴷ ⵏ
ⵓⵎⴷⵔⴰⵡ ⵏ ⵓⵎⵙⴰⵡⴰⵍ ⴰⵣⵓⵏⴰⵏ » ⵉ ⵍⵎⵖⵔⵉⴱ ⴳ ⵜⵙⵎⵓⵏⵉ ⵡⵉⵙ 56 ⵏ ⵉⵎⴰⵡⴰⵙⵏ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴳ ⵜⵎⵉⵣⴰⵔ ⵏ ⴰⵣⵢⴰⵏ ⵉⵜⵜⵓⵏⵎⴰⵍⴰⵏ ⴳ 11 ⴷ 12 ⵢⵓⵍⵢⵓⵣ 2023 ⴳ ⵊⴰⴽⴰⵕⵟⴰ.
ⴰⴷ ⵉⵜⵜⵓⴱⴷⴰⵔ ⴳ ⵜⵙⴳⴰ ⵢⴰⴹⵏ ⵎⴰⵙ ⵉⵜⵜⵓⵙⴽⴰⵔ ⴳ ⵜⵙⵎⵓⵏⵉ ⴰⴷ ⵏⵉⵜ ⴰⴷ ⵉⵜⵜⵓⴼⴽⴰ ⵡⴰⴷⴷⴰⴷ ⴰⴷ ⵏⵉⵜ, ⵉ ⴰⴼⵔⵉⵇⵢⴰ ⵏ ⵢⵉⴼⴼⵓⵙ ⴷ ⵍⵉⵎⴰⵕⴰⵜ ⵜⴰⵄⵕⴰⴱⵜ ⵉⵎⵓⵏⵏ.
ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ – ⴰⴳⵯⵍⵎⵉⵎ