ⵜⵉⵡⵉⵙⵉ ⵜⴰⵏⴼⴳⴰⵏⵜ ⵉ ⵉⴼⴰⵍⴰⵚⵟⵉⵏⵉⵢⵏ: ⵙⵏⴰⵜ ⵜⴰⵢⵍⴰⵍⵉⵏ ⵜⵉⵙⵔⴷⴰⵙⵉⵏ ⴼⴼⵖⵏⵜ ⴳ ⵜⵙⵉⵍⴰ ⵜⴰⵎⴰⴹⵓⵜ ⴳ ⵍⵇⵏⵉⵟⵕⴰ ⵡⴰⵜⵙⵏⵜ ⴰⵣⴰⴳⴳⵯⵣ ⵏ ⵍⵄⵔⵉⵛ
ⵙ ⵜⴰⵔⴰⵜⵉⵏ ⴰⵜⵜⵓⵢⵏⵉⵏ ⵙⴳ ⴷⴰⵔ ⴱⴰⴱ ⵏ ⵡⴰⴷⴷⵓⵔ ⵏ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵙⵏⵔⵓ ⵕⴱⴱⵉ, ⴼⴼⵖⵏⵜ ⵙⵏⴰⵜ ⵜⴰⵢⵍⴰⵍⵉⵏ ⵜⵉⵙⵔⴷⴰⵙⵉⵏ, ⵜⴰⴷⴳⴳⵯⴰⵜ ⵏ ⵡⴰⵙⵙ ⴰⴷ ⵏ ⵓⵙⵉⵏⴰⵙ, ⵜⴰⵙⵉⵍⴰ ⵜⴰⵎⴰⴹⵓⵜ ⵜⵉⵙ ⴽⵕⴰⴹⵜ ⵏ ⵜⴰⴳⴳⴰⵍⵉⵏ ⵜⵉⴳⵍⴷⴰⵏⵉⵏ ⵜⵉⵎⴰⴹⵓⵜⵉⵏ ⴳ ⵍⵇⵏⵉⵟⵕⴰ, ⵡⴰⵜⵙⵏⵜ ⴰⵣⴰⴳⴳⵯⵣ ⵏ ⵍⵄⵔⵉⵛ ⴳ ⵜⴳⴷⵓⴷⴰⵏⵜ ⵏ ⵎⵉⵚⵕ, ⵓⵙⵉⵏⵜ ⵜⵉⵡⵉⵙⵉ ⵜⴰⵏⴼⴳⴰⵏⵜ ⵜⴰⵎⵖⴰⵡⵍⵜ ⵉ ⵉⴼⴰⵍⴰⵚⵟⵉⵏⵉⵢⵏ.
ⵢⵉⵡⵉ ⴷ ⴰⴷⵍⵍⵉ ⵓⵙⵉⵡⴹ ⵏ ⵜⵎⴰⵡⴰⵙⵜ ⵏ ⵜⵖⴰⵡⵙⵉⵡⵉⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵣⴷⵖⵏⵉⵏ ⴳ ⴱⵕⵕⴰ, ⵎⴰⵙ ⴷ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵙⵏⵔⵓ ⵕⴱⴱⵉ, ⴰⵏⵙⵙⵉⵅⴼ ⵏ ⵜⵙⵇⵇⵉⵎⵜ ⵏ ⵍⵇⵓⴷⵙ, ⵉⴼⴽⴰ ⵜⴰⵔⴰⵜⵉⵏ ⵏⵏⵙ ⴰⵜⵜⵓⵢⵏⵉⵏ ⴰⴷ ⵜⴼⵜⵓ ⵜⵡⵉⵙⵉ ⵜⴰⵏⴼⴳⴰⵏⵜ ⵜⴰⵎⵖⴰⵡⵍⵜ ⵉ ⵉⵎⵣⴷⴰⵖⵏ ⵉⴼⴰⵍⴰⵚⵟⵉⵏⵉⵢⵏ.
ⵉⵙⵙⵉⵙⴼⵉⵡ ⵓⵙⵉⵡⴹ ⵎⴰⵙ ⴷ ⵜⵉⵡⵉⵙⵉ ⴰⴷ ⵜⵙⵎⵓⵏ ⵜⵉⵙⵎⴽⵜⵉⵏ ⵅⴰⵜⵔⵏⵉⵏ ⵙⴳ ⵉⵙⴰⴷⵓⵔⵏ ⴷ ⵜⵖⴰⵡⵙⵉⵡⵉⵏ ⵏ ⵓⵙⵉⵊⵊⵉ ⴷ ⵡⴰⵎⴰⵏ.
ⵉⵔⵏⵓ ⵓⵖⴱⴰⵍⵓ ⵡⴰⵍⵍⵉ ⵏⵉⵜ, ⵎⴰⵙ ⵔⴰⴷ ⵢⵉⵍⵉ ⵓⵙⵡⵓⵜⵜⵓ ⵏ ⵉⵎⴰⵙⵙⵏ ⵙ ⵔⴰⴷ ⵜⴼⵜⵓ ⵜⵡⵉⵙⵉ ⴰⴷ ⵜⴰⵎⵖⴰⵡⵍⵜ ⵙ ⵓⵣⴷⴷⵓⵢ ⴷ ⵉⵏⴱⴰⴹⵏ ⵉⵎⵉⵚⵕⵉⵢⵏ ⴷ ⵉⴼⴰⵍⴰⵚⵟⵉⵏⵉⵢⵏ.
ⵉⴼⴼⵖ ⵓⵙⵉⵡⴹ ⵎⴰⵙ ⴷ ⵜⴰⵖⵜⴰⵙⵜ ⴰⴷ ⵢⴰⵜⵜⵓⵢⵏ ⵜⴽⵛⵎ ⴳ ⵓⵙⴰⵜⵉ ⵏ ⵜⵎⵔⵉⵙⵜ ⵜⵉⵎⵣⵣⴳⵉⵜ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⴰⴷ ⵜ ⵉⵙⵏⵔⵓ ⵕⴱⴱⵉ, ⵉ ⵜⵎⵙⴰⵔⵜ ⵜⴰⴼⴰⵍⴰⵚⵟⵉⵏⵉⵜ.
ⴰⵙⵓⵖⵍ: ⵄⴱⴷⵍⵡⴰⵃⵉⴷ ⴱⵉⵜⴱⴰⵖⴰ