ⴰⵙⵜⴰⵢ ⵏ ⵍⵎⵖⵔⵉⴱ ⴷ ⴰⴳⵎⴰⵎ ⵏ ⵜⴳⵔⴰⵡⵉⵏ ⵏ ⵢⵓⵏⵉⵙⴽⵓ
ⵉⵍⵍⴰ ⴰⵙⵙ ⵏ ⵓⴽⵡⴰⵙ ⴰⵙⵜⴰⵢ ⵏ ⵍⵎⵖⵔⵉⴱ ⴷ ⴰⴳⵎⴰⵎ ⴳ ⴽⴽⵓⵥⵜ ⵜⴳⵔⴰⵡⵉⵏ ⴹⴼⵕⵏⵉⵏ ⵜⴰⵎⴰⴷⴷⴰⵙⵜ ⵏ ⵜⵎⵜⵜⴰ ⵎⵓⵏⵏⵉⵏ ⵉ ⵓⵙⴳⵎⵉ ⴷ ⵜⵎⴰⵙⵙⴰⵏⵉⵏ ⴷ ⵜⴷⵍⵙⴰ (ⵢⵓⵏⵉⵙⴽⵓ).
ⵖⵎⴽ ⴰⴷ ⴰⵙ ⵉⵍⵍⴰ ⵓⵙⵜⴰⵢ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴳ ⵓⵙⵇⵇⵉⵎ ⵏ ⵓⵙⵉⵔⴰ ⴰⴳⵔⴰⵖⵍⴰⵏ ⵉ ⵓⵙⴳⵎⵉ, ⴷ ⵜⵙⵇⵇⵉⵎⵜ ⵜⵓⵏⴱⵉⴹⵟ ⵜⴰⴳⵔⴰⵖⵍⴰⵏⵜ ⵉ ⵜⵏⴼⴳⵓⵔⵉⵏ ⵏ ⵜⴱⵢⵓⵍⵓⵊⵉⵜ, ⴷ ⵓⵙⵇⵇⵉⵎ ⴰⴳⵔⴰⵖⵍⴰⵏ ⵓⵏⴱⵉⴹ ⵏ ⵉ ⵓⵖⴰⵡⴰⵙ ⴰⴳⵔⴰⵖⵍⴰⵏ ⴰⵀⵉⴷⵕⵓⵍⵓⵊⵉ, ⴷ ⵓⵖⴰⵡⴰⵙ ⵏ ⵓⴼⴳⴰⵏ ⴷ ⵡⴰⵡⵏⴰⴹ ⵓⴷⴷⵉⵔ.
ⵍⵍⴰⵏ ⵉⵙⵜⴰⵢⵏ ⴰⴷ ⴳ ⵓⵙⴰⵜⵉ ⵏ ⵓⴳⵔⴰⵡ ⴰⵎⵜⴰⵢ ⵡⵉⵙ 42 ⵏ ⵜⵎⴰⴷⴷⴰⵙⵜ ⵏ ⵢⵓⵏⵉⵙⴽⵓ ⵍⵍⵉ ⵉⵍⵍⴰⵏ ⴳ ⴱⴰⵔⵉⵣ ⵙⴳ 7 ⴰⵔ 22 ⵏⵓⵡⴰⵏⴱⵉⵔ 2023 , ⵙ ⵜⴷⵔⴰⵡⵜ ⵏ ⵎⴰⵙⵙ ⵙⴰⵎⵉⵔ ⴷⴷⵀⵔ ⴰⵎⵙⵇⵇⴰⴷ ⴰⵙⵓⵍⴰⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷⴰⵔ ⵜⵎⴰⴷⴷⴰⵙⵜ ⵏ ⵢⵓⵏⵉⵙⴽⵓ ⴳ ⵢⵉⵅⴼ ⵏ ⵢⴰⵏ ⵓⴽⴰⴱⴰⵕ ⴰⵎⵖⵔⵉⴱⵉ ⵉⵙⵜⴰⵡⵀⵎⵎⴰⵏ.
ⵜⵏⵏⴰ ⵜⵎⵢⴰⵣⴰⵏⵜ ⵜⴰⵙⵓⵍⴰⵏⵜ ⵏ ⵍⵎⵖⵔⵉⴱ ⴷⴰⵔ ⵢⵓⵏⵉⵙⴽⵓ ⵎⴰⵙ ⵉⴳⴰ ⵓⵙⵜⴰⵢ ⵏ ⵍⵎⵖⵔⵉⴱ ⴳ ⵜⵉⵍⵉⵜ ⴳ ⵉⵏⴳⵎⴰⵎⵏ ⵏ ⵜⴳⵔⴰⵡⵉⵏ ⴰⴷ ⴰⵙⵙⵏ ⵏ ⵡⴰⵎⵓⵏ ⴰⴳⵔⴰⵖⵍⴰⵏ ⵏ ⵜⵉⵍⴰⵍⵜ ⵉⵥⵉⵍⵏ ⵏ ⵜⴳⵍⴷⵉⵜ ⵏ ⵍⵎⵖⵔⵉⴱ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ, ⴷ ⵜⴰⵎⴽⴰⵔⵜ ⴳ ⵓⵙⴰⵢⵙ ⴰⴳⵔⴰⵖⵍⴰⵏ, ⵉⵎⵍ ⵓⵍⴰ ⴰⵎⵛⴰⴱⴱⴰⴽ ⵏ ⵜⴳⵍⴷⵉⵜ ⵙ ⵓⵎⵢⴰⵡⴰⵙ ⴰⴳⵜⵉⵔⴰⵏ ⴷ ⵓⵏⴱⵉⴹ ⴰⴳⵔⴰⵖⵍⴰⵏ.