ⴰⵙⵉⵡⴹ ⴰⵏⵖⵎⴰⵙ ⵅⴼ ⵢⵙⵏⵎⴰⵍⴰ ⵏ ⵜⵙⵓⵜⵍⵜ ⵜⵉⵙ 15 ⵏ ⵓⵏⵎⵓⴳⴳⴰⵔ ⵏ ⵜⵉⴼⴰⵡⵉⵏ
ⴷⴰ ⵜⴻⵜⵜⵍⴰⵖⵉ ⵜⵎⵙⵎⵓⵏⵜ ⵏ ⵓⵏⵎⵓⴳⴳⴰⵔ ⵏ ⵜⵉⴼⴰⵡⵉⵏ ⵉ ⵓⵎⵏⴰⴷ ⴰⵎⴰⵜⴰⵢ ⴷ ⵉⵎⴰⴷⵔⴰⵡⵏ ⵏⵏⵙ ⴰⴽⴽⵯ ⵉⵎⵔⵙⴰⵍ ⴷ ⵓⵙⵍⵉⴳⵏ, ⵎⴰⵙ ⵜⵖⵜⵙ ⴰⵙⵏⵎⴰⵍⴰ ⵏ ⵜⵙⵓⵜⵍⵜ ⵜⵉⵙ 15 ⵏ ⵓⵏⵎⵓⴳⴳⴰⵔ ⵏ ⵜⵉⴼⴰⵡⵉⵏ ⵙ ⵢⴰⵜ ⵜⵡⵉⵍⴰ ⵜⴰⵏⵎⵢⴰⵡⴰⵙⵜ ⵙ ⵓⵎⵢⴰⵡⴰⵙ ⴷ ⵜⴳⵔⴰⵡⵜ ⵏ ⵡⴰⵎⵎⵍⵏ, ⵓⵙⵙⴰⵏ ⵏ 19 ⴷ 20 ⴽⵟⵓⴱⵕ 2023, ⵉⴷⴷⵖ ⴰⴷⴷⴰⴷ ⴳ ⴷⴷⵔⵏ ⵉⴷⵖⴰⵔⵏ ⵍⵍⵉ ⵢⵓⵜ ⵓⵏⴷⵓⴷⵉ ⵏ ⵡⴰⵟⵍⴰⵚ ⴰⵎⵇⵇⵔⴰⵏ, ⴷ ⵜⴰⵡⵙⴰ ⴰⴽⴷ ⵉⵎⵓⴳⴰⵙ ⵏ ⵜⵡⴰⵖⵉⵜ ⴰⴷ ⵜⴰⴳⴰⵎⴰⵏⵜ. ⵙ ⵓⵢⴰ, ⵔⴰⴷ ⵜⵙⵏⵎⴰⵍⴰ ⵜⵎⵙⵎⵓⵏⵜ ⴳ ⵜⵙⵓⵜⵍⵜ ⴰⴷ ⵖⴰⵙ ⵜⵉⵍⴰⵍ ⵜⵉⵙⴳⵎⴰⵏⵉⵏ ⴷ ⵜⵏⴰⵎⵓⵏⵉⵏ ⵜⵉⵏⵎⵢⴰⵡⴰⵙⵉⵏ ⴳ ⵉⵙⴰⵢⵔⴰⵔⵏ ⵏ ⵡⴰⵎⵎⴰⵙ ⵏ ⵜⴳⵔⴰⵡⵜ ⵏ ⵡⴰⵎⵎⵍⵏ, ⴷⴰ ⵉⵡⴰⵜⵜⵙⵏ ⵜⵓⴳⵉ ⵏ ⵢⴰⵏ ⵓⵏⵎⵓⴳⴳⴰⵔ ⵏ ⵡⴰⵣⵣⴰⵏ ⴰⵎⵖⵔⴰⴱⵉ, ⵔⴰⴷ ⴷⵉⴳⵙ ⵜⵙⵏⵓⴱⴳ ⵜⵉⵏⵎⵍ ⵜⴰⴳⵔⴰⵡⴰⵏⵜ ⵏ ⵡⴰⵎⵎⵍⵏ ⴳ ⵜⵙⵓⵏⴹⵜ ⵏ ⵜⴼⵔⴰⵡⵜ, ⵉⵏⵍⵎⴰⴷⵏ ⵉⵎⴷⵔⴰⵡⵏ ⴳ ⵓⵎⵃⵉⵣⵡⴰⵔ ⴰⵏⴰⵎⵓⵔ ⵏ ⵓⵙⴼⵜⵓ ⵙ ⵜⵎⴰⵣⵉⵖⵜ, ⵉⴳⵏⵙⴰⵙⵏ ⵏ ⵜⴽⴰⴷⵉⵎⵉⵜⵉⵏ ⵜⵉⵏⵎⵏⴰⴹⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵜⴳⵍⴷⵉⵜ ⵏⵏⵖ, ⴷ ⵉⵏⵍⵎⴰⴷⵏ ⵏ ⵡⴰⵏⵙⴰⵜⵏ ⵉⵍⴽⵎ ⵓⵎⴰⵍⴰⴷ ⴳ ⵜⵔⵓⴷⴰⵏⵜ ⴷ ⵍⵃⴰⵡⵣ. ⴷ ⵔⴰⴷ ⵜⴳ ⵜⵙⵓⵜⵍⵜ ⴰⴷ ⵜⴰⵎⵍⴷⴰ ⵏ ⵓⵙⵏⵎⴰⵍⴰ ⵏ ⵓⵍⴰⵎⴱⵉⵢⴰⴷ “ⵜⵉⴼⵉⵏⴰⵖ” ⵜⵉⴼⴰⵡⵜ ⵏ ⵡⴰⵙⵙ ⵏ ⴰⵙⵉⵎⵡⴰⵙ 20 ⴽⵟⵓⴱⵕ 20233, ⴳ ⵓⵙⴰⵢⵔⴰⵔ ⵏ ⵜⵏⵎⵍ ⵜⴰⴳⵔⴰⵡⴰⵏⵜ ⵏ ⵡⴰⵎⵎⵍⵏ ⴷ ⵜⵓⴳⵜ ⵏ ⵜⵉⵍⴰⵍ ⵜⵉⵏⴰⵎⵓⵏⵉⵏ ⴷ ⵜⵙⴰⵡⵔⵉⵏ ⵜⵉⵙⴳⵎⴰⵏⵉⵏ ⵉ ⵉⵎⵥⵢⴰⵏⵏ ⴷ ⵉⵙⵎⵓⵏⵏ ⵏⵏⵙⵏ ⵉⵎⵙⵙⵓⴳⴰⵔ ⵉⵙⴳⵎⴰⵏⵏ ⴷ ⵉⵔⵣⴰⴼⵏ ⵉ ⵡⴰⵏⵙⴰⵜⵏ ⵉⵎⴰⵍⵍⴰⵢⵏ ⴷ ⵡⵉⵏ ⵜⴰⵢⵙⵉ ⴳ ⵉⴷⵖⴰⵔⵏ ⵏ ⵜⴼⵔⴰⵡⵜ. ⵓⵍⵎⴰⴱⵉⵢⴰⴷ ⴰⴷ ⴰⵏⴰⵎⵓⵔ ⴷⴰ ⵉⵜⵜⵓⵙⵏⵎⴰⵍⴰ ⴳ ⵜⵓⵏⵖⵉⵍⵜ ⵏⵏⵙ ⵜⵉⵙ 11, ⵉⴳ ⵓⵍⴰ ⴰⵙⵏⵜⵍ ⵏ ⵜⵎⴷⵔⴰⵡⵜ ⵏⴳⵔ ⴽⵕⴰⴹⵜ ⵜⵙⴳⵉⵡⵉⵏ ⵏⴳⵔ ⵜⴰⵎⵙⵎⵓⵏⵜ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⴽⴰⴷⵉⵎⵉⵜ ⵜⴰⵏⵎⵏⴰⴹⵜ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ ⴳ ⵜⵎⵏⴰⴹⵜ ⵏ ⵙⵓⵙ ⵎⴰⵙⵙⴰ ⵙ ⵓⵣⴷⴷⵓⵢ ⴷ ⵜⵎⵀⵍⴰ ⵜⴰⵙⴳⴰⵡⴰⵏⵜ ⵏ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵍⵎⴷ ⴰⵎⵣⵡⴰⵔⵓ ⴷ ⵜⵓⵏⵏⵓⵏⵜ ⴳ ⵜⵣⵏⵉⵜ, ⴰⵡⵜⵜⴰⵙ ⵏⵏⵙ ⴰⵍⴰⵢ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵏⴳⵔ ⵉⵎⵥⵢⴰⵏⵏ ⵉⵎⵖⵔⴰⴱⵉⵢⵏ, ⵎⴽⵍⵍⵉ ⵔⴰⴷ ⵢⵉⵍⵉ ⴳ ⵜⵡⵓⵔⵉⵡⵉⵏ ⵏ ⵜⵙⵓⵜⵍⵜ ⴰⴷ ⵢⴰⵜ ⵜⴼⵓⴳⵍⴰ ⵜⴰⵏⵎⵢⴰⵡⴰⵙⵜ ⵙ ⵜⵎⵍⴷⴰ ⵏ “ⵜⴽⵓⵎⵔⴰⵡⵉⵏ” ⵅⴼ ⵜⵎⵜⵜⴰⵏⵜ ⵏ ⵉⵎⵓⴳⴰⵙ ⵏ ⵓⵏⴷⵓⴷⵉ ⵏ ⵡⴰⵟⵍⴰⵚ ⴰⵎⵇⵇⵔⴰⵏ, ⵙ ⵜⵉⵍⵉⵜ ⵏ ⵟⵍⴱⴰ ⴷ ⵍⴼⵓⵇⴰⵀⴰ ⵏ ⵜⵉⵏⵎⴰⵍ ⵜⵉⵣⴰⵢⴽⵓⵜⵉⵏ ⴳ ⵡⴰⵏⵙⴰ ⴰⵙⵙ ⵏ ⴰⵙⵉⵎⵡⴰⵙ 20 ⴽⵟⵓⴱⵕ 2023 ⴳ ⵡⴰⵎⵎⴰⵙ ⵏ ⵜⴳⵔⴰⵡⵜ ⵏ ⵡⴰⵎⵎⵍⵏ, ⵔⴰⴷ ⴷⵉⴳⵙ ⵜⴷⵔⵓⵏ ⵉⵏⵍⵎⴰⴷⵏ ⵉⵏⴱⴳⵉⵡⵏ ⵏ ⵓⵏⵎⵓⴳⴳⴰⵔ, ⵉⵍⵉⵏⵜ ⴳⵉⵙ ⵜⵉⵍⴰⵍ ⵏ ⵉⵣⵍⴰⵏ ⴷ ⵍⴰⵎⴷⴰⵃ ⴷ ⵜⵖⵔⵉ ⵜⴰⵎⴳⵔⴰⵡⵜ ⵏ ⵉⵇⵕⴰⵏ ⵙ ⵜⴱⵔⵉⴷⵜ ⵏ ⴰⵢⵜ ⵙⵓⵙ “ⵜⴰⵃⵣⵣⴰⴱⵜ” ⴷ ⵜⵉⵍⴰⵍ ⵢⴰⴹⵏ ⵏ ⵓⵙⵎⵖⵔ ⵖⵓⵔ ⵉⵍⵍⴰ ⵓⴼⵔⵉⵙ ⴰⵏⵎⵢⴰⵡⴰⵙ ⴰⵏⴰⵎⵓⵏ.
ⴰⵙⵉⵔⴰ ⵏ ⵜⵎⵙⵎⵓⵏⵜ
ⴰⵏⵙⵙⵉⵅⴼ: ⵍⵃⵓⵙⴰⵢⵏ ⵍⵃⵙⴰⵢⵏⵉ