ⵡⴰⵍⵉⴷ ⵔⵔⴳⵔⴰⴳⵉ ⴰⵎⵙⵙⴰⵏⵓⵏ ⵏ ⵉⵎⵙⵜⵉ ⴰⵏⴰⵎⵓⵔ ⴰⵎⵖⵔⵉⴱⵉ: ⴽⵔⴰ ⵖ ⵜⵓⴷⵔⵜ ⵏⵏⵙ
ⵉⵣⵣⵔⵉ ⵓⵏⴰⵎⵣⴰⵖ ⵡⴰⵍⵉⴷ ⵔⵔⴳⵔⴰⴳⵉ (23 ⵛⵓⵜⴰⵏⴱⵉⵔ 1975) ⵜⵓⴳⵜ ⵏ ⵉⵔⵉⵎⵏ ⴳ ⵜⴱⵔⵣⴰⵜⵉⵏ ⵏ ⴼⵕⴰⵏⵙⴰ, ⴷ ⵚⴱⴰⵏⵢⴰ ⴷ ⵍⵎⵖⵔⵉⴱ, ⴷ ⵜⵔⵏⴰⵡⵜ ⵏⵏⵙ ⵉⴳⴳⵓⵜⵏ ⵜⵓⵊⵊⴰ ⵜ ⴰⴷ ⵢⴰⵡⵉ ⵜⴰⵙⵎⵖⵓⵔⵜ ⵏ ⵓⵏⴰⵎⵣⴰⵖ ⴰⵎⵓⴼⴰⵢ ⴳ ⵜⴱⵔⵣⴰ ⵏ ⴼⵕⴰⵏⵙⴰ ⵜⴰⵙⴽⵯⴼⵍⵜ ⵜⵉⵙ ⵙⵏⴰⵜ, ⵢⴰⵡⵙ ⵉ ⵓⵙⴳⵔⴰⵡ ⵏⵏⵙ ⴰⵊⴰⴽⵙⵢⵓ ⴰⴷ ⵉⵖⵍⵉ ⵙ ⵜⵙⴽⵯⴼⵍⵜ ⵜⴰⵎⵣⵡⴰⵔⵓⵜ.
ⵢⵓⵔⴰⵔ ⵡ. ⵔⵔⴳⵔⴰⴳⵉ ⵓⴳⴳⴰⵔ ⵏ 50 ⵏ ⵓⵎⵏⴰⵍⴰ ⴰⴽⴷ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵜⴰⵎⵖⵔⵉⴱⵉⵜ, ⴳ ⵓⵙⴳⴳⵯⴰⵙ ⵏ 2004 ⵢⵉⵡⵙ ⵏⵉⵜ ⴰⵢⵍⵍⵉⵖ ⵉⵍⴽⵎ ⵉⵎⵙⵜⵉ ⵏⵏⵙ ⵜⴳⵉⵔⴰ ⵏ ⵜⴽⵓⵙⵜ ⵏ ⵜⵎⵜⵜⴰ ⵏ ⵢⵉⴼⵔⵉⵇⵢⴰ, ⵢⴰⵎⵥ ⴷⴰⵖ ⴰⵏⴰⵎⵣⴰⵖ ⴰⵎⵓⴼⴰⵢ ⴳ ⵜⴱⵔⵣⴰ. ⴳ ⵓⵙⴳⴳⵯⴰⵙ 2007, ⵢⵉⵡⵉ ⵡⴰⵍⵉⴷ ⵜⴰⵙⵎⵖⵓⵔⵜ ⵏ ⵓⵏⴰⵎⵣⴰⵖ ⴰⵎⵖⵔⵉⴱⵉ ⵉⵖⵓⴷⴰⵏ.
ⴳⵔ 2012 ⴷ 2013, ⴹⴰⵕⵜ ⵎⴰⴷ ⵉⴱⴱⵉ ⴷ ⵓⴱⴰⵔⴰⵣ ⵙ ⵢⴰⵜ ⵜⴽⴽⵍⵉⵜ, ⵙ ⵜⴷⵍⵙⴰ ⵜⴰⵡⵊⵊⴰⵡⴰⵏⵜ ⵢⴰⵜⵜⵓⵢⵏ, ⵉⵎⵎⵓⴷⴷⴰ ⵡⴰⵍⵉⴷ ⵙ ⴼⵕⴰⵏⵙⴰ ⴰⴷ ⴳⵉⵙ ⵉⵙⵡⵓⵔⵉ ⴰⵎ ⴰⵎⵙⴼⵙⵉ ⴰⵜⵉⵇⵏⵉ ⵏ ⵜⴱⵔⵣⴰ ⵏ ⴼⵕⴰⵏⵙⴰ ⴳ ⵜⴱⴰⴷⵓⵜ bein sport ⴰⵛⴽⵓ ⵉⴽⴽⴰ ⵜⵜ ⵉⵏⵏ ⵓⵔ ⴱⴰⵀⵔⴰ ⵉⵙⵙⵉⵏ ⵉ ⵜⵄⵕⴰⴱⵜ.
ⴹⴰⵕⵜ ⵎⴰⴷ ⵢⵓⵎⵥ ⴰⵙⵍⴽⵉⵏ ⵏ ⵓⵙⴰⵏⵓⵏ, ⵉⵎⵎⴰⵜⵜⵉ ⵡⴰⵍⵉⴷ ⴳ ⵜⵉⵔⵎⵉⵜ ⵏⵏⵙ ⵜⴰⵎⵣⵡⴰⵔⵓⵜ ⴳ ⵓⵙⴳⴳⵯⴰⵙ ⵏ 2014 ⴰⴷ ⵉⵙⵙⴰⵏⵓⵏ ⵜⴰⵔⴰⴱⴱⵓⵜ ⵏ ⵍⴼⴰⵜⵃ ⵕⵕⵉⴱⴰⵟⵉ, ⴰⵙⴳⵔⴰⵡ ⴰⴷ ⵏⵏⴰ ⴱⴰⵀⵔⴰ ⵉⵜⵜⵢⴰⵙⵙⴰⵏⵏ ⵎⴰⵙ ⴰⵔ ⵢⴰⴽⴽⴰ ⵜⵉⵣⵉ ⵉⴳⴳⵓⵜⵏ ⵉ ⵉⵎⵙⵙⴰⵏⵓⵏⵏ ⵏⵏⵙ ⴰⴷ ⵙⵡⵓⵔⵉⵏ ⴰⵛⴽⵓ ⵓⵔ ⴱⴰⵀⵔⴰ ⵖⵉⴼⵙ ⵉⵍⵍⵉ ⵡⵓⴷⵓⵣ ⵏ ⵓⴳⴷⵓⴷ ⵎⴳⴰⵍ ⵏ ⵜⵓⴳⵜ ⵏ ⵉⵙⴳⵔⴰⵡⵏ ⵉⵎⵖⵔⴰⴱⵉⵢⵏ ⵏⵏⴰ ⵉⵜⵜⴰⵣⵣⴰⵍⵏ ⵙ ⵓⵙⵏⴼⵍ ⵏ ⵉⴳⵓⵍⵣⴼ ⵉⵜⵉⵇⵏⵉⵢⵏ ⴳ ⵜⴰⵙⵙⴰⵙⵉⵏ ⵏⵏⵙⵏ.
ⵉⵙⵔⵙ ⵡⴰⵍⵉⴷ ⵉⵊⵊ ⵏ ⵓⵙⵖⵏⵓ ⵏ ⵜⵡⵊⵊⴰ ⴰⴽⴷ ⵉⵎⴰⵙⴰⵢⵏ ⵢⵓⵎⴰ ⴰⵣⴷⴷⵓⵢ ⴷ ⵜⴳⵔⵓⵎⵎⵉⵏ ⵜⵉⵡⵜⴰⵢⵉⵏ ⵏ ⵓⵙⴳⵔⴰⵡ ⵙ ⵜⴷⵔⴰⵡⵜ ⴷ ⵜⴽⴰⴷⵉⵎⵉⵜ ⵏ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵉ ⵜⵡⵊⵊⴰ ⵏ ⵓⴹⴰⵕ, ⵙⴳ ⴰⵙⴳⴳⵯⴰⵙ ⵏⵏⵙ ⴰⵎⵣⵡⴰⵔⵓ ⴷ ⵜⵔⴰⴱⴱⵓⵜ ⵜⴰⵕⴱⴰⵟⵉⵜ ⵉⵣⵎⵔ ⵓⵎⵙⵙⴰⵏⵓⵏ ⴰⴷ ⴰⵄⵔⵔⵉⵎ ⴰⴷ ⴷⵉⵙⵏ ⵢⴰⵡⵉ ⵜⴰⴽⵓⵙⵜ ⵏ ⵍⵎⵖⵔⵉⴱ ⵉⵜⵜⵡⴰⵙⵙⴰⵏⵏ ⵙ ⵜⴽⵓⵙⵜ ⵏ ⵓⴷⴰⴱⵓ ⴰⵙⴳⴳⵯⴰⵙ ⵏ 2014. ⴷ ⵉⵣⵎⵔ ⴰⴷ ⵉⵍⴽⵎ ⴰⵣⴳⵏ ⵏ ⵜⴳⵉⵔⴰ ⵏ ⵜⴽⵓⵙⵜ ⵏ ⵜⴰⵎⵓⵏⵜ ⵜⴰⴼⵔⵉⵇⵉⵜ ⴷⴰⵜ ⴰⴷ ⵜ ⵜⵙⵙⴰⴽⵉ ⵜⵔⴰⴱⴱⵓⵜ ⵏ ⵣⵣⴰⵎⴰⵍⵉⴽ ⴰⵎⵉⵚⵕⵉ ⵙ ⵓⵏⴳⴰⵔⴰ ⵏ ⵜⵎⵙⵙⵡⵉⵜⵉⵏ ⴽⵛⵎⵏⵉⵏ ⴳ ⵓⴳⵯⵏⵙ ⵏ ⵓⴱⴰⵔⴰⵣ ( ⴷ ⵉⵖ ⵏⵙⵙⵏ ⵎⴰⵙ ⵓⵔ ⵉⵏⵔⵉ ⵢⴰⵏ ⵡⴰⵢⵢⴰⴹ ⴳ ⵉⵎⵏⴰⵍⴰⵜⵏ ⵙ ⵙⵉⵏ)
ⴳ ⵓⵙⴳⴳⵯⴰⵙ 2015 ⵉⵍⴽⵎ ⵡⴰⵍⵉⴷ ⴷ ⵜⵔⴰⴱⴱⵓⵜ ⵏⵏⵙ ⵜⵉⴽⴽⵍⵉⵜ ⵢⴰⴹⵏ ⴰⴳⵉⵔⴰⵏ ⵏ ⵓⴽⵔⵡⴰⵙ ⵎⴰⵛⴰ ⵓⵔ ⵉⵏⵔⴰ ⴳ ⵜⵉⵢⵜⴰ ⵏ ⵡⴰⵏⵏⴰⵣ ⴹⴰⵕⵜ ⵎⴰⴷ ⵉⵙⵎⴷ ⵓⵎⵏⴰⵍⴰ ⵙ ⵓⵏⴳⵉⴷⴷⵉ ⵓⵣⴷⵉⵔ. ⴳ ⵓⵙⴳⴳⵯⴰⵙ ⴰⵏⵏ ⵏⵉⵜ ⵉⵙⵙⵍⴽⵎ ⵍⴼⴰⵜⵃ ⵙ ⵜⵢⴰⴼⵓⵜ ⵜⴰⵎⵣⵔⴰⵢⵜ ⵍⵍⵉⵖ ⵜⵉⵡⵉ ⴰⴽⵔⵡⴰⵙ ⵏ ⵜⴱⵔⵣⴰ ⵜⴰⵎⵖⵔⵉⴱⵉⵜ ⵉ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵓⵎⵣⵔⵓⵢ ⵏⵏⵙ.
ⴳ ⵓⵙⴳⴳⵯⴰⵙ ⴰⴷ ⵢⴰⴽⵙⵓⵍⵏ, ⵉⵜⵜⵓⵙⴱⵔⵔⴰⴽ ⵓⵎⵙⵙⴰⵏⵓⵏ ⴳ ⵜⴳⴰⴷⵉⵔⵜ ⵜⴰⴳⵍⴷⴰⵏⵜ ⵍⵍⵉⵖ ⵢⵓⵎⵥ ⵜⴰⵎⴰⴷⴰⵢⵜ ⴷⴷⵓ ⵉⴼⴰⵙⵙⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ.
ⵡⴰⵍⵉⴷ ⵔⵔⴳⵔⴰⴳⵉ ⵖⵉⵍⴰⴷ ⴷ ⴰⵎⵙⵙⴰⵏⵓⵏ ⵏ ⵉⵎⵙⵜⵉ ⵏ ⵜⵎⴰⵣⵉⵔⵜ ⵏⵏⵙ ⵍⵎⵖⵔⵉⴱ, ⵉⵣⵎⵔ ⴰⴷ ⵜ ⵉⵙⵙⵍⴽⵎ ⵙ ⵓⵎⴽⴽⵓⵥ ⵏ ⵡⵓⵔⵖ ⴳ ⵓⴽⵔⵡⴰⵙ ⵏ ⵓⵎⴰⴹⴰⵍ ⵏⵏⴰ ⵜⵙⵏⵎⴰⵍⴰ ⵇⴰⵟⴰⵕ ⴰⵙⴳⴳⵯⴰⵙ ⵏ 2022, ⵙ ⵓⵢⴰ ⵉⵥⴹⴰⵕ ⴰⴷ ⵉⵎⵙⵜⵉ ⴰⴼⵔⵉⵇⵉ ⴰⵎⵣⵡⴰⵔⵓ ⵏⵏⴰ ⵉⵍⴽⵎⵏ ⴰⴷⵖⴰⵔ ⴰⴷ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ