« ⵜⴰⵎⴰⵣⵉⵖⵜ ⴳ ⵜⵏⵖⵎⴰⵙⵜ » ⴷ ⵉⵎⵔⵙⵉ ⵏ ⵜⵉⵏⴰⵡⵜ ⴳ ⵎⴰⵕⵕⴰⴽⵛ
ⵙ ⵜⵎⵍⴷⴰ ⵏ ⵓⵙⴼⵓⴳⵍⵓ ⵙ ⵓⵙⴳⴳⵯⴰⵙ ⴰⵎⴰⵢⵏⵓ ⴰⵎⴰⵣⵉⵖ 2974, ⵜⵙⵏⵎⴰⵍⴰ ⵜⵎⵀⵍⴰ ⵜⴰⵏⵎⵏⴰⴹⵜ ⵏ ⵜⵎⴰⵡⴰⵙⵜ ⵏ ⵜⵄⵓⵔⵔⵎⴰ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ ⵉⴳⵔ ⵏ ⵓⵎⵢⴰⵡⴰⴹ ⴳ ⵜⵎⵏⴰⴹⵜ ⵏ ⵎⵕⵕⴰⴽⵛ ⴰⵙⴼⵉ, ⴷ ⵜⵎⵚⵕⵉⵜ ⵏ ⵓⵙⵖⵏⵣⵉ ⴷ ⵜⵎⴳⵓⵔⵉ ⴷ ⵜⵏⵓⴼⴰ ⵏ ⵜⵎⵏⴰⴹⵜ ⵏ ⵎⵕⵕⴰⴽⵛ ⴰⵙⴼⵉ ⵢⴰⵜ ⵜⵉⵏⴰⵡⵜ ⵅⴼ » ⵜⵎⴰⵣⵉⵖⵜ ⴳ ⵜⵏⵖⵎⴰⵙⵜ ».
ⵜⵏⵏⵓⵕⵥⵎ ⵜⵉⵏⴰⵡⵜ ⵙ ⵜⵣⵍⵉⵜ ⵜⴰⵏⴰⵎⵓⵔⵜ, ⴷ ⵜⴳⵓⵔⵉ ⵏ ⵎⴰⵙⵙⴰ ⵜⴰⵏⵎⵀⴰⵍⵜ ⵜⴰⵙⴳⵉⵡⴰⵏⵜ ⵏ ⵓⵎⵢⴰⵡⴰⴹ ⵏⵏⴰ ⴳ ⵜⵙⴰⵡⵍ ⵅⴼ ⵓⵎⵣⵔⵓⵢ ⵏ ⵜⵏⵖⵎⴰⵙⵜ ⵜⴰⵎⴰⵣⵉⵖⵜ ⴷ ⵓⵙⵏⵚⴱ ⵏⵏⵙ ⴷ ⵎⴰⴷ ⵜⵓⵡⴹ ⴰⵙⵙ ⴰ ⴳ ⵓⵙⵓⴳⴳⵣ ⵏ ⵓⵙⵏⵚⴱ ⵏⵏⵙ, ⴷ ⵜⴳⵓⵔⵉ ⵏ ⵓⵏⵙⵙⵉⵅⴼ ⵜⵎⵚⵕⵉⵜ ⵏ ⵓⵙⵏⵖⵏⵣⵉ ⵏⵏⴰ ⵉⵙⴰⵡⵍⵏ ⵅⴼ ⵡⴰⵏⴰⴹ ⴰⴳⵍⴷⴰⵏ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⴰⴷ ⵡⵉⵙⵙ ⵚⴹⵉⵚ ⴰⴷ ⵜ ⵉⵙⵙⵔⵏⵓ ⵕⴱⴱⵉ ⴷ ⵢⵓⵡⵉⵏ ⵅⴼ ⴰⴷ ⵉⴳ ⵉⵖⴼ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵙⵙ ⵏ ⵓⵙⵓⵏⴼⵓ ⵉⵜⵜⵓⴼⵔⵓⵏ, ⵉⵎⴽⵏⵏⴰ ⵉⵙⴰⵡⵍ ⵅⴼ ⵜⵣⵎⵎⴰⵔ ⵜⴳⴳⴰ ⵜⵎⵚⵕⵉⵜ ⵏ ⵓⵙⵖⵏⵣⵉ ⵃⵎⴰ ⴰⴷ ⵜⵙⵉⴷⴼ ⵜⴰⵎⴰⵣⵉⵖⵜ ⴳ ⵜⵡⵓⵔⵉ ⵏⵏⵙ.
ⵉⴼⴽ ⵓⵏⵙⵙⵉⵅⴼ ⵏ ⵜⵉⵏⴰⵡⵜ ⵎⴰⵙⵙ ⵄⴱⴷ ⵚⵚⴰⵎⴰⴷ ⵍⴽⴱⴱⴰⵙ ⴰⵡⴰⵍ ⵉ ⵓⵙⵍⵎⴰⴷ ⵎⴰⵙⵙ ⵔⴰⵛⵉⴷ ⴰⵄⵕⴹⵉ ⵏⵏⴰ ⵉⵙⴰⵡⵍⵏ ⵅⴼ ⵓⵙⵜⴰⵡⵀⵎⵎⴰ ⵏ ⵓⵙⵏⵖⵎⵙ ⴰⵎⵙⵍⵉⵥⵕⵉ ⴳ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⵎⴰⵣⵉⵖⵜ ⴳ ⵜⵓⴷⵔⵜ ⵜⴰⵎⴰⵜⵓⵜ, ⵜⴰⵡⵉⴷ ⵜⵙⵍⵎⴰⴷⵜ ⵎⴰⵙⵙⴰ ⴼⴰⵟⵉⵎ ⵣⵣⵀⵕⴰ ⵜⵜⵓⵣⴰⵏⵉ ⵜⴰⴽⵛⵛⵉⵎⵜ ⵏⵏⵙ ⵅⴼ ⵜⵓⵍⴰⴼⵜ ⵏ ⵜⵎⴰⵣⵉⵖⵜ ⴳ ⵓⵙⵏⵖⵎⵙ ⵉⵏⴳⵍⵣⵉⵢ ⵙⵍⴰⵡⵏⵏ ⴰⴽⴽ ⵡⵉⵏ ⵎⴰⵔⵉⴽⴰⵏ ⴷ ⴱⵕⵉⵟⴰⵏⵢⴰ, ⵎⴰⵎⵏⴽ ⵙ ⵙⴰⵡⵍⵏ ⵅⴼ ⵓⵙⵏⵚⴱ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴷ ⵓⵙⴼⵓⴳⵍⵓ ⵙⵉⵙ, ⴷ ⵎⴰⴷ ⵏⵏⴰⵏ ⵅⴼ ⵓⵔⴰⵔⴰ ⵏ ⵡⴰⵡⵍ ⵍⵍⵉ ⵉⵍⵍⴰⵏ ⵅⴼ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⵏ ⵜⵡⵊⵊⴰ ⵏ ⵓⴹⴰⵕ ⴹⴼⵉⵔ ⵜⵢⴰⴼⵓⵜ ⵏⵏⴰ ⵜⴳⴰ ⴳ ⵜⵎⴰⵣⵉⵔⵜ ⵏ ⵇⴰⵟⴰⵕ, ⵉⵙⵉⵡⵎ ⵎⴰⵙⵙ ⵢⵓⵙⴼ ⴰⵣⵓⵔⴽⵉ ⵅⴼ ⵎⴰⴷ ⵜⵓⵡⴹ ⵜⵎⴰⵣⵉⵖⵜ ⴳ ⵓⵙⵏⵖⵎⵙ ⴰⵍⵉⴽⵜⵔⵓⵏⵉⵢ ⵙ ⵙⵍⴰⵡⵏ ⴰⴽⴽ ⴹⴼⵉⵕ ⵏ ⵎⴰⴷ ⵉⵣⵔⵉ ⴽⵕⴰⴹ ⴷ ⵎⵔⴰⵡ ⵏ ⵉⵙⴳⴳⵯⴰⵙⵏ ⵅⴼ ⵓⴷⵓⵙⵜⵓⵔ ⵏ 2011, ⴷ ⵄⵍⴰⵢⵏ ⴰⴷ ⵜⵣⵔⵉ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⵅⴼ ⵡⵓⴼⵓⵖ ⵏ ⵓⵣⵔⴼ ⴰⵏⵎⵍⴰⵏ 26.16 ⵉⵣⴷⵉⵏ ⴷ ⵡⵓⴷⵓⴼ ⵏ ⵜⵎⴰⵣⵉⵖⵜ, ⵢⴰⵡⵉⴷ ⵎⴰⵙⵙ ⵎⵓⵃⵎⴰⴷ ⵍⵡⵣⴳⵉⵜⵉ ⴰⵡⴰⵍ ⵏⵏⵙ ⵅⴼ ⵎⴰⴷ ⵜⴷⴷⵔ ⵜⵎⴰⵣⵉⵖⵜ ⴷ ⵜⵉⵍⴰⵡⵜ ⵏⵏⵙ ⴷⴰⵜ ⴷ ⴹⴰⵕⵜ ⵓⴷⵓⵙⵜⵓⴷ ⵏ 2011.
ⴳ ⵜⵙⴳⴰ ⵏ ⵜⵉⵏⴰⵡⵜ ⴰⴷ ⵉⵏⵏⵓⵔⵣⵎ ⵓⵙⴼⵙⵔ ⵏ ⵜⵡⵍⴰⴼⵉⵏ ⴷⴷⴰⵡ ⵓⵣⵡⵍ ⵏ « ⵜⴰⵎⴰⵣⵉⵖⵜ ⴷ ⴰⴼⵔⴷⵉⵙ ⴰⴷⵙⵍⴰⵏ ⵉ ⵜⵎⴰⴳⵉⵜ ⵜⴰⵎⵖⵔⴰⴱⵉⵜ » ⵏⵏⴰⴳ ⵜⵜⵓⴼⵙⴰⵔⵏⵜ ⴽⵉⴳⴰⵏ ⵏ ⵜⵓⵍⴰⴼⵉⵏ ⵏ ⵉⵣⴷⵉⵏ ⴷ ⵜⵏⵖⵎⴰⵙⵜ ⵜⴰⵎⴰⵣⵉⵖⵜ.
ⵢⵓⵙⴼ ⴰⵣⵓⵔⴽⵉ