ⵉⵙⵎⵏⵉⴷ ⵎⴰⵙⵙ ⵍⵃⵎⵎⵓⵛⵉ ⴷ ⵓⵏⴳⴳⵯⵓ ⵏⵏⵙ ⵙⴳ ⴰⵍⵎⴰⵏⵢⴰ ⵉⵙⵡⵉⵔⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ
ⵉⵙⵏⵓⴱⴳ ⵎⴰⵙⵙ ⵄⴰⴱⴷ ⵍⵍⴰⵟⵉⴼ ⵍⵃⵎⵎⵓⵛⵉ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ ⴷ ⵜⵉⴹⴰⴼ ⵏ ⵡⴰⴽⴰⵍ ⴰⵏⴰⵎⵓⵔ, ⴰⵙⵉⵏⴰⵙ 27 ⴱⵕⴰⵢⵕ 2024 ⴳ ⵕⵕⴱⴰⵟ, ⵎⴰⵙⵙ ⵀⵓⵍⴳⵔ ⵎⵓⵏⵛ, ⴰⵏⵙⵙⵉⵅⴼ ⵏ ⵓⵙⵉⵔⴰ ⴰⴼⵉⴷⵉⵕⴰⵍⵉ ⵏ ⵉⴱⵓⵍⵉⵙⵏ ⵏ ⵓⴱⴽⴽⴰⴹ ⴳ ⴰⵍⵎⴰⵏⵢⴰ, ⵉⵍⵍⴰⵏ ⴳ ⵓⵔⵣⴰⴼ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⴷ ⵓⴽⴰⴱⴰⵕ ⵏ ⵜⵏⴼⵔⵓⵜ ⵉⵙⵜⴰⵡⵀⵎⵎⴰⵏ.
ⵉⵏⵏⴰ ⵓⵙⵉⵡⴹ ⵏ ⵜⵎⵀⵍⴰ ⵜⴰⵎⴰⵜⴰⵢⵜ ⵏ ⵜⵏⴼⵔⵓⵜ ⵜⴰⵏⴰⵎⵓⵔⵜ, ⵎⴰⵙ ⵉⵙⵎⵏⵉⴷ ⵓⵏⵎⵀⴰⵍ ⴰⵎⴰⵜⴰⵢ ⴰⴽⴷ ⴰⵏⴳⴳⵯⵓ ⵏⵏⵙ ⵉⵙⵡⵉⵔⵏ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵎⴰⵕⵕⴰ ⵜⵉⵎⵙⴰⵔⵉⵏ ⵛⵛⴰⵔⵏⵉⵏ ⵏ ⵜⵏⴼⵔⵓⵜ ⴷ ⵓⵙⴷⵓⵙ ⴷ ⵓⵙⵎⵖⵔ ⵏⵏⵙⵏⵜ ⵉ ⵚⴰⵃⴰ ⵏ ⵜⵏⵓⴼⴰ ⵏ ⵜⵎⵉⵣⴰⵔ ⴳ ⵢⵉⴳⵔ ⵏ ⵜⵏⴼⵔⵓⵜ.
ⵎⴹⴰⴽⴰⵕⵏ ⵙⵉⵏ ⵉⵎⴰⵙⴰⵢⵏ ⵓⵍⴰ ⴼ ⴽⵉⴳⴰⵏ ⵏ ⵉⵙⴷⴰⵡⵏ ⵥⵍⵉⵏⵉⵏ ⵙ ⵜⵏⴼⵔⵓⵜ ⵍⵍⵉ ⵉⴳⴰⵏ ⴰⵉⵎⵕⵚⵉ ⵏ ⵓⵎⵢⴰⵡⴰⵙ ⵉⵛⵛⴰⵔⵏ, ⵖⵎⴽ ⴰⵏⵏ ⴷ ⵜⵎⴰⵎⴽⵉⵏ ⵏ ⵓⵙⴷⵓⵙ ⵏ ⵜⵎⴷⵔⴰⵡⵜ ⴷ ⵜⵡⵉⵣⵉ ⵜⴰⵜⵉⵇⵏⵉⵜ ⵉⵜⵜⵓⵙⵏⴼⴰⵍⵏ ⴳ ⵢⵉⴳⵔ ⵏ ⵓⵙⵎⵓⵜⵜⴳ ⵏ ⵉⴱⵓⵍⵉⵙⵏ.
ⵉⵍⵍⴰ ⵓⵏⵎⵓⵇⵇⴰⵔ ⴰⴷ ⴳ ⵓⵙⴰⵜⵉ ⵏ ⵜⵉⵔⴰⵜ ⵉⵛⵛⴰⵔⵏ ⵏ ⵙⵏⴰⵜ ⵜⵎⵉⵣⴰⵔ ⵉ ⵓⵙⵏⴰⵍ ⴷ ⵓⵙⵎⵖⵔ ⵏ ⵓⵎⵢⴰⵡⴰⵙ ⴰⵙⵉⵏⵔⴰⵏ ⴳ ⵢⵉⴳⵔ ⵏ ⵜⵏⴼⵔⵓⵜ, ⴳ ⵎⴰⴷ ⵉⵍⵍⴰ ⵓⵙⵎⵓⵏ ⵏ ⵜⴰⵏⵏⴰⵢⵢⵉⵏ ⴷ ⵓⵣⴷⴰⵢ ⵏ ⵜⵓⴳⴳⴰⵙ ⵛⵛⴰⵔⵏⵉⵏ ⵉ ⵓⵙⴱⴷⴷⵉ ⵏ ⵎⴰⵕⵕⴰ ⵏ ⵉⴱⵔⵙⵙⵉⵡⴷⵏ ⴷ ⵜⵏⴰⵥⴰⵕⵉⵏ ⵣⴷⵉⵏⵉⵏ ⴷ ⵜⵏⴼⵔⵓⵜ.