ⴰⵙⵇⵇⵉⵎ ⵏ ⵜⵏⴱⴰⴹⵜ ⵉⵙⵖⵣⵏ ⵅⴼ ⵓⵙⵖⵏⵓ ⴰⵎⵕⵚⵓⵎ ⵉⵣⴷⵉⵏ ⴷ ⵓⵙⵍⴳⵏ ⵏ ⵜⴷⵉⵡⴰⵏⵜ ⴷ ⵉⵔⴳⴰⵢⵏ ⵡⴰⵔⵓⵙⵔⵉⴷⵏ
ⵉⵙⵖⵣⵏ ⵓⵙⵇⵇⵉⵎ ⵏ ⵜⵏⴱⴰⴹⵜ, ⴰⵙⵙ ⴰⴷ ⵏ ⵓⴽⵡⴰⵙ ⵅⴼ ⵓⵙⵖⵏⵓ ⴰⵎⵕⵚⵓⵎ ⵉⵣⴷⵉⵏ ⵙ ⵓⵙⵍⴳⵏ ⵏ ⵜⴷⵉⵡⴰⵏⵜ ⴷ ⵉⵔⴳⴰⵢⵏ ⵡⴰⵔⵓⵙⵔⵉⴷⵏ ⵜⵙⵙⵎⵏⵉⴷ ⵜ ⵜⵎⴰⵡⵙⴰⵙⵜ ⵏ ⵜⴷⴰⵎⵙⴰ ⴷ ⵜⵥⵕⴼⵜ, ⵏⴰⴷⵢⴰ ⴼⵜⵜⴰⵃ.
ⵉⵣⴷⵉ ⵓⵢⴰ ⵙ ⵓⵙⵖⵏⵓ ⴰⵎⵕⵚⵓⵎ ⵓⵟⵟⵓⵏ 2.23.1204 ⵙ ⵓⵙⵎⴰⴷ ⵏ ⵓⵎⵕⵚⵓⵎ ⵓⵟⵟⵓⵏ 2.77.862 ⴳ ⵓⵙⴰⴽⵓⴷ 25 ⵛⵡⵡⴰⵍ 1397 ( 9 ⴽⵟⵓⴱⵕ 1977) ⵙ ⵜⵙⵏⵙⵉ ⵏ ⵓⵙⵍⴳⵏ ⵏ ⵜⴷⵉⵡⴰⵏⵜ ⴷ ⵉⵔⴳⴰⵢⵏ ⵡⴰⵔⵉⵙⵔⵉⴷⵏ ⴷ ⵉⵜⵜⵓⵙⵖⵣⵏ ⵙ ⵓⴹⴰⵀⵉⵕ ⴰⵎⴰⵖⵓⴷ ⵉⴳⴰⵏ ⵣⵓⵏ ⴷ ⴰⵙⵍⴳⵏ ⵓⵟⵟⵓⵏ 1.77.339 ⴷ ⵉⴼⴼⵖⵏ ⴳ 25 ⵛⵡⵡⴰⵍ 1397 (9 ⴽⵟⵓⴱⵕ 1977).
ⵉⵙⵙⵉⵙⴼⵉⵡ ⵓⵎⴰⵡⵙⴰⵙ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵍⴱⴰⵕⵍⴰⵎⴰⵏ, ⴰⵎⵙⵉⵡⵍ ⴰⵎⴰⴷⴷⵓⴷ ⵙ ⵢⵉⵙⵎ ⵏ ⵜⵏⴱⴰⴹⵜ, ⵎⵚⵟⴰⴼⴰ ⴱⴰⵢⵜⵜⴰⵙ, ⴳ ⵢⴰⵏ ⵓⵏⵎⵓⵇⵇⴰⵔ ⴰⵏⵖⵎⴰⵙ ⴹⴰⵕⵜ ⵏ ⵜⵙⵎⵓⵏⵉ ⵏ ⵓⵙⵇⵇⵉⵎ ⵎⴰⵙ ⴷ ⴰⵙⵖⵏⵓ ⴰⴷ ⵉⵡⴰⵜⵜⵙ ⴰⵙⵡⵓⵜⵜⵓ ⵏ ⵜⵍⴳⴰⵎⵜ ⵏ ⵉⵙⵔⴰⴳⵏ ⵉⵙⴱⴱⴰⴱⵏ ⵏⵏⴰ ⵉⵜⵜⴰⵊⵊⴰⵏ ⵉⵎⵇⴰⵡⵍⵏ ⵏⵏⴰ ⵉⵙⵡⵓⵔⵉⵏ ⴷⴷⴰⵡ ⵓⵏⴳⵔⴰⵡ ⵏ ⵓⵙⵔⵔⵓⵙ ⵏ ⵓⵙⵙⴱⵖⵔ ⵙⴳ ⵙⵏⴰⵜ ⵜⴱⵔⵉⴷⵉⵏ ⵜⵜⵢⴰⴱⴷⴰⵔⵎⵏⵉⵏ ⴳ ⵓⴼⵍⵍⴰ ⵏⵏⵙ ⵉ ⵓⴼⵓⴽⴽⵓ ⵏ ⵉⵎⵉⴹⴰⵏⵏ ⵉⵜⵜⵓⴱⵣⵣⵔⵏ ⴷⴷⴰⵡ ⵏ ⵓⵏⴳⵔⴰⵡ ⴰⴷ.
ⵉⵙⵎⴷ ⵎⴰⵙ ⴷ ⵙ ⵡⴰⵏⴰⴹ ⵏ ⵜⵎⵜⵜⴰ 3 ⵙⴳ ⵓⵙⵍⴳⵏ ⵏ ⵜⵥⵕⴼⵜ ⵓⵟⵟⵓⵏ 55.23 ⵏ ⵓⵙⴳⴳⵯⴰⵙ ⴰⵥⵕⴼⴰⵏ 2024, ⴰⵙⵎⴰⴷ ⵏ ⵓⵎⴰⴳⵔⴰⴷ 130 ⵙⴳ ⵓⵙⵍⴳⵏ ⵏ ⵜⴷⵉⵡⴰⵏⵜ ⴷ ⵉⵔⴳⴰⵢⵏ ⵡⴰⵔⵓⵙⵔⵉⴷⵏ ⵙ ⵢⴰⵜ ⵜⵙⴷⴷⴰⵔⵜ ⵜⵉⵙ ⴽⴽⵓⵥⵜ ⵏⵏⴰ ⴷ ⵢⵉⵡⵉⵏ ⴰⵣⵣⵔⵓⵢ ⵉ ⵜⵏⴰⴼⵓⵜ ⵏ ⵜⵎⵙⵙⵓⴳⵓⵔⵜ ⵏⵉⵖ ⴰⵙⵏⵀⵉⴱⴱⵉⵔ ⵣⵓⵏ ⴷ ⵜⵉⴱⵔⵉⴷⵉⵏ ⵏ ⵓⴼⵓⴽⴽⵓ ⵏ ⵡⴰⴷⴷⴰⴷ ⵏ ⵜⵏⵣⵣⵓⵜⵉⵏ ⵉⵜⵜⵓⵙⵔⴰⵙⵏ ⴷⴷⴰⵡ ⵏ ⵓⵏⴳⵔⴰⵡ ⵏ ⵓⵙⵔⵔⵓⵙ, ⵣⵓⵏ ⴷ ⵎⴽⵍⵍⵉ ⵙ ⵉⵍⵍⴰ ⵓⵙⵡⵓⵔⵉ ⴳ ⵉⵏⴳⵔⴰⵡⵏ ⵏ ⵜⵉⵔⵉⵜ ⵜⴰⵎⴽⵓⴷⵜ ⴷ ⵜⵉⵔⵉⵜ ⵜⴰⵎⴽⵓⴷⵜ ⵏ ⵓⵙⵖⵓⴷⵓ ⵏ ⵜⵓⵚⴽⴰ ⵜⵉⵎⵉⵕⵉⵡⵜ.
ⵉⵙⵙⵎⵜⵔ ⵎⴰⵙ ⵓⵔ ⵉⵣⵔⵉ ⵓⴼⵓⴽⴽⵓ ⵏ ⵡⴰⴷⴷⴷ ⵏ ⵜⵏⵣⵣⵓⵜⵉⵏ ⵉⵜⵜⵓⵙⵔⴰⵙⵏ ⴷⴷⴰⵡ ⵓⵏⴳⵔⴰⵡ ⵏ ⵓⵙⵔⵔⵓⵙ ⵙ ⵓⵎⵙⴰⵙⴰ ⵏ ⵙⵏⴰⵜ ⵜⴱⵔⵉⴷⵉⵏ ⵉⵜⵜⵢⴰⵡⴱⴷⴰⵔⵏ, ⵖⴰⵙ ⵉⵖ ⵓⵔ ⵉⵙⵙⴽⴼⵉ ⵉ ⵓⵎⵇⴰⵡⵍ, ⵙ ⵉⵙⵔⴰⴳⵏ ⵏ ⵉⵏⵙⵖⵏⵣⵉⵜⵏ ⵉⵎⵛⵓⵛⵛⴰⴹ, ⴰⵙⵉⴼⴹ ⵏ ⵜⵏⵣⵣⵓⵜⵉⵏ ⵉⵜⵜⵓⵙⵔⴰⵙⵏ ⴷⴷⴰⵡ ⵓⵏⴳⵔⴰⵡ ⵉⵜⵜⵢⴰⵡⴱⴷⴰⵔⵏ ⵏⵉⵖ ⴰⵏⵏⵣⵔⴰⵢ ⵏⵏⵙ ⵏⵉⵖ ⴰⴼⵙⴰⵔ ⵏⵏⵙ ⵅⴼ ⵜⵙⵎⵓⵔⵜ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ