ⴰⵏⵙⵎⴰⵙⵙⵓ ⵏ ⵓⵔⵣⵣⵓ ⴰⵎⴰⴹⵍⴰⵏ ⴳⵓⴳⵍ ⴷⴰ ⵉⵙⴼⵓⴳⵍⵓ ⵙ ⵜⵎⴰⵔⴰⵜ ⴷ ⵜⵎⵖⵏⴰⵙⵜ ⵜⴰⵎⴰⵣⵉⵖⵜ ⵟⵟⴰⵡⵚ ⵄⵎⵕⵓⵛ
![ⴰⵏⵙⵎⴰⵙⵙⵓ ⵏ ⵓⵔⵣⵣⵓ ⴰⵎⴰⴹⵍⴰⵏ ⴳⵓⴳⵍ ⴷⴰ ⵉⵙⴼⵓⴳⵍⵓ ⵙ ⵜⵎⴰⵔⴰⵜ ⴷ ⵜⵎⵖⵏⴰⵙⵜ ⵜⴰⵎⴰⵣⵉⵖⵜ ⵟⵟⴰⵡⵚ ⵄⵎⵕⵓⵛ 13-339](https://i.servimg.com/u/f57/20/22/84/12/13-339.png)
ⵉⵙⴼⵓⴳⵍⴰ ⵓⵏⵙⵎⴰⵙⵙⵓ ⵏ ⵓⵔⵣⵣⵓ ⴰⵎⴰⴹⵍⴰⵏ « Google » ⵉⴹⴳⴰⵎ ⵏ ⵡⴰⵢⵏⴰⵙ ⵙ ⵓⴷⵔⵉⵣ ⵏ ⵜⵎⴰⵔⴰⵜ ⵜⴰⵎⴰⵣⵉⵖⵜ ⵜⴰⴷⵣⴰⵢⵔⵉⵜ, ⵟⵟⴰⵡⵚ ⵄⵎⵕⵓⵛ ⵏⵏⴰ ⵉⴳⴰⵏ ⵢⴰⵜ ⵙⴳ ⵉⵙⵎⴰⵡⵏ ⵉⵅⴰⵜⴰⵔⵏ ⴳ ⵜⴷⵍⵙⴰ ⴷ ⵜⵙⴽⵍⴰ ⵜⴰⵎⴰⵣⵉⵖⵜ.
ⵉⵣⵓⵣⵣⵔ ⵓⴱⵙⵎⴰⵙⵙⵓ ⵏ ⵓⵔⵣⵣⵓ « ⴳⵓⴳⵍ » ⵜⴰⵡⵍⴰⴼⵜ ⵏ ⵜⵎⴰⵔⴰⵜ ⵜⴰⵎⴰⵣⵉⵖⵜ ⵟⵟⴰⵡⵚ ⵄⵎⵕⵓⵛ ⵙ ⵜⵎⵍⵙⵉⵜ ⵜⴰⵎⴰⵣⵉⵖⵜ ⵜⴰⵇⴱⴰⵢⵍⵉⵜ ⵜⴰⵇⴱⵓⵔⵜ ⴷ ⵜⵣⵓⵣⴰⴼ ⵜⵉⵎⴰⵣⵉⵖⵉⵏ ⵙ ⵓⵎⵙⴰⵙⴰ ⴷ ⵓⴽⵜⵜⵓⵢ ⵏ ⵜⵍⴰⵍⵉⵜ ⵏⵏⵙ ⴷⴰⵜ ⵏ 111 ⵏ ⵓⵙⴳⴳⵯⴰⵙ.
ⵉⵡⵉⵏⵜ ⴷ ⵜⵙⵏⵓⵔⴰⵢⵉⵏ ⵜⵉⵎⴰⴹⵍⴰⵏⵉⵏ ⴰⴽⴽⵯ ⵏ ⵜⵏⵖⵎⴰⵙⵜ ⴷ ⵉⵙⵓⴳⴰⵎ ⵉⵏⵖⵎⴰⵙⵏ, ⵜⴰⵡⵍⴰⴼⵜ ⵏ ⵓⵙⴼⵓⴳⵍⵓ ⵙ ⵄⵎⵕⵓⵛ ⵏⵏⴰ ⵉⵣⵎⵎⴻⵎⵏ ⵉⵅⴼ ⵏⵏⵙ ⵙ ⵉⵙⴽⴽⵉⵍⵏ ⵏ ⵡⵓⵔⵖ ⴳ ⵓⴱⴰⵔⴰⵣ ⴰⵙⴽⵍⴰⵏ ⵉⴳ ⴰⵙⵉⵜⴳ ⵉ ⵜⵎⵖⴰⵔⵜ ⴰⴷ ⵏⵏⴰ ⵉⴳⴰⵏ ⵙⴳ ⵜⵎⵖⴰⵔⵉⵏ ⵜⵉⵎⴰⵣⵉⵖⵉⵏ ⵜⵉⵎⵣⵡⵓⵔⴰ ⵏⵏⴰ ⵉⴼⵙⵔⵏ ⵓⵏⴳⴰⵍ ⴰⵙⴽⵍⴰⵏ.
ⵜⵖⴰⵎⴰ ⵏⵉⵜ ⵙⵓⵍ ⵄⵎⵕⵓⵛ ⴹⴰⵕⵜ ⵏ 111 ⵏ ⵓⵙⴳⴳⵯⴰⵙ ⵅⴼ ⵜⵍⴰⵍⵉⵜ ⵏⵏⵙ ⴳ 04 ⵎⴰⵕⵚ 1913, ⵖⵓⵔⵙ ⴰⵜⵉⴳ ⵎⵇⵇⵓⵔⵏ ⴳ ⵜⴷⵍⵙⴰ ⵜⴰⵎⴰⵣⵉⵖⵜ.
ⵜⵍⵓⵍ ⵟⵟⴰⵡⵚ ⵄⵎⵕⵓⵛ ⴳ ⵜⵓⵏⵙ, ⴱⴰⴱⴰⵙ ⴷ ⵉⵏⵏⴰⵙ ⴷ ⵉⵎⴰⵙⵉⵃⵉⵢⵏ ⵉⵇⴱⴰⵢⵍⵉⵢⵏ ⵙⴳ ⵓⵙⵓⵏ ⵏ ⵉⵖⵉⵍ ⵄⵍⵉ ⴳ ⵜⵖⵔⵎⵜ ⵏ ⴱⵊⴰⵢⴰ, ⵉⵙⵎ ⵏⵏⵙ ⵏ ⵜⵉⴷⵜ ⵎⴰⵕⵉ ⵍⵡⵉⵣ ⵟⵟⴰⵡⵚ ⵄⵎⵕⵓⵛ, ⵜⵏⴽⵔ ⴷ ⴰⴽⴷ ⵉⵎⴰⵔⴰⵡⵏ ⵏⵏⵙ ⴳ ⴷⴷⵣⴰⵢⵔ, ⴷⴰⵔ ⵉⵎⵣⵡⵓⵔⴰ ⵏⵏⵙ, ⴹⴰⵕⵜ ⵏⵏⵙ ⵜⵎⵎⵓⴷⴷⴰ ⵙ ⴼⵕⴰⵏⵙⴰ.
ⵜⴽⴽⴰ ⵜⵜ ⵉⵏⵏ ⵄⵎⵕⵓⵛ ⵟⵟⴰⵡⵚ ⴷⴰ ⵜⵙⵙⴳⵎⴰⴹ ⵉⴷⵍⵉⵙⵏ ⵏⵏⵙ ⵙ ⵢⵉⵙⵎ ⵏ ⵎⴰⵕⴳⴰⵕⵉⵜ ⵟⵟⴰⵡⵚ, ⵉⵙⵎ ⵏ ⵉⵏⵏⴰⵙ, ⵏⵏⴰ ⴱⴷⴷⴰ ⵜⵜⴰⵍⵖ ⵙ ⵜⵡⵉⵙⵉ ⵏⵏⵙ ⴳ ⵓⵙⴱⵓⵖⵍⵓ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⵙⴳ ⵜⵓⵍⵍⵉⵙⵉⵏ ⴷ ⵜⵏⴼⵓⵙⵉⵏ ⴷ ⵜⵓⵔⴰⵔⵉⵏ. ⵜⵣⵣⵉⴳⵣ ⵄⵎⵕⵓⵛ ⴳ ⵓⵙⴰⵊⴰ ⵏ ⵉⵏⵏⴰⵙ ⵜⴰⵎⵥⴰⵡⴰⵏⵜ ⵙⴳ ⵡⴰⵍⴰⵙ ⵏ ⵜⵓⵔⴰⵔⵉⵏ ⵜⵉⵎⴰⵣⵉⵖⵉⵏ, ⵜⵣⵎⵎⴻⵎ ⵜⵉⵎⵔⴰⵡⵉⵏ ⵏ ⵜⵓⴳⴷⵉⵎⵉⵏ ⵏ ⵜⵓⵔⴰⵔⵉⵏ ⵜⵉⵇⴱⵓⵔⵉⵏ ⵜⵉⵎⴰⵣⵉⵖⵉⵏ ⵖⵓⵔ ⵜⴰⴷⵔⵓⵜ ⴷ ⵜⴷⵓⵙⵉ.
ⵜⴳⴰ ⵄⵎⵕⵓⵛ ⵜⴰⵎⴰⵔⴰⵜ ⵜⴰⴷⴷⵣⴰⵢⵔⵉⵜ ⵜⴰⵎⵣⵡⴰⵔⵓⵜ ⵏⵏⴰ ⵉⴼⵙⵔⵏ ⵓⵏⴳⴰⵍ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ ⴳ ⵓⵙⴳⴳⵯⴰⵙ ⵏ 1947 ⴷⴷⴰⵡ ⵓⵣⵡⵍ » ⵜⴰⵊⴷⴷⵉⴳⵜ ⵜⴰⴱⵔⴽⴰⵏⵜ » ⵜⵙⴰⵡⵍ ⵅⴼ ⵓⴷⵍⵉⵙ ⴰⴷ ⵜⵓⴷⵔⵜ ⵏ ⴱⴰⴱⴰⵙ ⴳ ⵓⵣⵎⵣ ⵏ ⵡⴰⴽⴽⵯⴰⴹ ⵏⵏⵙ ⴳ ⵜⵉⵏⵎⵍ ⵜⴰⴳⵯⵏⵙⴰⵏⵜ ⵏ ⵜⵔⴱⴰⵜⵉⵏ.
![ⴰⵏⵙⵎⴰⵙⵙⵓ ⵏ ⵓⵔⵣⵣⵓ ⴰⵎⴰⴹⵍⴰⵏ ⴳⵓⴳⵍ ⴷⴰ ⵉⵙⴼⵓⴳⵍⵓ ⵙ ⵜⵎⴰⵔⴰⵜ ⴷ ⵜⵎⵖⵏⴰⵙⵜ ⵜⴰⵎⴰⵣⵉⵖⵜ ⵟⵟⴰⵡⵚ ⵄⵎⵕⵓⵛ 13-340](https://i.servimg.com/u/f57/20/22/84/12/13-340.png)
ⵜⴹⴼⵕ ⵄⵎⵕⵓⵛ ⵜⵉⵔⵔⴰ ⵏ ⵡⵓⵏⴳⴰⵍⵏ ⵖⵓⵔ ⵜⵉⵏⴷⵉ ⴱⴰⵀⵔⴰ ⵉⵅⴰⵜⵔⵏ ⵣⵓⵏ ⴷ » ⴰⵎⵓⴷ ⴰⵃⵛⴽⵓⵍⴰⵏ » ⵉⴳ ⵜⴰⴳⵔⵓⵎⵎⴰ ⵏ ⵜⵓⵍⵍⵉⵙⵉⵏ ⴷ ⵜⵎⴷⵢⴰⵣⵉⵏ, ⴷ ⵡⵓⵏⴳⴰⵍ » ⵜⴰⵙⵓⴽⵜ ⵏ ⵡⴰⵍⵍⵓⵏⵏ », ⵓⵏⴳⴰⵍ » ⵉⵎⵉⵔⵉ ⴰⵡⵍⴰⴼⴰⵏ » ⵓⵏⴳⴰⵍ ⵏ » ⴰⵡⵍⵉⵡⵍ ⴰ ⵉⵎⵎⵉ » ⴳⵉⵏⵜ ⵜⵉⵔⵔⴰ ⵏⵏⵙ ⵉⵏⵉⴳⵉ ⵏ ⵜⵎⵣⵔⵉⵜ ⵜⴰⵏⴰⵥⵓⵕⵜ ⵎⵇⵇⵓⵔⵏ ⴷ ⵜⵙⴷⴷⵉⴷ ⴰⵙⵓⵖⵏ ⵏⵏⵙ ⵏ ⵓⴼⵔⴰⴳ ⵅⴼ ⵜⵎⵢⵓⵔⵉⵏ ⵜⵉⵎⴰⵣⵉⵖⵉⵏ.
ⵎⴽⵍⵍⵉ ⵜⵙⵡⵓⵔⵉ ⵟⵟⴰⵡⵚ ⵄⵎⵕⵓⵛ ⵅⴼ ⵓⵙⴱⵓⵖⵍⵓ ⵏ ⵜⴷⵍⵙⴰ ⵙⴳ ⵉⵔⵣⵣⵓⵜⵏ ⵏⵏⵙ ⵉⵜⵏⵓⴳⵕⴰⴼⵉⵢⵏ, ⵙ ⵎⴽⴰⴷ ⵜⵉⵡⵙ ⴳ ⵓⵔⵎⴰⵙ ⴷ ⵓⵙⴷⵓⵙ ⵏ ⵜⴷⵍⵙⵉⵡⵉⵏ ⵜⵉⵎⴰⵣⵉⵖⵉⵏ. ⵜⵥⵍⵉ ⵜⴰⵢⵙⵉ ⵏⵏⵙ ⵙ ⵓⵙⵖⵓⵏ ⵏⵏⴰ ⵎⵉ ⵓⵔ ⵜⵜⵎⴷⵓⴷⵉⵏ ⵉⵥⵓⵕⴰⵏ ⴷ ⵜⵉⵔⵉⵜ ⵉⵚⵚⴰⴱⵏ ⴳ ⵓⵙⵎⵎⵓⵜⵜⵉ ⵏⵏⵙ ⵉ ⵜⴰⵙⵓⵜⵉⵏ ⴷ ⵉⴷⴷⴰⵏ.
ⵉⴽⴽⴰ ⵜⵜ ⵉⵏⵏ ⵓⵏⴳⴰⵍ ⵏⵏⵙ ⴰⵎⵣⵡⴰⵔⵓ ⴷ ⵜⴰⵔⵉⴷⵉⵔⵜ ⵜⴰⵏⵉⵎⴰⵏⵜ ⵉⵍⴰⵏ ⴰⵣⵡⵍ » ⴰⵙⵉⵏⵚⵉⴳ ⴰⴱⵔⴽⴰⵏ » ⵙ ⵜⴼⵕⴰⵏⵙⵉⵙⵜ (Jacinthe noir) ⵉⵜⵜⵢⴰⵡⴼⵙⴰⵔ ⴳ 1947, ⴷ ⴰⵎⵣⵡⴰⵔⵓ ⴳ ⵡⴰⵏⴰⵡ ⵏⵏⵙ ⵏⵏⴰ ⵉⵜⵜⴼⵙⴰⵔⵏ ⴳ ⴼⵕⴰⵏⵙⴰ ⵙ ⵓⵖⴰⵏⵉⴱ ⵏ ⵜⵎⴰⵔⴰⵜ ⵙⴳ ⵢⵉⵥⵣⵍⵎⴹ ⵏ ⵜⴼⵔⵉⵇⵜ. ⵜⵉⵡⵉ ⵜⴰⵙⵎⵖⵓⵔⵜ Nom de Plume ⵙ ⵢⵉⵙⵎ ⵏ ⵎⴰⵕⴳⴰⵕⵉⵜ ⵟⵟⴰⵡⵚ ⵏⵏⴰ ⵉⴳⴰⵏ ⴰⵙⵙⴰⵖ ⴰⵎⴰⵙⵉⵃⵉ ⵏ ⵉⵏⵏⴰⵙ, ⵙ ⵓⵊⵎⵉⵍ ⵏ ⵜⴳⵔⵓⵎⵎⴰ ⵏ ⵜⵓⵍⵍⵉⵙⵉⵏ ⴷ ⵜⵎⴷⵢⴰⵣⵉⵏ » ⴰⵎⵓⴷ ⴰⵃⵛⴽⵓⵍⴰⵏ »
ⴳ ⵓⵙⴳⴳⵯⴰⵙ 1966 ⵍⵍⵉⵖ ⴰⵔ ⵏⵉⵜ ⵜⴻⵜⵜⴰⵔⴰ ⵙ ⵜⴼⵕⴰⵏⵙⵉⵙⵜ ⵜⴽⴽⴰ ⵜⵜ ⵉⵏⵏ ⴰⵔ ⵜⴻⵜⵜⵉⵔⵉⵔ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴳ ⵡⴰⵍⴱⵓⵎ ⵏⵏⵙ ⴰⵎⵣⵡⴰⵔⵓ » ⵜⵉⵣⵍⴰⵜⵉⵏ ⵜⵉⵎⴰⵣⵉⵖⵉⵏ ⵙⴳ ⵜⵙⴳⴰ ⵏ ⵍⵇⴱⴰⵢⵍ » ⴰⵙⴳⴳⵯⴰⵙ ⵏ 1967 ⵢⵉⵍⵉ ⵖⵓⵔⵙ ⵢⴰⵏ ⵓⵎⵓⵔⵙ ⴰⵅⴰⵜⴰⵔ ⵉⴳ ⵢⴰⵜ ⵜⴳⵔⵓⵎⵎⴰ ⵏ ⵜⵓⵔⴰⵔⵉⵏ ⵜⵉⵎⴰⵣⵉⵖⵉⵏ ⵏ ⵍⵇⴱⴰⵢⵍ ⵉⵜⵜⵓⵙⴽⴰⵔ ⴰⵙⵏⵜ ⵓⵙⵓⵖⵍ ⵙ ⵜⴼⵕⴰⵏⵙⵉⵙⵜ ⵙⴳ ⴷⴰⵔ ⴳⵯⵎⴰⵙ ⵊⵓⵏ.
![ⴰⵏⵙⵎⴰⵙⵙⵓ ⵏ ⵓⵔⵣⵣⵓ ⴰⵎⴰⴹⵍⴰⵏ ⴳⵓⴳⵍ ⴷⴰ ⵉⵙⴼⵓⴳⵍⵓ ⵙ ⵜⵎⴰⵔⴰⵜ ⴷ ⵜⵎⵖⵏⴰⵙⵜ ⵜⴰⵎⴰⵣⵉⵖⵜ ⵟⵟⴰⵡⵚ ⵄⵎⵕⵓⵛ 13--85](https://i.servimg.com/u/f57/20/22/84/12/13--85.png)
ⵜⵣⵎⵎⴻⵎ ⵜⵓⴳⵜⵜ ⵏ ⵡⴰⵍⴱⵓⵎⵏ ⵢⴰⴹⵏ ⵖ ⵏⵉⵜ ⵉⵍⵍⴰ Chants sauvés de l’oubli ( ⵜⵓⵔⴰⵔⵉⵏ ⵉⵜⵜⵢⴰⵡⴼⵔⴰⴳⵏ ⵙⴳ ⵜⴰⵜⵜⵓⵜ) Hommage au chant profond ( ⴰⵙⵎⵖⵔ ⵉ ⵢⴰⵜ ⵜⵓⵔⴰⵔⵜ ⵉⴷⵔⴰⵏ)
( ⵉⵡⴰⵍⵉⵡⵏ ⴷ ⵉⵙⵙⵉⵍⵎⵏ ⴷ ⵉⵙⵕⴽⴹⵏ ⵉⵎⴰⵣⵉⵖⵏ ⵉⴼⵓⵥⴰⵕⵏ).
ⵜⴽⴽⴰ ⵜⵜ ⵉⵏⵏ ⴷ ⵜⴰⵎⵖⵏⴰⵙⵜ ⵅⴼ ⵜⵎⵏⵜⵉⵍⵜ ⵜⴰⵎⴰⵣⵉⵖⵜ ⵜⴳ ⵢⴰⵏ ⵙⴳ ⵡⵉⴷ ⵙⴱⴷⴷⵏⵉⵏ ⵜⴰⴽⴰⴷⵉⵎⵜ ⵜⴰⵎⴰⵣⵉⵖⵜ ⴳ 1966.
ⵜⵎⵎⵓⴷⴷⴰ ⵖⵔ ⴱⴰⴱ ⵏ ⵉⵜⵔⴰⵏ ⴳ ⵙⴰⵏ ⵎⵉⵛⵉⵍ ⵍⵓⴱⵚⵉⵕⴼⴰⵟⵡⴰⵕ ⴳ ⴼⵕⴰⵏⵙⴰ.
ⵄⴱⴷⵍⵙⴰⵃⴷ ⴱⵓⵜⴱⴰⵖⴰ – ⴰⴳⵯⵍⵎⵉⵎ.