ⵉⵙⵉⵜⵜⵉⵜⵏ ⵏ ⵓⴽⵔⵡⴰⵙ ⵏ ⵓⵎⴰⴹⴰⵍ 2026: ⴰⵎⵏⴰⵍⴰ ⵏ ⵍⴽⵓⵏⴳⵓ ⴱⵕⴰⵥⴰⴼⵉⵍ ⴷ ⵍⵎⵖⵔⵉⴱ ⵔⴰⴷ ⵉⵜⵜⵓⵙⴽⴰⵔ ⴳ ⵓⴳⴰⴷⵉⵔ
ⵜⵙⵎⴰⵍ ⵜⴼⵉⴷⵉⵕⴰⵍⵉⵜ ⵜⴰⴳⵍⴷⴰⵏⵜ ⵜⴰⵎⵖⵔⵉⴱⵉⵜ ⵏ ⵜⵡⵊⵊⴰ ⵏ ⵓⴹⴰⵕ ⵎⴰⵙ ⴷ ⴰⵎⵏⴰⵍⴰ ⵉⵜⵜⵓⵖⵜⴰⵙⵏ ⴳⵔ ⵉⵎⵙⵜⵉ ⵏ ⵍⴽⵓⵏⴳⵓ ⴱⵕⴰⵥⴰⴼⵉⵍ ⴷ ⵓⵏⴳⴳⵓ ⵏⵏⵙ ⴰⵎⵖⵔⵉⴱⵉ, ⵙ ⵢⵉⵎⵉⵔ ⵏ ⵜⵙⵓⵜⵍⵜ ⵜⵉⵙ ⴽⴽⵓⵥⵜ ⵙⴳ ⵉⵙⵉⵜⵜⵉⵜⵏ ⵏ ⵜⴰⴳⵔⵓⵎⵎⴰ ⵜⵉⵙ ⵙⵎⵎⵓⵙⵜ ⵏ ⵜⵙⴳⴰ ⵜⴰⴼⵔⵉⵇⵉⵜ ⵉⵙⵙⵖⵔⴰⵜⵏ ⵙ ⵓⴽⵔⵡⴰⵙ ⵏ ⵓⵎⴰⴹⴰⵍ 2026, ⵔⴰⴷ ⵜⴻⵜⵜⵓⵙⴽⴰⵔ ⴰⵙⵙ ⵏ 11 ⵢⵓⵏⵢⵓ ⴰⴷ, ⴳ ⵓⴱⴰⵔⴰⵣ ⵏ ⵓⴷⵔⴰⵔ ⴳ ⵓⴳⴰⴷⵉⵔ.
ⵜⴱⴷⵔ ⵜⵙⴷⴰⵡⵉⵜ ⴳ ⵢⴰⵏ ⵓⵙⵉⵡⴹ ⵏⵏⵙ, ⵎⴰⵙ ⵜⵜ ⵉⴷ ⵜⵍⴽⵎ ⵜⴱⵔⴰⵜ ⵙⴳ ⴷⴰⵔ ⵜⵎⵓⵏⵜ ⵜⴰⴳⵔⴰⵖⵍⴰⵏⵜ ⵏ ⵜⵡⵊⵊⴰ ⵏ ⵓⴹⴰⵕ (ⴼⵉⴼⴰ) ⵜⵓⵎⴰⵢⵜ ⵏⵏⵙ ⵎⴰⵙ ⵔⴰⴷ ⵉⵜⵜⵓⵙⴽⴰⵔ ⵓⵎⵏⴰⵍⴰ ⵏⵏⴰ ⵔⴰⴷ ⵉⵙⵎⵓⵏ ⵉⵎⵙⵜⵉ ⵏ ⵍⴽⵓⵏⴳⵓ ⴱⵕⴰⵥⴰⴼⵉⵍ ⴷ ⵓⵏⴳⴳⵓ ⵏⵏⵙ ⴰⵎⵖⵔⵉⴱⵉ, ⴳ ⵓⴱⴰⵔⴰⵣ ⵏ ⵓⴷⵔⴰⵔ ⴳ ⵜⵖⵔⵎⵜ ⵏ ⵓⴳⴰⴷⵉⵔ ⴰⵙⵙ ⵏ 11 ⵢⵓⵏⵢⵓ ⴰⴷ (20H) ⴳ ⵓⴷⵖⴰⵔ ⵏ ⵓⴱⴰⵔⴰⵣ ⵏ ⵉⵎⵙⴳⴳⵓⵢⵜⴰ ⴳ ⴽⵉⵏⵛⴰⵙⴰ ⴳ ⵍⴽⵓⵏⴳⵓ ⵜⴰⴷⵉⵎⵓⵇⵕⴰⵟⵉⵜ.
ⴷ ⵔⴰⴷ ⵜⵎⵎⵉⴳⴳⵉⵔ ⵜⵔⴰⴱⴱⵓⵜ ⵜⴰⵏⴰⵎⵓⵔⵜ ⴷ ⵜⵥⴰⵎⴱⵉⵜ ⵜⴰⴷⴳⴳⵯⴰⵜ ⵏ ⵓⵙⵉⵎⵡⴰⵙ ⴳ ⵓⴳⴰⴷⵉⵔ, ⵙ ⵢⵉⵎⵉⵔ ⵏ ⵜⵙⵓⵜⵍⵜ ⵜⵉⵙ ⴽⵕⴰⴹⵜ ⵏ ⵉⵙⵉⵜⵜⵉⵢⵏ ⴰⴷ.
ⵉⴳ ⵢⵉⵎⵙⵜⵉ ⴰⵎⵖⵔⵉⴱⵉ ⴰⵎⵣⵡⴰⵔⵓ ⵏ ⵜⴳⵔⵓⵎⵎⴰ ⵜⵉⵙ ⵙⵎⵎⵓⵙⵜ ⵙ ⴽⵕⴰⴹⵜ ⵜⵏⵇⵇⴰⴹ ⵉⵏⵔⴰ ⵜⵏⵜ ⴱⵕⵕⴰ ⵏ ⵓⴱⴰⵔⴰⵣ ⵏⵏⵙ ⵎⵏⵉⴷ ⵏ ⵜⴰⵏⵥⴰⵏⵢⴰ (2-0) ⴳ 21 ⵏⵓⵡⴰⵏⴱⵉⵔ, ⵉⵍⵉⵏⵜ ⴽⵕⴰⴹⵜ ⵜⵏⵇⵇⴰⴹ ⴷⴰⵔ ⵣⴰⵎⴱⵢⴰ ⴷ ⵏⵏⵉⵊⵉⵔ ⴷ ⵜⴰⵏⵥⴰⵏⵢⴰ ⵏⵏⴰ ⵢⵓⵔⴰⵔⵏ ⵙⵉⵏ ⵉⵎⵏⴰⵍⴰⵜⵏ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖ