ⴰⵏⵎⵓⵇⵇⴰⵔ ⴰⵏⵎⵏⴰⴹ ⵏ ⵉⵄⵔⵔⵉⵎⵏ ⵉⵎⵙⵏⴼⵍⵓⵍⵏ ⵙ ⵜⵎⴰⵣⵉⵖⵜ
![ⴰⵏⵎⵓⵇⵇⴰⵔ ⴰⵏⵎⵏⴰⴹ ⵏ ⵉⵄⵔⵔⵉⵎⵏ ⵉⵎⵙⵏⴼⵍⵓⵍⵏ ⵙ ⵜⵎⴰⵣⵉⵖⵜ 14-197](https://i.servimg.com/u/f57/20/22/84/12/14-197.png)
ⴰⵙⵙ ⵏ ⵓⵙⵉⴹⵢⴰⵙ 25 ⵎⴰⵢⵢⵓ 2024 ⵙⴳ ⵜⵙⵔⴰⴳⵜ ⵜⵉⵙⵙ 15 ⴳ ⵓⵙⴰⵢⵔⴰⵔ ⴰⵙⵎⵓⵏⴰⵏ ⴰⵖ ⵜⵙⴱⵔⵔⴽ ⵜⵎⵙⵎⵓⵏⵜ ⵏ ⵜⴰⵎⵓⵏⵜ ⵙ ⵉⵄⵔⵔⵉⵎⵏ ⵉⵎⵙⵏⴼⵍⵓⵍⵏ ⵉⵥⵍⵉⵏ ⵙ ⵜⵙⴽⵯⵍⴰ ⴷ ⵓⵙⵏⵓⵍⴼⵓ ⵙ ⵜⵉⵔⵔⴰ ⵏ ⵜⵎⴰⵣⵉⵖⵜ, ⵄⴱⴷ ⵕⵃⵎⴰⵏ ⵕⴰⵎⵉ ⴰⵎⵙⵙⵏⴽⴷ ⴷ ⵓⵎⵙⵎⵓⵙⵙⵓ ⵏⵏⴰ ⵢⵓⵎⵥⵏ ⴰⵙⵡⵓⴷⴷⵓ ⵏ ⵜⵉⵏⴰⵡⵜ ⴷ ⵓⵎⵙⵕⵉ ⴰⵙⴽⵯⵍⴰⵏ ⵉⵙⵙⵏⵜⵉ ⵙ ⵓⵙⴽⵜⵉ ⵙ ⵓⵙⵏⵜⵍ ⵏ ⵓⵎⵚⵕⵉ ⴰⵙⴽⵯⵍⴰⵏ ⵉⵡⵛⴰ ⵜⵉⴳⵓⵔⵉⵡⵉⵏ ⵖ ⵜⴰⵎⵣⵡⴰⵔⵓⵜ ⵉ ⵎⴰⵙⵙ ⵃⴰⵙⴰⵏ ⴱⴰⵃⵎⵎⵓ ⴰⵎⵙⵉⵡⵍ ⵙ ⵢⵉⵙⵎ ⵏ ⵜⵎⵙⵎⵓⵏⵜ ⵏ ⵜⴰⵎⵓⵏⵜ ⵍⵍⵉ ⵉⵙⵏⵉⵎⵎⵔⵏ ⴰⵟⵟⴰⵚ ⵉⴳⵎⴰⵎⵏ ⵏ ⵜⵎⵙⵎⵓⵏⵜ ⵓⵍⴰ ⵉⵎⴱⴳⵉⵡⵏ ⵅⴼ ⵜⵉⵍⵉⵜ ⵏⵏⵙⵏ ⴷ ⵉⵎⴷⵔⴰⵡⵏ ⴰⴽⴽⵯ ⵏ ⵓⵏⵎⵓⵇⵇⴰⵕ ⴰⵙⴽⵯⵍⴰⵏ ⵍⵍⵉ ⵉⵍⵍⴰⵏ ⴳ ⵓⵎⵚⵕⵉⵢ, ⵎⵓⵃⵎⵎⴰⴷ ⵍⵎⵓⵎⵏ ⴰⵡⴷ ⵏⵜⵜⴰ ⵢⵓⵎⵥ ⵉⴼⴽⴰ ⴰⵡⴰⵍ ⵏⵏⵙ ⵙ ⵢⵉⵙⵎ ⵏ ⵉⵙⵍⵎⴰⴷⵏ ⵏ ⵜⵎⴰⵣⵉⵖⵜ ⵏ ⵓⴳⵯⵍⵎⵉⵎ ⵡⴰⴷⵏⵓⵏ ⵢⵉⵡⵉⴷ ⴳⵉⵙ ⴰⵙⵙⵉⵜⴳ ⴷ ⵓⵙⵏⵉⵎⵎⵔ ⵉ ⵜⵡⵓⵔⵉ ⵉⵜⵜⵓⵙⴽⴰⵔⵏ ⴳ ⵜⵡⴰⵍⴰ ⴰⴷ ⵓⵍⴰ ⵉⵏⴱⴷⴰⴷⵏ ⵍⵍⵉ ⴳⵉⵙ ⵢⵉⵡⵙⵏ, ⴰⴼⴰⴷ ⴰⴷ ⵉⵎⵎⴰⵜⵜⵉ ⵓⵎⵙⵡⵓⴷⴷⵓ ⵙ ⵓⵎⵔⴰⵔⴰ ⵏ ⵡⴰⵡⴰⵍ ⴷ ⵜⵉⴱⴹⵜ ⵏ ⵜⴳⵓⵔⵉⵡⵉⵏ ⵅⴼ ⵉⵄⵔⵔⵉⵎⵏ ⵉⵎⵙⵏⴼⵍⵓⵍⵏ ⵀⵉⵛⴰⵎ ⴳⴳⵓⵖⵍⵜ ⴷ ⴰⵃⵎⴰⴷ ⴱⴰⵍⴰⵊ ⴷ ⵚⴰⵍⵃ ⴰⵢⵜ ⵚⴰⵍⵃ ⴷ ⵓⵎⴰⵔⴰ ⵏⵏⵖ ⴰⵎⴰⵢⵏⵓ ⵃⵎⵣⴰ ⴳⵓⵍⵃⵢⴰⵏ, ⵉⵎⴰⵔⴰⵜⵏ ⴰⴷ ⴽⵓ ⵢⴰⵏ ⴳⵉⵙⵏ ⵢⵉⵡⵉ ⴰⵖ ⴷ ⵅⴼ ⵜⵉⵔⵎⵉⵜ ⵏⵏⵙ ⵏ ⵜⵉⵔⵔⴰ ⴷ ⵓⵙⵏⴼⵍⵓⵍ ⴷ ⵉⵎⴷⵢⴰⵜⵏ ⵏ ⵓⵏⴳⴰⵍⵏ ⴷ ⵓⵙⵏⴼⵍⵓⵍ ⵏⵏⴰ ⵓⵔⴰⵏ ⴷ ⵉⵙⵏⵜⴰⵍ ⵍⵍⵉ ⵅⴼ ⵙⴰⵡⴰⵍⵏ. ⴱⴷⵔⵏ ⵓⵍⴰ ⵜⵉⴱⴱⴰⵢⴹⴰⵕⵉⵏ ⵍⵍⵉ ⵉⵥⵕⵕⴰ ⵓⴷⵍⵉⵙ ⴷ ⵓⵎⴰⵔⴰ ⵙ ⵜⵎⴰⵣⵉⵖⵜ, ⵖⵉⴷ ⴰⵖ ⵉⵙⵜⴰⵔⴰ ⵓⴳⴷⵓⴷ ⵜⴰⵎⵉⵎⵜ ⵏ ⵜⵉⵔⵔⴰ ⴷ ⵜⴰⴹⴼⵉ ⵏ ⵓⵙⵏⴼⵍⵓⵍ ⵍⵍⵉⵖ ⴷ ⵉⵡⵉⵏⵜ ⵜⴽⵛⵛⵓⵎⵉⵏ ⵏ ⵉⵎⵉⵍⴰⵏ ⴳ ⵓⵎⵚⵔⵕⵉ ⴰⴷ ⴰⵙⴽⵯⵍⴰⵏ ⴷ ⵉⵙⵇⵙⵉⵜⵏ ⵏⵏⵙⵏ ⵉ ⵉⵎⴰⵔⴰⵜⵏ ⵏⵏⵖ. ⵖ ⵜⴳⵉⵔⴰ ⵙⵙⴳⵯⵎⴹⵏ ⵉⵎⴰⵔⴰⵜⵏ ⵉⴷⵍⵉⵙⵏ ⴷ ⵜⴰⵢⴰⴼⵓⵜ ⵏⵏⵙⵏ ⵏ ⵜⵡⴰⵍⴰ ⴰⴷ ⵉ ⵜⵓⴳⵜ ⵏ ⵉⵎⵉⵍⴰⵏ ⵉⵎⵖⵔⵉⵜⵏ, ⴰⴼⴰⴷ ⵉⵍⵎⵎⴰ ⴰⴷ ⵜⵜⵓⴱⴹⵉⵏⵜ ⵜⵓⴳⴳⴰ ⵅⴼ ⵉⵎⴷⵔⴰⵡⵏ ⵢⵉⵡⵙⵏ ⴳ ⵓⵙⵎⵓⵔⵙ ⵏ ⵜⵉⵍⴰⵍ ⵉⵜⵜⵓⵏⵎⴰⵍⴰⵏ ⴳ ⵜⵙⵙⵓⵜⵍⵜ ⴰⴷ ⵜⴰⵎⵙⵏⴼⵍⵓⵍⵜ.
![ⴰⵏⵎⵓⵇⵇⴰⵔ ⴰⵏⵎⵏⴰⴹ ⵏ ⵉⵄⵔⵔⵉⵎⵏ ⵉⵎⵙⵏⴼⵍⵓⵍⵏ ⵙ ⵜⵎⴰⵣⵉⵖⵜ 14-198](https://i.servimg.com/u/f57/20/22/84/12/14-198.png)