ⴰⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ.. ⴰⵙⵎⴰⵔ ⵏ ⵙⵏⴰⵜ ⵜⵣⵔⴰⵡⵉⵏ ⵅⴼ ⵜⵎⵙⵙⵏⵜⴰⵢ ⵎⵥⵥⵉⵏⵉⵏ ⴷ ⵜⵉⴷ ⴱⴰⵀⵔⴰ ⵎⵥⵥⵉⵏⵉⵏ ⴷ ⵉⵙⵍⵍⵡⵉ ⴷ ⵜⵎⵣⵉⵣⵡⵔⵜ ⵜⴰⴷⵎⵙⴰⵏⵜ ⴳ ⵍⵎⵖⵔⵉⴱ
ⵢⵉⵡⵉ ⴷ ⵓⵙⵉⵡⴹ ⵏ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ ⵎⴰⵙ ⵜ ⵉⴷ ⵉⵍⴽⵎ ⵢⴰⵜ ⵜⵓⵜⵔⴰ ⵙⴳ ⴷⴰⵔ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ, ⵏⵏⵄⵎⴰ ⵎⵢⴰⵕⴰ, ⴰⴷ ⵜⴻⵜⵜⵓⵙⴽⴰⵔⵏⵜ ⵜⵣⵔⴰⵡⵉⵏ ⵅⴼ ⵜⵎⵙⵙⵏⵜⴰⵢ ⵎⵥⵥⵉⵏⵉⵏ ⴷ ⵜⵉⴷ ⴱⴰⵀⵔⴰ ⵎⵥⵥⵉⵏⵉⵏ, ⴷ ⵉⵙⵍⵍⵡⵉ ⴷ ⵜⵎⵣⵉⵣⵡⵔⵜ ⵜⴰⴷⵎⵙⴰⵏⵜ ⴳ ⵍⵎⵖⵔⵉⴱ.
ⵉⵙⵙⵉⵙⴼⵉⵡ ⵓⵙⵉⵡⴹ ⵎⴰⵙ ⴷ ⵜⵓⵜⵔⴰ ⵜⴰⵎⵣⵡⴰⵔⵓⵜ ⵜⵣⴷⵉ ⵙ » ⵓⴱⵣⴰⵔ ⵏ ⵓⵔⵣⵣⵓ ⴰⵎⴰⵙⵙⴰⵏ ⴰⵏⴰⵎⵓⵔ » ⵜⴰⵣⵔⴰⵡⵜ ⵜⵉⵙ ⵙⵏⴰⵜ ⵏⵜⵜⴰⵜ ⵜⵣⴷⵉ ⴷ ⵓⵙⵏⵜⵍ ⵏ » ⵉⵏⴰⵥⴰⵕⵏ ⵏ ⵜⵎⵙⵙⵏⵜⴰⵢ ⵎⵥⵥⵉⵏⵉⵏ ⴷ ⵜⵉⴷ ⴱⴰⵀⵔⴰ ⵎⵥⵥⵉⵏⵉⵏ ⴳ ⵍⵎⵖⵔⵉⴱ: ⵜⴰⵎⵔⵏⵉⵡⵜ ⴷ ⵓⵙⵜⵔⴰⵔ ⴷ ⵓⵙⴱⵓⵖⵍⵓ ».
ⵉⴱⴷⵔ ⵓⵖⴱⴰⵍⵓ ⵢⴰⴽⵙⵓⵍⵏ, ⵎⴰⵙ ⴷ ⵙⵏⴰⵜ ⵜⵣⵔⴰⵡⵉⵏ ⴰⴷ ⵓⵛⴽⴰⵏⵜ ⴷ ⵙ ⵓⵎⵙⴰⵙⴰ ⴷ ⵉⴱⴹⵉⵢⵏ ⵏ ⵓⵎⴰⴳⵔⴰⴷ 152 ⵙⴳ ⵓⴷⵓⵙⵜⵓⵔ, ⴷ ⵉⵙⴱⴷⴰⴷⵏ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 128.12 ⵉⵣⴷⵉⵏ ⴷ ⵓⵙⵇⵇⵉⵏ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⴹⴰⵏ ⴷ ⵓⵏⴰⴳⵔⴰⵡ ⴰⴳⵯⵏⵙⴰⵏ ⵏ ⵓⵙⵇⵇⵉⵎ ⵏ ⵉⵎⵛⵛⵉⵡⴰⵕ.
ⵎⴽⵍⵍⵉ ⴽⵛⵎⵏⵜ ⴳ ⵓⵙⴰⵜⵉ ⵏ ⵜⵎⵢⴰⵇⵇⴰⵏⵜ ⵏ ⵓⴷⵔⴰⵡ ⵏⵏⴰ ⵉⵙⵎⵓⵏⵏ ⵉⵙⵇⵇⵉⵎⵏ ⵃⵎⴰ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⵉⵎⵕⵡⵉ ⴷ ⵖⵓⵔ ⵜⴰⵢⴰⴼⵓⵜ, ⴷ ⵓⵣⴷⴰⵢ ⵉⴷⵓⵙⵏ ⴷ ⵓⵎⴰⵇⵇⴰⵏ ⴳⵔ ⵙⵏⴰⵜ ⵜⵎⵔⵙⴰⵍⵉⵏ ⴰⴷ ⴳ ⵓⵙⴰⵜⵉ ⵏ ⵢⴰⵏ ⵓⵙⵎⴰⴷ ⵏ ⵜⵎⵍⴰⵍⵉⵏ ⵜⵉⵎⵛⵛⵉⵡⴰⵕ ⴷ ⵉⵣⵣⵔⴰⴼⵏ, ⵙⵍⴰⵡⵏ ⴰⴽⴽⵯ ⵎⴰⴷ ⵉⵥⵍⵉⵏ ⵙ ⵜⴹⴼⵕⵉ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⴳ ⵢⵉⴳⵔⴰⵏ ⵉⴷⵎⵙⴰⵏⵏ ⴷ ⵉⵏⴰⵎⵓⵏⵏ ⴷ ⵉⵡⵏⴹⴰⵏⵏ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ