Tamacahut : Tasaft n uwaɣezniw neɣ A baba inu ba
![Tamacahut : Tasaft n uwaɣezniw neɣ A baba inu ba 1-1002](https://i.servimg.com/u/f63/20/41/33/60/1-1002.png)
Akken yal ass, ama d tagrest-nni taqesḥant s yideflawen-is d usemmiḍ neɣ d anebdu s uzɣal-is yessefsayen idɣaɣen, Ɛelǧa tettawi-as tagella d tẓidanin i baba-s tḥemmel nezzeh. Mi ara taweḍ sdat n tewwurt n texxamt anda yella baba-s d anekruf, yelseq ɣef ublaḍ, s taɣect-is iferẓen ad s-tecnu: « Ttxil-k ldi-iyi-n tawwurt
A Baba-inu ba ». Netta ad s-d-yerr diɣen s ccna: « Sčenčen tizebgatin-im
A yelli ɣriba ».
Ad tuɣal ad as-tini: « Ugadeɣ lweḥc n lɣaba
A Baba-inu ba ».
Netta ad as-d-yerr akka: « Ugadeɣ ula d nekkini
A yelli ɣriba »
S usčenčen-nni n tzebgatin-is baba-s yeɛqel yelli-s Ɛelǧa, ɣef waya i s-d-ileddi tawwurt. Mi tekcem ad teqqim ddaqqes d baba-s, ad tḍes yid-s, ad s-tekkes yir axemmem, ad tuɣal imiren s axxam.
https://aghucaf.wordpress.com/2017/12/01/tasaft-n-uwa%c9%a3ezniw/