ⵍⴰⵢⵍⴰ ⴰⵎⵣⵢⴰⵏ ⴱⵏ ⵊⵍⵍⵓⵏ (1938-2024)
ⵜⵎⵎⵓⵜ ⵎⴰⵙⵙⴰ ⵍⴰⵢⵍⴰ ⴰⵎⵣⵢⴰⵏ ⴱⵏ ⵊⵍⵍⵓⵏ, ⴰⵙⵙ ⵏ ⵓⵙⵉⴹⵢⴰⵚ 13 ⵢⵓⵍⵢⵓⵣ 2024, ⵜⴳⴰ ⵜⴰⵎⵟⵟⵓⴹⵜ ⵏ ⵎⴰⵙⵙ ⵄⵓⵜⵎⴰⵏ ⴱⵏ ⵊⵍⵍⵓⵏ, ⴰⵏⵎⵀⴰⵍ ⴰⵎⴰⵜⴰⵢ ⵏ ⵜⵔⴰⴱⴱⵓⵜ ⵏ ⵍⴱⴰⵏⴽ ⵏ ⵉⴼⵔⵉⵇⵢⴰ, ⵜⴰⵏⵙⵙⵉⵅⵜ ⵏ ⵜⵎⵔⵙⵍⵜ (BMCE) ⵉ ⵓⵙⴳⵎⵉ ⴷ ⵓⵙⵎⵓⵜⵜⴳ.
ⵜⴳⴰ ⵎⴰⵙⵙⴰ ⵍⴰⵢⵍⴰ ⴰⵎⵣⵢⴰⵏ ⴱⵏ ⵊⵍⵍⵓⵏ ⵜⴰⵏⵙⵙⵉⵅⴼⵜ ⵏ ⵜⵎⵔⵙⵍⵜ ⵏ ⵍⴱⴰⵏⴽ ⴰⵎⵖⵔⵉⴱⵉ ⵏ ⵜⵙⴱⴱⴰⴱⵜ ⵏ ⴱⵕⵕⴰ ⵉ ⴽⵉⴳⴰⵏ ⵏ ⵉⵙⴳⴳⵯⴰⵙⵏ, ⵜⵉⵡⵙ ⴳ ⵓⵚⴽⵓ ⴷ ⵓⵎⴰⵡⴰ ⵏ ⵜⵉⵏⵎⴰⵍ ⴳ ⵎⵏⵏⴰⵡⵜ ⵜⵙⴳⴳⵉⵡⵉⵏ ⴰⴳⴳⵓⴳⵏⵉⵏ ⴳ ⵍⵎⵖⵔⵉⴱ.
ⵖⵎⴽ ⵍⵍⵉ ⵜⵙⴽⵔ ⵜⴰⵙⵙⵉⵖⵜ ⵍⵍⵉ ⵢⵓⵙⵉⵏ ⵉⵙⵎ ⵏⵏⵙ ⴳ ⵜⵖⵔⵎⵜ ⵏ ⵜⴳⵎⵎⵉ ⵜⵓⵎⵍⵉⵍⵜ ⵍⵍⵉ ⵜⵥⵍⵉ ⵉ ⵜⵥⵓⵕⵉ ⴷ ⵜⵡⵓⵔⵉⵡⵉⵏ ⵜⵉⵎⵣⵔⴰⵢⵉⵏ ⵏ ⵍⵎⵖⵔⵉⴱ, ⴰⵢⵍⵍⵉ ⵉⵎⵎⴰⵍⴰⵏ ⵜⴰⵢⵔⵉ ⵏⵏⵙ ⵉ ⵜⵥⵓⵕⵉ ⴷ ⵜⴷⵍⵙⴰ ⵜⵉⵎⵖⵔⵉⴱⵉⵢⵉⵏ.
ⵜⵙⵡⵓⵔⵉ ⵎⴰⵙⵙⴰ ⵍⴰⵢⵍⴰ ⴰⵎⵣⵢⴰⵏ ⴱⵏ ⵊⵍⵍⵓⵏ ⴳ ⵢⵉⴳⵔ ⵏ ⵜⵙⵏⵉⵊⵊⵉⵜ ⵏ ⵡⴰⵍⵍⵏ ⴳ ⴽⵉⴳⴰⵏ ⵏ ⵉⵙⴳⵏⴰⴼⵏ ⵏ ⵍⵎⵖⵔⵉⴱ ⵖⵎⴽ ⴰⵏⵏ ⵓⵍⴰ ⴳ ⵎⵏⵏⴰⵡ ⵉⵙⴳⵏⴰⴼⵏ ⵏ ⵍⵎⵖⵔⵉⴱ ⴷ ⵜⵙⴷⵓⵙⵉ ⵏⵏⵙ ⵜⵓⵙⵍⵉⴳⵜ ⵉ ⵓⴳⴳⴰⵔ ⵏ 25 ⵏ ⵓⵙⴳⴳⵯⴰⵙ. ⵖⵓⵔⵙ ⵉⵙⵍⴽⵉⵏⵏ ⴳ ⵜⵙⵏⵉⵊⵊⵉⵜ ⵏ ⵡⴰⵍⵍⵏ ⵙⴳ ⵜⵙⴷⴰⵡⵉⵢⵉⵏ ⵏ ⵎⴰⴷⵔⵉⴷ ⴷ ⴱⴰⵕⵛⴰⵍⵓⵏⴰ. ⵢⵓⴳⵍ ⴰⵙ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⵡⵉⵙⴰⵎ ⵏ ⵓⴷⴰⴱⵓ ⵙ ⵜⵙⴽⵯⴼⵍⵜ ⵏ ⵓⴼⵙⵢⴰⵏ.
ⵜⴽⴽⴰ ⵜⵜ ⵏⵏ ⵎⴰⵙⵙⴰ ⵍⴰⵢⵍⴰ ⴰⵎⵣⵢⴰⵏ ⴱⵏ ⵊⵍⵍⵓⵏ ⵜⴳⴰ ⵓⵍⴰ ⵜⴰⵏⵙⵙⵉⵅⴼⵜ ⵏ ⵜⵎⴰⴷⴷⴰⵙⵜ ⵜⴰⵄⴰⵍⴰⵡⵉⵜ ⵏ ⵉⴱⵓⴽⴰⴹⵏ, ⴷ ⵜⵎⵙⵎⵓⵏⵜ ⵏ ⵓⵏⵛⴰ ⴰⵎⵖⵔⵉⴱⵉ ⴰⵥⴳⴳⵯⴰⵖ, ⴷ ⵜⵎⴰⵔⵉⵜ ⵏ ⵓⵏⵙⵙⵉⵅⴼ ⵏ ⵓⵎⵓⵍⵍⵉ ⵏ ⵉⴹⴱⵉⴱⵏ. ⵜⴽⴰ ⵜⵜ ⵏⵏ ⵓⵍⴰ ⵜⴰⴳⵎⴰⵎⵜ ⴳ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ (IRCAM).
ⵜⴰⵎⵍⵍⴰ ⵏ ⵕⴱⴱⵉ ⴼ ⵉⵎⴰⵏ ⵏⵏⵙ. ⴰⴼⵛⴰⴷ ⵏ ⵓⵖⵎⵉⵙ ⴰⵎⴰⴹⴰⵍ ⴰⵎⴰⵣⵉⵖ ⵉ ⵜⵓⵡⵊⴰ ⵏⵏⵙ.
ⴰⵙⵓⵖⵍ: ⵕⴰⵛⵉⴷ ⵏⴰⵊⵉⴱ