Azedgan (Ṭṭahar)
Imelsi
D amulli wis 20 n tmettant s leɣder s ufus arammaɣ n urgaz yifen irgazen.
Dda Ṭṭahar, ad t-ig Rebbi deg wadeg n rreḥma.
Nekkni, mazal-it yella yid-neɣ.
Awal-is ar tura iteddu.
Azedgan (Ṭṭahar)
Awal yenna-t ɛinani
Iceyyeɛ-it s iswi yewweḍ
Win iqemcen tiṭ yuki
Deg yiḍes i d-izelkeḍ
Tebrek ɣer deffir d tikli
Tafat tteddu-d ad d-taweḍ
Tezdeg-nni teẓẓiḍ ad taɣ
Abrid tcerḍeḍ ad t-naɣ
Zeddig wul-ik am waman
S tayri iččur ittenfal
Taḍsa-k tettcebbiḥ ussan
Amdan tefkiḍ-as azal
Teqqden semsaden imegran
S yidammen-ik sswayen akal
Tilelli teffud teswa
I tmurt terniḍ lqewwa
« Wid i iteddun ɣer zdat »
(de)G tikli sɣezzfen asurif
Ttazzalen metwal tafat
Ttaǧǧan ar deffir lḥif
Tikli ɣer deffir n at tamart
Ad ten-yerr Rebbi (de)g rrif
Timenɣiwt s yir lmut
Ur sen-d-tettawi tafsut
Ɣef tiɣilt idel uzezzu
Ijeǧǧigen d iwraɣen
Tullas refdent aslilew
Irgazen ttserfiqen
Ṭṭahar Ǧaɛut n At Wulxu
Dayen iɣab ɣef wallen
Ɣas immut isem-is yella
Am wass-a am uzekka
Mmeslay temmteḍ…