Tafsut (Yebrir)
Neḥmmel tafsut s jiḥbuḍ D azeggaɣ am yidammen
A-tt-an tuɣal-d tefsut-nni, yefka-tt-id meɣres i yebrir. Yebrir yuɣ akk Tamazɣa, yuweḍ ula ɣer Tunes anida bdan ttḥerriken Imaziɣen n din, ttnadin ɣef yizerfan-nsen idelsanen, ttnadin ad ten-id-iwali udabu-nsen akken i ten-id-yefka Rebbi. Ihi 20 yebrir yuɣal d yiwen wass agraɣlan. Sfugulen-t deg watas n tmura n Tmazɣa: deg Lezzayer deg tazwara, teḍfer-itt-id Lmaruk d Libya d tunes d tiyiḍ. D yiwen wass yessawalen i tdukli n Yimaziɣen anda bɣun ilin, s tdukli ad yeqwu wafud ara d-isεejlen lebɣi-nsen.
D tamurt n Leqbayel i d aqerruy n tmacint n umussu-a maca akka tura wissen d acu i-tt-yuɣen, amzun tefka cwit lwi; ilaq ad tzellez akken ayen akk nessaram ad yeffeɣ….
A tafsut m yijeǧǧigen
Tuɣaleḍ-d ad ɣ-d-tesmektiḍ
Ijeǧǧigen izeggaɣen
Widak-nni i d-tessemɣiḍ
Yeqber wul seg (yi)meṭṭawen
Yal tikkelt m(i) ara d-tezziḍ
… Tamharsa
Yeqwa rrbiɛ, yefreḥ lmal
Ddunit yis-m tettaḍsa
S waman ččuren yiḥumal
Teswa lɣaɛa almi terwa
Taḍsa deg (yi)mi d lmuḥal
Tugi ad tekkes ccama
Tewwet-d lgerra ad s-necfun Yeqqur ujeǧǧig yettru
Mi d-tkecmeḍ ass amenzu
Nenwa ijeǧǧigen ad fsun
Nerja kra n ubandu
Tewwet-d lgerra ad s-necfun
Yeqqur ujeǧǧig yettru
Imeṭṭawen-is ur keffun
Temlel n udfel tesderɣil
Temlel n udfel tesderɣil
Iṭij n tefsut ma yekkat
Nettru nugar agujil
Nettwwet ur d-tuli tafat
Tezweɣ tenɣel ɣef yiɣil
Yefsi udfel yettmettat
Amḍiq iɣef teɣli terwiḥt
Yettnazaɛ (de)g wayyur n yebrir
Yebɣa ad yesmmekti taswiɛt
Tinna akken yura deg unyir
Ur tt-nessirid ɣef telwiḥt
D amezruy yeḍran deg zzhir
Ruhen d asfel ghef tmazight
Neḥmmel tafsut s jiḥbuḍ
D azeggaɣ am yidammen
Ẓbubin merra leḥyuḍ
Ɣef lyajur mazal ur qquren
Ilaq yid-i ad tettruḍ
A tafsut m lemḥayen.
Malek HOUD