..... Asefru
Asefru ɣef lkaɣeḍeḍ
Yengef usefru
Yeggugem am yisɣi
Iɛebba aẓru
Iruḥ-as lebɣi
Rray aneggaru
Fell-as i d-yeɣli
Deg teɣmart yettru
Tasa-s telɣuɣi
Yettnadi ferru
Ar tura ur t-yufi
Asefru
iɛebba aẓru
Yessawel i umdan
Akken ad yerr aḍar
Iɣunfa iɣeblan
Yettaken aẓar
Yettbuddu ssber
I waklan n zzman
Yuɣal am waman
Yeffeɣ-d (se)g lɛinṣer
Wid yeffuden swan
Ddren deg liser
Yeffeɣ-d (se)g lɛinṣer
Yedda d yigellil
Yefka-as afus
Amcum ur t-yezgil
Yedel-it s ukermus
Tidet s umendil
Teldi-d abernus
Awal yettḥellil
Asafu ur yettnus
Tafat ɣef wumlil
Lekteb ur d-ittrus
Yefka-as afus
Yeffeɣ-d i yimi
Yuzzel deg (yi)berdan
Wi iwala ad s-yini
-Xedmet i yelhan!
-Ttwenniɛet tikli!
Tikli n laman
-Ččaret-t s tayri
Ul-nwen Yexwan
Talwit, ad d-tili
Ad ččaren yikufan
Ad ččaren yikufan
Asefru d awal
Yessakay uṭṭis
Taɣert-is d uzzal
Ma iseḥḥa lsas-is
D iniɣ iḍ azal
D azɣal neɣ d agris
Yeṭallay s imal
Yessefsay ukris
Tudert, ɣur-s azal
Yebɣa-tt i wukyis.
Yessakay uṭṭis