Ur yettmettat Umedyaz
Amedyaz ur yettmettat ara. Amedyaz urǧin yemmut. Kunwi a yiwaɣzniwen i d-irewlen seg tmucuha tberkanin, tenwam tenɣam-t, ad tekksem akkin fell-awen ṣṣut-is yettbeɛziqen ɣef yiqerraw-nwen ur nefhim tren. Yiwen n Lwennas kan i tenɣam. Timenɣiwt-is tessefṛuṛex-d acḥal d Lwennasat, ḥseb ar teɛyuḍ. Yal Aqbayli, yal Amaziɣ yuɣal d Lwennas, Lwennas yezga deg wul-is. Ma tebɣam ad tenɣem Lwennas, yiwen ur yettuɣal ad t-id-yebder ula d abdar, tuwi-d fell-awen ad tenɣem akk Imaziɣen, acku yiwen n Uqbayli, neɣ yiwen n Umaziɣ ma yeggra-d, ad yettsuɣu, ad yettɛeggiḍ s ṭṭelq n ugerjum-is : « Lwennas yella, yella… »
Ur yettmettat Umedyaz
