?Yemma mačči d yemma
… Yemma, tamurt-iw
?D acu i iḍerrun akka
D ayen ur iqebbel laɛqel
Nnan-d yemma mačči d yemma
Fell-i ad tuɣal tegdel
Wissen ma ad-tezzi ɣer tama?
D tifranin-nni i d aɣbel
Yiwet rnan-as di ssuma
Tayeḍ ǧǧan-tt akken fiḥel
Tamurt seg miḥyaf teɣma
Deg (yi)zamulen tɣeṭṭel
…Tecbeh yemma
Yemma d azamul n tmurt
Tamezwarut d nettat
Tefka aẓar am tzemmurt
Taseṭṭa-s rran-tt d tifrat
Deg (yi)genni amzun d tasekkurt
Mi d-tuffeg tewwi-d tafat
Taggara wwten-tt deg tefsut
Arraw-is ččan tamrart
Ar tura rẓaget tmeddurt
Mi ǧǧan yemma di teɣmart
Yemma d azamul n tmurt Tamezwarut d nettat
Yemma tezger-d i leqrun
D lferḥ-iw mi tella ass-a
Imi-s mačči d aɛeggun
Tikwal irennu-d taḍsa
Ɣas ma deg-s yal ass ttazun
Urǧin awal-is yemsa
Tettirriq am lkanun
Tafat-is urǧin tensa
Limmer ufin ad tt-zlun
Ad s-cergen ula d tasa
Yemma tezger-d i leqrun D lferḥ-iw mi tella ass-a
Tasa-s d arraw i d-trebba
Deg-s yiwen ur yefki afus
Tga abernus d talaba
Yeldi ur s-teqqin agus
Seg zik tettraju nnuba
…Tiyemmatin n Leqbayel
Fell-as ad yekkes wammus
Tidet wissen anda i teɣba
Lekteb yezga yesmussus
Yiggas ad d-tejbu i lejba
Ad d-tas ad tefsi i tyerrust.
Urǧin awal-is yemsa Tettirriq am lkanun