Tabrat n umeḥbus
Yefla lkaɣeḍ seg (yi)meṭṭi
Tira tceṭṭeḥ gar wallen-iw
Yefla lkaɣeḍ seg (yi)meṭṭi
Dderbuka tekkat deg wul-iw
Udem-iw yeɣreq deg tidi
A yemma aql-i iman-iw
Yenɣa-yi yiɣimi weḥd-i
Mačči d timenɣiwt i nɣiɣ
Mačči d timenɣiwt i nɣiɣ
Mačči d tukerḍa i ukreɣ
Lmut tneqq ayen i sɛiɣ
Nekk, nnan-d ilaq ad ɛemmdeɣ
Ul-iw yugi ɣas ma bɣiɣ
Zzwaf yezɛef d azeggaɣ
A yemma aḍar irekku
Iferr n uzemmur yeqqur
A yemma d acu ad nesɛu
Yeggra-d usɣar d azeqqur
Lḥif i ɣ-yeksan yettɣummu
Yemmeɣ-d yekkes-aneɣ amur
Ddunit merra ad t-wali
Ma nekkini ttwaḥebseɣ
Rray d-fkiɣ yettcali
Gar leḥyuḍ nekk ssusumeɣ
Berra netta yettimẓi
Ayen ffreɣ ad d-yeffeɣ
Ddunit merra ad t-wali
Sber a yemma sber
Am tyemmat -nniḍen
Lweqt yedha-d d umɛebber
Yiggas ad s-nini d ayen
Tafat ad d-tezger i umnar
(de)G temda n lferḥ ad nsisen
Eḍs alamma d imeẓẓuɣen
Kkes imeṭṭi deg wallen-im
Ḍes alamma d imeẓẓuɣen
Ur ttaggad ara ɣef mmi-m
Ur tufiḍ d acu ad t-yaɣen
Neggul d sswab ad d-yeqqim
S sshala neɣ s yidammen .