Ay Iɛessasen
?Anda-ken ay Iɛessasen
La nessutur deg-sen talwit. La nessawal i yiɛessasen n uxxam, i yiɛessasen n lḥara, i yiɛessasen n uzrib, i yiɛessasen ntala , yiɛessasen n taddart, i yiɛessasen n yiḥerqan d yigran, i yiɛessasen n yinurar d yikufan, i yiɛessasen n yiɣezran d yisaffen, i yiɛessasen n lɛerc, i yiɛessasen n tmurt, i yiɛessasen n tlelli, i yiɛessasen n tugdudt, i yiɛessasen n tdamsa, i yiɛessasen n tezmert, i yiɛessasen n wass-a d uzekka, i yiɛessasen n tayri, i yiɛessasen n usirem, ad d-dlun fell-aneɣ nenṭer…
Ay Iɛessasen
?Anda-ken ay Iɛessasen
A wid yettḥuddun
Tamurt-nneɣ tenṭer
Yal ass nessawal-asen
Ɣur-neɣ ad d-rzun
Ad yethedden lxaṭer
Yugi ad ɣ-yeffeɣ ddnub
Nuwi ddeɛwessu
Skudmal yettzad lḥif
Lmektub-nneɣ d ajerbub
D wurfan nettnusu
Anda nerra d lmendif
?Anda-ken ay Iɛessasen
A wid yettḥuddun
Tamurt-nneɣ tenṭer
Yal ass nessawal-asen
Ɣur-neɣ ad d-rzun
Ad yethedden lxaṭer
Ilemẓi yerwa lemrar
Gren-t deg ccufat
Ǧǧan-t waḥdes meskin
Budden-as acḥal d ddemmar
Snegren-as tafat
Yettraju lmut ad t-yawin
?Anda-ken ay Iɛessasen
A wid yettḥuddun
Tamurt-nneɣ tenṭer
Yal ass nessawal-asen
Ɣur-neɣ ad d-rzun
Ad yethedden lxaṭer
Tameṭṭut tezdi d ṭṭlam
Ufan-tt d ssebba
Fell-as ttarran ttar
Ayen texdem d leḥram
Deg ddel tettbabba
Tessusem kan teqber
?Anda-ken ay Iɛessasen
A wid yettḥuddun
Tamurt-nneɣ tenṭer
Yal ass nessawal-asen
Ɣur-neɣ ad d-rzun
Ad yethedden lxaṭer
Aɣerbaz ibeddel udem
Itezzi kan din
Tussna deg-s ulac
Ur yessensal am uzrem
Iruḥ akk d ddin
Tteffɣen-d d iɣyal warrac
?Anda-ken ay Iɛessasen
A wid yettḥuddun
Tamurt-nneɣ tenṭer
Yal ass nessawal-asen
Ɣur-neɣ ad d-rzun
Ad yethedden lxaṭer
Tukerḍa akk d usqizzeb
Leɛwej d rrecwa
Uɣen-d tamurt d tirni
Yekfa tura uḥezzeb
Tamurt-iw tekwa
Ha-tt meskint tettinẓi.
?Anda-ken ay Iɛessasen
A wid yettḥuddun
Tamurt-nneɣ tenṭer
Yal ass nessawal-asen
Ɣur-neɣ ad d-rzun
Ad yethedden lxaṭer
… Kullec ɣef tiṭ-nsen