طريقة اعداد كسكسي العرس التونسي ..
المكونات
1كغ من الكسكي
راسين بصل كبار
كأس زيت زيتون
حمص منقوع قبل بالليلة
1كغ لحم هبرة بقري أو خروف
ملح
مغرفتين ببريكا فلفل أحمر
فلفل اكحل
كركم
ثلاث مغارف طماطم معجونة
2 كعبات طماطم خضرة كل كعبة تتقص على 2
الطريقة
اولا نحط الحمص يطيب في طنجرة في الماء مع شوي كركم نبل الكسكسي و ندهنوه بشوية زيت نفوح اللحم فلفل اكحل فلفل احمر ملح كركم و شوية زيت و نخلطوه مليح و نخليوه على جنب يتفوح نحط مقفول الكسكسي و نعبيه لتر من الماء كأس زيت 2 كعبات طماطم مقصوصين في على 2 + ثلاثة مغارف طماطم كبار نحلوهم مع الماء و الزيت لبصل البصلة تتقص على 2 و يا حبذا لو عندك قطعة قماش برنجك تحط في وسطها لبصل ما يتفترش أو ما يتنطورش في وسط الطنجرة و يعطي مفعولو في نفس الوقت نرميو اللحم و نزيدو مغرفتين فلفل احمر و فلفل اكحل مغرفة قهوة و مغرفة ملح و عند الغليان نحط الكسكاس و نعبيوه بالكسكسي يتفور في الاثناء الحمص طاب نحيوه من فوق الغاز و إذا طاب اللحم و الكسكسي و الصوص وقفت على زيتها ناخذ رأس المقفول يعني الزيت الي من فوقة و نصبوه على الحمص و نخلط
حضر كل شي نخلط الكسكسي بالمرق و نخليوه يشرب مرق باش يبذر و بعد نقدموه في صينية فخار و نزينوه بالحمص و اللحم و فلفل مسير و الا مقلي و زيتون
شاهدي الفيديو للحصول على الطريقة بأدق تفاصيلها والمقادير مضبوطة
شكرا للاهتمام! اذا اعجبتك الوصفة احرص على تقييمها ومشاركتها مع اصدقائك ولا تنسى التسجيل في المنتدى.
صحة وعافية على قلوبكم
أتمنى لكم وجبة شهية!