ⴰⵏⴱⵔⴰⵣ ⵓⵍⴰⵎⴱⵉ ⴰⵎⴰⴹⵍⴰⵏ ⵙⵓⴼⵢⴰⵏ ⵍⴱⵇⵇⴰⵍⵉ ⵉⵖⵔⵜ ⵙ ⵜⴳⵉⵔⴰ ⵏ ⵓⵎⵃⵉⵣⵡⴰⵔ ⵏ 3000 ⵎⵉⵜⵔⵓ ⵙ ⵉⵙⴳⴷⴰⵍⵏ
ⵉⵖⵔⵜ ⵓⵏⴱⵔⴰⵣ ⵓⵍⴰⵎⴱⵉ ⴷ ⵉⵎⴰⴹⵍⴰⵏ ⴰⵎⵖⵔⴰⴱⵉ ⵙⵓⴼⵢⴰⵏ ⵍⴱⵇⵇⴰⵍⵉ, ⴰⵙⵙ ⴰⴷ ⵏ ⵓⵚⵉⴹⵢⴰⵙ ⵙ ⵜⴳⵉⵔⴰ ⵏ ⵓⵎⵃⵉⵣⵡⴰⵔ ⵏ 3000 ⵎⵉⵜⵔⵓ ⵙ ⵉⵙⴳⴷⴰⵍⵏ, ⴳ ⵓⵙⴰⵜⵉ ⵏ ⵉⵎⵃⵉⵣⵡⴰⵔⵏ ⵏ ⵜⴱⵔⵣⴰ ⵏ ⵓⵎⴰⴹⴰⵍ ⵜⵉⵙ 19 ⵏ ⵡⵓⵔⴰⵔⵏ ⵏ ⵜⴷⵓⵙⵉ ⵉⵜⵜⵓⵙⴽⴰⵔⵏ ⴳ ⵜⵉⵣⵉ ⴳⵔ 19 ⴰⵔ 27 ⵖⵓⵛⵜ ⴳ ⵜⵎⴰⵥⵓⵏⵜ ⵏ ⵍⵎⴰⵊⴰⵕ ⴱⵓⴷⴰⴱⵉⵙⵜ.
ⵉⴳⴰ ⴷ ⵍⴱⵇⵇⴰⵍⵉ ⵡⵉⵙ ⵙⵉⵏ ⴳ ⵓⵙⴷⴷⵉ ⵡⵉⵙ ⵙⵉⴱ ⵙ ⵜⵉⵣⵉ ⵏ 8 ⵜⵓⵙⴷⴰⴷⵉⵏ ⴷ 23 ⵏ ⵜⵙⵉⵏⵜ ⴷ 66 ⵏ ⵜⵓⵟⵟⵓⵜ ⴳ ⵜⵎⵉⴹⵉ, ⴷⴰⵜ ⵏ ⵓⵎⵉⵔⵉⴽⴰⵏⵉ ⴽⵉⵏⵉⵜ ⵕⵓⴽⵙ ⵏⵏⴰ ⵉⵣⵎⵎⴻⵎ ⵜⵉⵣⵉ ⵢⴰⴽⵙⵓⵍⵏ (8:23:66) ⵢⴰⵛⴽ ⴷ ⵓⵜⵓⵏⵙⵉ ⵎⵓⵃⵎⵎⴰⴷ ⴰⵎⵉⵏ ⵍⵊⵀⵉⵏⴰⵡⵉ ⵡⵉⵙ ⴽⵕⴰⴹ ⵙ ⵜⵉⵣⵉ ⵏ (8:24:20).
ⵓⵔ ⵉⵣⵎⵔ ⵓⵎⵖⵔⴰⴱⵉ ⵚⴰⵍⴰⵃ ⴷⴷⵉⵏ ⴱⵏ ⵢⴰⵣⵉⴷ ⴰⴷ ⵉⵖⵔⵜ, ⴹⴰⵕⵜ ⵎⴰⴷ ⴷ ⵢⵓⵛⴽⴰ ⵡⵉⵙ ⵎⵔⴰⵡ ⴳ ⵓⵙⴷⴷⵉ ⵢⴰⴽⵙⵓⵍⵏ ⵙ ⵜⵉⵣⵉ ⵏ (8:38:14)
ⴳ ⵓⵙⴷⴷⵉ ⴰⵎⵣⵡⴰⵔⵓ, ⵉⴼⴼⵓⵖ ⵓⵎⵖⵔⴰⴱⵉ ⵎⵓⵃⵎⵎⴰⴷ ⵜⵉⵏⴷⵓⴼ ⵍⵍⵉⵖ ⵉⴳⴰ ⵡⵉⵙ ⵚⴹⵉⵚ ⵙ ⵢⴰⵜ ⵜⵉⵣⵉ ⵏ (8:20: 67), ⵉⴼⴼⵖ ⵓⵍⴰ ⵎⵓⵃⵎⵎⴰⴷ ⵎⵓⵙⴰⵄⵉⴷ ⵏⵏⴰ ⵉⴳⴰⵏ ⵡⵉⵙ ⵜⵥⴰ ⴳ ⵓⵙⴷⴷⵉ ⵡⵉⵙ ⴽⵕⴰⴹ ⵙ ⵜⵉⵣⵉ ⵏ (8:22:95)
ⵓⵎⵥⵏ ⵙⵎⵎⵓⵙ ⵉⵎⵣⵡⵓⵔⴰ ⴳ ⴽⵓ ⴰⵙⴷⴷⵉ ⵜⴰⴽⴰⵕⴹⴰ ⵏ ⵜⴷⵔⴰⵡⵜ ⴳ ⵜⴳⵉⵔⴰ ⵏ ⵓⵎⵃⵉⵣⵡⴰⵔ.
ⵉⵜⵜⵓⵙⵎⴷⵢⴰ ⵍⵎⵖⵔⵉⴱ ⴳ ⵜⴱⵔⵣⴰ ⵏ ⵓⵎⴰⴹⴰⵍ ⵏ ⵡⵓⵔⴰⵔⵏ ⵏ ⵜⴷⵓⵙⵉ (ⴱⵓⴷⴰⴱⵉⵙⵜ-2023) ⵙ 17 ⵏ ⵓⵎⴰⵣⵣⴰⵍ ⴷ ⵜⵎⴰⵣⵣⴰⵍⵜ (12 ⵏ ⵓⵎⴰⵣⵣⴰⵍ ⴷ 5 ⵜⵎⴰⵣⵣⴰⵍⵉⵏ).
ⵉⵜⵜⵓⴱⴷⴰⵔ ⵎⴰⵙ ⴷ ⵍⵎⵖⵔⵉⴱ ⵢⵉⵡⵉ 31 ⵏ ⵜⵎⴰⴷⴰⵢⵜ ⴳ ⵜⴷⵔⴰⵡⵜ ⵏⵏⵙ ⵜⵉⵙ 18 ⵉⵣⵔⵉⵏ ⴳ ⵜⴱⵔⵣⴰⵜⵉⵏ ⵏ ⵓⵎⴰⴹⴰⵍ ⵏ ⵡⵓⵔⴰⵔⵏ ⵏ ⵜⴷⵓⵙⵉ, ⴷⵉⴳⵙ 11 ⵏ ⵡⵓⵔⵖ, 12 ⵏ ⵓⵥⵕⴼ, 8 ⵏ ⵡⴰⵏⴰⵙ. ⵢⵉⵡⵉ ⵜⵏⵜ 14 ⵏ ⵓⵎⴰⵣⵣⴰⵍ ⴷ ⵜⵎⴰⵣⵣⴰⵍⵜ.
ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ – ⴰⴳⵯⵍⵎⵉⵎ