ⴰⵎⵣⵡⴰⵔ ⵏ ⵜⵏⴽⵔⴰ ⵜⴰⵎⴰⵣⵉⵖⵜ ⴳ ⵢⵉⵥⵥⵍⵎⴹ ⵏ ⵢⵉⴼⵔⵉⵇⵢⴰ ⵄⵓⵎⴰⵕ ⵓⵙⵄⵉⴷ ⴱⵓⵍⵉⴼⴰ
ⴰⵙⵙ ⵏ 08 ⵢⵓⵏⵢⵓ 1931 ⵉⵎⵎⵓⵜ ⵓⵎⵓⵙⵏⴰⵡ ⵏ ⵜⵙⵏⵉⵍⵙⵜ ⴷ ⵓⵏⵎⵣⵔⵓⵢ ⴰⵎⵣⵡⴰⵔ ⵏ ⵜⵏⴽⵔⴰ ⵜⴰⵎⴰⵣⵉⵖⵜ ⵎⴰⵙⵙ ⵄⵓⵎⴰⵕ ⵓⵙⵄⵉⴷ ⴱⵓⵍⵉⴼⴰ, ⴰⵎⵖⵏⴰⵙ ⴰⵎⵣⵡⴰⵔⵓ ⵏ ⵜⵎⴰⴳⵉⵜ ⵜⴰⵎⴰⵣⵉⵖⵜ ⴳ ⵜⴰⵙⵓⵜ ⵜⵉⵙ 19.
ⵏⵜⵜⴰ ⴷ ⴰⵎⵓⵙⵏⴰⵡ ⵏ ⵜⵙⵏⵉⵍⵙⵜ ⴷ ⵓⵎⴰⵣⵣⴰⴳ ⴳ ⵜⵙⵏⴰⵎⵓⵏⵜ ⴷ ⵓⵎⵣⵔⵓⵢ, ⵉⵍⵓⵍ ⴳ ⵉⵔⵉⴽⵏ ⵢⴰⵜ ⴳ ⵜⴳⵔⴰⵡⵉⵏ ⵏ ⵍⵄⵕⴱⴰ ⵏ ⴰⵢⵜ ⵉⵔⴰⵜⵏ ⵉⴹⴼⵕⵏ ⵉ ⵜⵉⵣⵉ ⵡⵓⵣⵣⵓ, ⵎⴰⴷ ⵢⴰⵥⵏ ⵉ ⵓⵙⴳⴳⵯⴰⵙ ⵏ 1861, ⵉⵖⵔⴰ ⵍⵇⵓⵕⴰⵏ ⴳ ⵜⵎⵥⵉ ⵏⵏⵙ ⴷⴰⵜ ⴰⴷ ⵜ ⵉⵙⵙⴽⵛⵎ ⵓⵏⵜⵜⴰⵢ ⵏⵏⵙ ⵙ ⵜⵉⵏⵎⵍ ⵏ ⵜⵎⴰⵣⵉⵔⵜ ⵍⵍⵉ ⴷ ⵉⴼⴼⵖ ⴰⴷ ⵉⴳ ⴰⵙⵍⵎⴰⴷ, ⵉⴹⴼⵕ ⵜⵉⵣⵔⴰⵡⵉⵏ ⵏⵏⵙ ⴳ ⵍⵊⴰⵥⴰⵢⵕ ⵜⴰⵎⴰⵥⵓⵏⵜ.
ⵏⵜⵜⴰ ⴷ ⴰⵎⵣⵡⴰⵔⵓ ⵏⵏⴰ ⵉⵙⵔⵙⵏ ⵉⵍⵓⴳⵏⵏ ⵏ ⵓⵙⵍⵎⴷ ⴰⴽⴰⴷⵉⵎⵉ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵏⵜⵜⴰ ⴰⴷ ⵉⴼⴽⴰ ⵕⴱⴱⵉ ⴰⵢⵍⵍⵉⵖ ⵓⵔ ⵏⵖⵓⴱⴰⵏ ⵉⵣⵍⴰⵏ ⵏ ⵎⵃⵏⴷ ⵓⵎⵃⵏⴷ, ⵎⴽⵍⵍⵉ ⵉⵙⵎⵓⵏ ⵉⴼⵙⵔ ⵜⵓⴳⵜⵜ ⵏ ⵜⵓⵍⵍⵉⵙⵉⵏ ⵏ ⵜⴰⵢⵙⵉ ⵏ ⵉⵎⴰⵣⵉⵖⵏ ⵏ ⵍⵎⵖⵔⵉⴱ. ⵉⵙⴽⵔ ⵓⵍⴰ ⵜⵓⴳⵜⵜ ⵏ ⵜⵡⵓⵔⵉⵡⵉⵏ ⵅⴼ ⵉⵎⵙⴽⵉⵍⵏ ⵉⵣⵡⴰⵡⵉⵏ ⴷ ⵉⵍⵓⴳⵏⵏ ⵏ ⵜⵓⵜⵍⴰⵢⵜ ⴷ ⵉⵎⴰⵡⴰⵍⵏ. ⵉⵔⵏⵓ ⵏⵏ ⵢⴰⵔⴰ ⴽⵉⴳⴰⵏ ⵏ ⵉⴷⵍⵉⵙⵏ ⵅⴼ ⵜⵓⴷⵔⵜ ⵜⴰⵏⴰⵎⵓⵏⵜ ⵏ ⵉⵎⴰⵣⵉⵖⵏ, ⵢⴰⵏ ⴳ ⵡⵓⴷⵎⴰⵡⵏ ⵉⵎⴰⵏⴰⵔⵏ ⵏⵏⴰ ⵉⵍⵎⴰⵡⴰⵢⵏ ⵙⴼⴼⵓⴽⵍⵏ ⵜⵉⵥⵉⵕⵉⵏ (théories) ⵏ ⵓⵎⴷⴷⵓⵔⵔⵓⵢ ⴰⴼⵕⴰⵏⵚⵉⵚ ⵅⴼ ⵓⵥⵓⵕ ⵏ ⵉⵣⵡⴰⵡⵉⵢⵏ ⴷ ⵓⵥⵍⴰⵢ ⵏⵏⵙⵏ.
ⵉⴳⴰ ⵢⴰⵏ ⵙⴳ ⵉⵙⴰⵜⵓⵔⵏ ⵏ ⵜⵙⴽⵍⴰ ⴷ ⵢⴰⵏ ⵙⴳ ⵉⵏⵎⵣⵔⵓⵢⵏ ⵉⵣⴰⵢⴽⵓⵜⵏ ⵉⵜⵔⴰⵔⵏ ⵏ ⵜⵙⴳⴰ, ⵏⵏⴰ ⵢⵉⵡⵙⵏ ⴳ ⵓⵣⵎⵎⴻⵎ ⵏ ⵉⵣⴷⴰⵡⵏ (Périodes) ⵉⵣⴰⵢⴽⵓⵜⵏ ⴷ ⵓⴼⵔⴰⴳ ⵏⵏⵙⵏ ⵙⴳ ⵓⵏⵖⵓⴱⵓ, ⵎⴽⵍⵍⵉ ⵉⴳⴰ ⴰⵎⵣⵡⴰⵔⵓ ⵏⵏⴰ ⵢⵓⵔⴰⵏ ⵙ ⵜⵎⴰⵣⵉⵖⵜ ⴳ ⵓⵣⵎⵣ ⴰⵜⵔⴰⵔ, ⵉⴳ ⵓⵍⴰ ⴰⵎⴰⵔⴰ ⴰⴷⵣⴰⵢⵔⵉ ⴰⵎⵣⵡⴰⵔⵓ ⵢⵓⵔⴰ ⴷ ⵉⵙⴽⵔ ⵉⵔⵣⵣⵓⵜⵏ ⵅⴼ ⵜⴳⵍⴷⵉⵜ ⵏ ⴽⵓⴽⵓ ⴳ ⵜⵙⴳⴰ ⵏ ⵍⵇⴱⴰⵢⵍ, ⵉⴼⵔⴳ ⵢⴰⵏ ⵓⴳⵣⵣⵓⵎ ⴳ ⵓⵎⵣⵔⵓⵢ ⴰⴷ ⵏⵏⴰ ⵎⴹⵍⵏⵜ ⵜⴰⵙⵓⵜⵉⵏ.
ⵉⴼⵍ ⴷ ⵓⵎⴰⵔⴰ ⵜⵓⴳⵜⵜ ⵏ ⵜⵥⵕⵉⴳⵉⵏ ⵙⴳ ⵉⵍⵍⴰ ⵓⵙⴳⴳⵯⴰⵙ ⴰⵎⵣⵡⴰⵔⵓ ⵏ ⵜⵓⵜⵍⴰⵢⵜ ⵜⴰⵇⴱⴰⵢⵍⵉⵜ, ⵏⵏⴰ ⵉⴳⴰⵏ ⴰⴷⵍⵉⵙ ⵏⵏⵙ ⴰⵎⵣⵡⴰⵔⵓ, ⵉⵙⵙⵓⴼⵖ ⵜ ⵉⴷ ⴳ ⵓⵙⴳⴳⵯⴰⵙ ⵏ 1897, ⵎⴽⵍⵍⵉ ⵉⵙⵎⵓⵏ ⵜⵓⴳⵜⵜ ⵏ ⵜⵎⴷⵢⴰⵣⵉⵏ ⵜⵉⵎⴰⵣⵉⵖⵉⵏ ⴳ ⵢⴰⵏ ⵓⴷⵍⵉⵙ ⵉⵥⵍⵉⵏ ⵏⵏⴰ ⴷ ⵉⴼⴼⵖⵏ ⴳ ⵓⵙⴳⴳⵯⴰⵙ 1904, ⴳ ⵜⴰⵎⴰ ⵏⵏⵙ ⴰⴷⵍⵉⵙ ⵏⵏⵙ « ⴰⴼⵉⵖⴰ » ⴳ ⵢⵉⴳⵔⴰⵏ ⵏ ⵜⴰⵕⴽⵢⵓⵍⵓⵊⵉⵢⵜ ⵏⵏⵉ ⵢⵓⵔⴰ ⴳ 1908, ⴷ «ⵊⴰⵕⵊⴰⵕ ⵙⴳ ⵓⵎⵣⵔⵓⵢ» ⴳ 1925, ⴷ ⵉⴹⵕⵉⵚⵏ ⵉⵎⴰⵣⵉⵖⵏ ⵙ ⵜⴰⵏⵜⵍⴰⵢⵉⵏ ⵏ ⵍⴰⵟⵍⴰⵚ ⴰⵎⵖⵔⴰⴱⵉ ⴳ 1908 ⴷ ⵡⵉⵢⵢⴰⴹ. ⵉⵙⵙⵖⵔⴰ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵙⴷⴰⵡⵉⵜ ⵏ ⴷⴷⵣⴰⵢⵔ ⴰⵔ 1929, ⵎⴰⴷ ⵉⴳⴰⵏ ⵙⵉⵏ ⵉⵙⴳⴳⵯⴰⵙⵏ ⴷⴰⵜ ⵏ ⵜⵎⵜⵜⴰⵏⵜ ⵏⵏⵙ ⴳ ⵓⵙⴳⴳⵯⴰⵙ 1931.
ⵙ ⵓⵏⴰⵡⵍⵓ ⵉⴳⴳⵓⵜⵏ, ⵎⴰⵙ ⴷ ⵢⴰⵏ ⴳ ⵉⵡⴷⴰⵏ ⴰⴷ, ⵓⵔ ⵉⵍⵍⵉ ⴳ ⵉⴷⵍⵉⵙⵏ ⵏ ⵓⵙⵍⵎⴷ ⴳ ⵉⵡⴰⵏⴽⵏ ⵏ ⵢⵉⴼⵔⵉⵇⵢⴰ ⵏ ⵢⵉⵥⵥⵍⵎⴹ, ⴰⵣⵓⵛⵛⵍ ⵅⴼ ⵉⵎⴰⵣⵉⵖⵏ ⴰⴽⴽⵯ ⴰⴷ ⵙⵙⵎⵖⵔⵏ ⴰⴽⵜⵜⵓⵢ ⵏⵏⵙ, ⵜⴰⵎⵓⵙⵏⵉ ⵙ ⴰⵢⵍⵍⵉ ⵉⴼⴽⴰ ⵉ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵢⵓⵜⵏ ⵙ ⵉⵥⵓⵕⴰⵏ ⴳ ⵡⴰⴽⴰⵍ ⵏ ⵢⵉⴼⵔⵉⵇⵢⴰ ⵏ ⵢⵉⵥⵥⵍⵎⴹ.