ⵎⵓⵃⵎⵎⴰⴷ ⵛⵓⴽⵔⵉ: ⵜⵓⵍⵍⵉⵙⵜ ⵏ ⵜⵓⴷⵔⵜ
ⵉⵍⵓⵍ ⵎⵓⵃⵎⵎⴰⴷ ⵛⵓⴽⵔⵉ ⴳ ⵓⵙⴳⴳⵯⴰⵙ ⵏ 1935 , ⴳ ⴰⵢⵜ ⵛⵉⴳⵉⵔ ⴳ ⵜⵙⴳⴰ ⵏ ⵏⵏⴰⴹⵓⵕ ⵉⵥⵥⵍⵎⴹ ⵏ ⵍⵎⵖⵔⵉⴱ, ⵉⴷⴷⵔ ⵢⴰⵜ ⵜⵎⵥⵉ ⵉⵎⵔⴰⵏ ⴷ ⵉⵛⵇⵇⴰⵏ ⴳ ⵡⵓⵙⵓⵏ ⵏⵏⵙ ⵉⵍⵍⴰⵏ ⴳ ⵜⵣⵓⵍⵜ ⵏ ⵔⵔⵉⴼ, ⴹⴰⵕⵜ ⵏⵏⵙ ⴳ ⵜⵖⵔⵎⵜ ⵏ ⵟⴰⵏⵊⴰ ⵏⵏⴰ ⵙ ⵉⵏⵉⴳ ⴰⴽⴷ ⵜⴰⵡⵊⴰ ⵏⵏⵙ ⵏⵏⵙ ⵜⴰⵎⵥⵍⵓⴹⵜ ⴰⵙⴳⴳⵯⴰⵙ ⵏ 1942, ⵉⵍⴽⵎ ⵏⵏ ⵛⵓⴽⵔⵉ ⵟⴰⵏⵊⴰ ⵓⵔ ⵉⵙⵙⵉⵏ ⴰⵎⵢⴰ ⴳ ⵜⵄⵕⴰⴱⵜ, ⴰⵛⴽⵓ ⵜⵓⵜⵍⴰⵢⵜ ⵏⵏⵙ ⵜⴰⵢⵎⵎⴰⵜ ⵜⴳⴰ ⵜⵜ ⵜⵎⴰⵣⵉⵖⵜ (ⵜⴰⵔⵉⴼⵉⵜ), ⵉⵙⵡⵓⵔⵉ ⴳ ⵜⴱⵕⵏⵉⴹⵜ ⵓⵔ ⵜⴰ ⴰⴽⴽⵯ ⴷⴰⵔⵙ 10 ⵏ ⵉⵙⴳⴳⵯⴰⵙⵏ, ⵉⴳ ⴰⵡⴷ ⴰⵣⵔⵣⴰⵢ (ⴰⵃⵎⵎⴰⵍ), ⵉⵣⵣⵏⵣ ⵉⵖⵎⵉⵙⵏ, ⴷ ⵓⵙⴼⴰⴹ ⵏ ⵉⴱⵓⵔⴽⵙⵏ, ⵉⵣⵣⵏⵣ ⴳ ⵜⴱⴰⵖⴰ ⵉⵜⵜⵓⵙⵔⵡⵍⵏ.
ⵜⵎⵎⴰⵜⵜⵉ ⵜⵡⵊⴰ ⵏⵏⵙ ⵙ ⵜⵖⵔⵎⵜ ⵏ ⵜⵉⵟⵟⴰⵡⵉⵏ, ⵎⴰⵛⴰ ⴰⵄⵔⵔⵉⵎ ⴰⴷ ⴰⵎⴰⵣⵉⵖ ⵓⵔ ⵉⴽⴽⵉ ⵢⴰⵜ ⵢⴰⵖⵓⵍ ⵖⴰⵙ ⵏⵜⵜⴰ ⵙ ⵟⴰⵏⵊⴰ, ⵓⵔ ⵉⵍⵎⴷ ⵜⵉⵖⵔⵉ ⴷ ⵜⵉⵔⵔⴰ ⴰⵢⵍⵍⵉⵖ ⵢⵉⵡⴹ ⵙⵉⵎⵔⴰⵡ ⵏ ⵓⵙⴳⴳⵯⴰⵙ, ⴳ ⵓⵙⴳⴳⵯⴰⵙ ⵏ 1955 ⴰⴷ ⵉⵣⵓⴳ ⵢⴰⴳⴳⵓⴳ ⵅⴼ ⵓⵎⴰⴹⴰⵍ ⴰⵏⴰⴷⴷⴰⵡ ⴷ ⵜⵉⵍⴰⵡⵜ ⴷ ⵓⵍⴰⵍⵉ ⴷ ⵓⵙⵙⵔⵡⵍ ⴷ ⵉⵖⵣⵓⵜⵏ ⵏⵏⴰ ⵖ ⵜⵜ ⵉⵏⵏ ⵉⴽⴽⴰ ⵉⵏⴽⴹ ⴳⵉⵙⵏ.
ⵉⴽⵛⵎ ⵛⵓⴽⵔⵉ ⵜⵉⵏⵎⵍ ⴳ ⵜⵖⵔⵎⵜ ⵏ ⵍⵄⵔⴰⵢⵛ, ⵉⵙⵙⵓⴼⵖ, ⵉⵙⵡⵓⵔⵉ ⵉⵍⵎⵎⴰ ⴳ ⵓⵙⵍⵎⴷ, ⴳ ⵓⵙⴳⴳⵯⴰⵙ ⵏ 1966 ⵜⴼⴼⴰⵖ ⴷ ⵜⵓⵍⵍⵉⵙⵜ ⵏⵏⵙ ⵜⴰⵎⵣⵡⴰⵔⵓⵜ ⵅⴼ ⵜⴽⵕⴹⵉ ⴳ ⵓⴼⵜⴰⵙ ⴳ ⵜⵙⵖⵓⵏⵜ ⵏ ⵜⵙⴽⵍⴰ ⵜⴰⵍⵓⴱⵏⴰⵏⵉⵜ, ⴹⴰⵕⵜ ⵏⵏⵙ ⵢⵓⵎⵥ ⵛⵓⴽⵔⵉ ⵜⴰⵏⴰⴼⵜ ⵜⴰⵥⵓⵏⴰⵏⵜ, ⵉⴼⴽ ⵏⵉⵜ ⵜⵉⵣⵉ ⵏⵏⵙ ⵉ ⵜⵉⵔⵔⴰ ⵜⴰⵙⴽⵍⴰⵏⵜ, ⵙⵙⵏⵜⵉⵏⵜ ⵜⵡⵓⵔⵉⵡⵉⵏ ⵏⵏⵙ ⴰⵔ ⴷ ⵜⵜⴰⴳⴳⵯⴰⵏⵜ. ⵉⵙⵡⵓⵔⵉ ⵛⵓⴽⵔⵉ ⴳ ⵢⵉⴳⵔ ⴰⵏⵣⵡⴰⵢ ⵙⴳ ⵉⵖⴰⵡⴰⵙⵏ ⵉⴷⵍⵙⴰⵏⵏ ⵉⴽⴽⴰ ⵜⵜ ⵉⵏⵏ ⴰⵔ ⵜⵏ ⵉⵜⵜⵃⵢⵢⴰⵍ ⴷ ⴰⵔ ⵜⵏ ⵉⵙⵙⵎⵏⵉⴷ ⴳ ⵜⵏⵣⵡⴰⵢⵜ ⵏ ⵟⴰⵏⵊⴰ. ⵙⵍⴰⵡⴰⵏ ⴰⴽⴽⵯ ⴳ ⵓⵖⴰⵡⴰⵙ ⵏⵏⵙ ⵉⵜⵜⵢⴰⵡⵙⵙⴰⵏⵏ « ⵛⵓⴽⵔⵉ ⴷⴰ ⵉⵙⴰⵡⴰⵍ ». ⵉⴷⴷⵔ ⴳ ⵟⴰⵏⵊⴰ ⵢⴰⵜ ⵜⵉⵣⵉ ⵉⵖⵣⵣⵉⴼⵏ ⵓⵔ ⴷⵉⴷⵙ ⵉⵏⴳⴰⵔⴰ ⵖⴰⵙ ⴽⵔⴰ ⵉⵣⵎⴰⵣ ⵎⵥⵥⵉⵏⵉⵏ.
ⵉⵎⵎⵓⵜ ⵛⵓⴽⵔⵉ ⴳ 15 ⵏⵓⵡⴰⵏⴱⵉⵔ 2003 ⵙ ⵓⵙⵔⴰⴳ ⵏ ⵜⵎⴰⴹⵓⵏⵜ ⵏ ⵓⵅⵏⵣⵉⵔ (ⴰⵎⴰⵏⴹⴰⵕ), ⵉⵎⵎⵓⵜ ⴱⵍⴰ ⵊⵊⵓ ⵉⵜⴰⵀⵍ ⴳ ⵜⵓⴷⵔⵜ ⵏⵏⵙ ⴰⴽⴽⵯ, ⵙⴳ ⵉⵡⴰⵍⵉⵡⵏ ⵏⵏⵙ « ⴰⴼⴰⴷ ⴰⴷ ⴳⵖ ⴱⴰⴱⴰⵙ ⵏ ⵢⵉⵡⵉ ⵉⵇⵇⴰⵏ ⴷ ⴰⴷ ⵜⵉⵀⵍⵖ, ⵓⵔ ⵜ ⵔⵉⵖ ⴰⵛⴽⵓ ⴽⵚⵓⴹⵖ ⴰⴷ ⵙⴽⵔⵖ ⴰⵢⵍⵍⵉ ⵉⵢⵉ ⵉⵜⵜⵓⵙⴽⴰⵔⵏ ⴳ ⵜⵓⴷⵔⵜ ⵉⵏⵓ, ⵏⴽⴽⵉ ⵓⵔ ⴳⵉⵖ ⵜⴰⴼⵍⵙⵜ ⴳ ⵢⵉⵅⴼ ⵉⵏⵓ ⵉⵙ ⵔⴰⴷ ⵜ ⵙⵙⴳⵎⵉⵖ ⵎⴽⵍⵍⵉ ⵙ ⴷ ⵉⵇⵇⴰⵏ.
ⵙⴳ ⵜⵡⵓⵔⵉⵡⵉⵏ ⵏⵏⵙ ⵜⵉⵙⴽⵍⴰⵏⵉⵏ:
ⵜⴰⵔⵉⴷⵉⵔⵜ ⵜⴰⵏⵉⵎⴰⵜ (ⴽⵕⴰⴹ ⵉⴳⵯⵣⵎⴰⵏ)
ⴰⴱⴰⵣⵉⵏ (pain nu) 1972, ⵓⵔ ⵉⵜⵜⵓⴼⵙⴰⵔ ⵙ ⵜⵄⵕⴰⴱⵜ ⴰⵔ 1982
ⴰⵣⵎⵣ ⵏ ⵜⵣⴳⵍⵉⵏ (1992)
ⵓⴷⵎⴰⵡⵏ
ⴰⵏⴰⴼⴰⵍ ⵏ ⵉⵊⴷⴷⵉⴳⵏ (1979)
ⵜⴰⵅⴰⵎⵜ ( 1985)
ⴰⴳⴰⴷⴰⵣ ⴰⴳⵯⵏⵙⴰⵏ (1985)
ⵜⴰⵎⵣⴳⵓⵏⵜ ⵏ ⵜⵓⵎⵔⵜ (1994)
ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ – ⴰⴳⵯⵍⵎⵉⵏ.