ⵜⵙⴽⵔ ⵜⵎⴰⵡⴰⵙⵜ ⵏ ⵜⴷⵍⵙⴰ ⵙⵏⴰⵜ ⵜⵙⵎⵖⵓⵔⵉⵏ ⵜⵉⵎⴰⵢⵏⵓⵜⵉⵏ ⵉ ⵜⵎⴰⵣⵉⵖⵜ
ⵢⵉⵡⴹ ⵎⵀⴷⵉ ⴱⵏ ⵙⵄⵉⴷ, ⴰⵎⴰⵡⵙⴰⵙ ⵏ ⵉⵄⵔⵔⵉⵎⵏ ⴷ ⵜⴷⵍⵙⴰ ⴷ ⵓⵎⵢⴰⵡⴰⴹ, ⴰⵙⴽⵔ ⵏ ⵙⵏⴰⵜ ⵜⵙⵎⵖⵓⵔⵉⵏ ⵜⵉⵎⴰⵢⵏⵓⵜⵉⵏ ⴳ ⵜⵙⵎⵖⵓⵔⵜ ⵏ ⵍⵎⵖⵔⵉⴱ ⵉ ⵓⴷⵍⵉⵙ.
ⵢⵉⵏⵉ ⵓⵎⴰⵡⵙⴰⵙ ⵏ ⵜⴷⵍⵙⴰ ⴳ ⵜⵎⵔⴰⵔⵓⵔ ⵏⵏⵙ ⴼ ⵓⵙⵇⵙⵉ ⴰⵎⵉⵔⴰⵢ ⵏ ⵓⵎⴰⵔⵉ ⴰⴱⵕⵍⴰⵎⴰⵏⵉ ⵢⵓⵙⵓⴼ ⵛⵉⵔⵉ ⵙⴳ ⵓⴳⵔⴰⵡ ⴰⵏⴰⵎⵓⵔ ⵏ ⵉⵏⵙⵉⵎⴰⵏⵏ, ⵎⴰⵙ ⵔⴰⴷ ⵜⵥⵍⵉ ⵜⵙⵎⵖⵓⵔⵜ ⵜⴰⵎⵣⵡⴰⵔⵓⵜ ⵉ ⵓⵙⵏⵏⴼⵍⵓⵍ ⴰⵙⴽⵍⴰⵏ ⴰⵎⴰⵣⵉⵖ, ⵜⵉⵙ ⵙⵏⴰⵜ ⵔⴰⴷ ⵜⵥⵍⵉ ⵉ ⵜⵣⵔⴰⵡⵉⵏ ⴳ ⵢⵉⴳⵔ ⵏ ⵜⴷⵍⵙⴰ ⵜⴰⵎⴰⵣⵉⵖⵜ.
ⵉⵏⵏⴰ ⵓⵎⴰⵡⵙⴰⵙ ⵉⵍⵍⴰⵏ ⴼ ⵢⵉⴳⵔ ⵏ ⵜⴷⵍⵙⴰ ⵎⴰⵙ ⵉⵍⵍⴰ ⵓⵙⵏⴰⵍ ⴰⵙⴳⵯⵙⴰⵏ ⵉⵙⵓⵍⵏ ⵏ ⵓⴷⵍⵉⵙ ⴰⵎⴰⵣⵉⵖ ⵖⵎⴽⴰ ⴰⵏⵏ ⴷ ⵜⵎⵙⵎⵓⵏⵉⵏ ⵜⵉⴷⵍⵙⴰⵏⵉⵏ ⵜⵉⵎⴰⵣⵉⵖⵉⵏ ⴳ ⴽⵓ ⵉⴳⵔⴰⵏ ⵎⵓ ⵉⵜⵜⵚⵉⵃⵉ ⵓⵙⵏⴰⵍ.
ⵢⵉⵏⵉ ⵓⵎⴰⵡⵙⴰⵙ ⴱⵏ ⵙⵄⵉⴷ ⵎⴰⵙ ⵔⴰⴷ ⵢⵉⵍⵉ ⵓⵍⴰ ⵓⵙⵓⵖⵍ ⵏ ⴽⵉⴳⴰⵏ ⵏ ⵜⵡⵡⵓⵔⵉⵡⵉⵏ ⵣⴷⵉⵏⵉⵏ ⴷ ⵡⴰⵢⴷⴰ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.