ⴰⵎⴹⴰⴽⴰⵕ ⵊⴰⵔ ⵓⵙⵉⵏⴰⴳ ⴰⵎⴰⵣⵉⵖ ⴷ ⵜⵎⴰⵡⴰⵙⵜ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ
ⵉⵜⵜⵓⵙⴽⴰⵔ ⵓⵎⴹⴰⴽⴰⵕ ⴰⵙⵙ ⴰⵙⵉⵎⵡⴰⵙ 17 ⴷⵓⵊⴰⵏⴱⵉⵔ 2021 ⵊⴰⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵎⴰⵡⴰⵙⵜ ⵜⴰⵎⴰⵔⵉⵜ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵎⵓⴽⵏ ⵏ ⵜⵎⵙⵙⵓⴳⵓⵔⵜ.
ⴳ ⵓⵏⵎⵓⵇⵇⴰⵔ ⴰⴷ ⵜⵏⵏⴰ ⵎⴰⵙⵙⴰ ⵜⴰⵎⴰⵡⵙⴰⵙⵜ ⵖⵉⵜⴰ ⵎⵣⵣⵓⵔ ⵎⴰⵙ ⵔⴰⴷ ⵢⵉⵍⵉ ⵓⵙⵓⵊⴷ ⵏ ⵢⴰⵏ ⵓⵖⴰⵡⴰⵙ ⵉ ⵓⵙⴷⵓⵙ ⴷ ⵓⵙⵏⴰⵍ ⵏ ⵓⵙⵎⵔⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⵉⴷ ⵏⵏⵙ ⴳ ⵜⵎⵙⵙⵓⴳⵓⵔⵜ, ⵙ ⵉⵖⴰⵡⴰⵙⵏ ⵏ ⵜⵡⵡⵓⵔⵉ ⵛⵛⴰⵔⵏⵉⵏ ⵊⴰⵔ ⵜⴰⵎⴰⵡⴰⵙⵜ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.
ⵜⵉⵏⵉ ⵎⴰⵙⵙⴰ ⵎⵣⵣⵓⵔ ⵎⴰⵙ ⵉⴽ ⵉⴽⵛⵎ ⵓⵏⵎⵓⵇⵇⴰⵔ ⴰⴷ ⴳ ⵓⵙⴽⵔ ⵏ ⵓⵖⴰⵡⴰⵙ ⵓⵏⴱⵉⴹ, ⵙⵍⴰⵡⴰⵏ ⴰⴽⴽⵯ ⵎⴰⴷ ⵉⵥⵍⵉⵏ ⴷ ⵓⵙⵎⵀⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵎⴰⴷ ⵉⵣⵍⵉⵏ ⴷ ⵢⵉⴳⵔ ⵏ ⵜⵎⵙⵙⵓⴳⵓⵔⵜ.
ⵜⵙⴰⵡⵍ ⵎⴰⵙⵙⴰ ⵜⴰⵎⴰⵡⵙⴰⵙⵜ ⴼ ⵓⵙⵏⴰⵍ ⵏ ⵉⵙⵏⴼⴰⵔⵏ ⵡⴰⵜⵜⵙⵏⵉⵏ ⴰⵙⵏⴰⵍ ⵏ ⵓⵙⵎⵔⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵙⵙⵓⴳⵓⵔⵜ ⵜⴰⴳⴷⵓⴷⴰⵏⵜ, ⵍⵍⵉ ⵔⴰⴷ ⵢⵉⵍⵉ ⴷ ⵜⵡⵉⵙⵉ ⴰⴽⴷ ⴰⵙⵉⵏⴰⴳ ⵏ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.
ⴳ ⵓⵎⵏⵉⴷ ⵏⵏⵙ, ⵉⵏⵏⴰ ⵎⴰⵙⵙ ⵃⵎⴰⴷ ⴱⵓⵊⵓⵙ ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙ ⵉⴳⴰ ⵓⵏⵎⵓⵇⵇⴰⵔ ⴰⴷ ⵜⴰⵎⵍⴷⴰ ⵏ ⵓⵔⵣⵣⵓ ⵏ ⵜⵙⵉⵍⴰ ⵏ ⵜⵡⵡⵓⵔⵉ ⵉⵛⵛⴰⵔⵏ ⴷ ⵓⵔⵣⵣⵓ ⵏ ⵜⴱⵔⵉⴷⵉⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵎⴰⵡⴰⵙⵜ ⵙ ⵢⴰⵏ ⵓⵖⴰⵡⴰⵙ ⵏ ⵜⵡⵡⵓⵔⵉ ⵉⴳⴰⵏ ⵡⵉⵏ ⵓⵙⴳⴳⵯⴰⵙ ⵏⵖ ⵓⴳⴳⴰⵔ.
ⵢⵉⵏⵉ ⵎⴰⵙⵙ ⴱⵓⴽⴽⵓⵙ ⵎⴰⵙ ⵔⴰⴷ ⵢⵉⵍⵉ ⵓⵙⵏⴼⵍ ⵏ ⵉⵎⵏⵏⵉⵜⵏ ⵏ ⵜⵎⵢⴰⵇⵇⴰⵏⵜ ⵉⵍⵍⴰⵏ ⵊⴰⵔ ⵓⵙⵉⵏⴰⴳ ⵜⵎⴰⵡⴰⵙⵜ ⴳ ⵎⴰⴷ ⵉⵥⵍⵉⵏ ⵙ ⵉⵡⵜⵜⴰⵙⵏ ⵏ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵙⵙⵓⴳⵓⵔⵜ ⴷ ⵢⵉⴳⵔ ⵏ ⵜⵎⵓⵟⵟⵓⵏⵜ. ⵖⵎⴽ ⵍⵍⵉ ⵉⵏⵏⴰ ⵎⴰⵙ ⵔⴰⴷ ⵉⵙⵡⵓⵔⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵓⵙⵎⵓⵜⵜⴳ ⵏ ⵉⵄⵔⵔⵉⵎⵏ ⵍⵍⵉ ⵔⴰⴷ ⵉⵙⵡⵓⵔⵉ ⴳ ⵓⵎⵏⵉⴷ ⴰⴷ.
ⵉⵙⵓⵜⴳ ⵎⴰⵙⵙ ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⵓⵎⵢⴰⵡⴰⵙ ⵉⵍⵍⴰⵏ ⵊⴰⵔ ⵓⵙⵉⵏⴰⴳ ⴷ ⵜⵎⴰⵡⴰⵙⵜ ⴰⴷ, ⵢⵉⵏⵉ ⵎⴰⵙ ⴱⴷⴷⴰ ⵉⵙⵡⵓⵔⵉ ⵓⵙⵉⵏⴰⴳ ⵃⵎⴰ ⴰⴷ ⵉⵔⴰⵔ ⵉ ⵜⵓⵜⵔⴰⵡⵉⵏ ⵏ ⴽⵓ ⵜⵉⵎⵔⵙⴰⵍ ⴳ ⵢⵉⴳⵔ ⵏ ⵓⵙⵡⵓⵔⵉ ⵏⵏⵙ.