ⵉⵙⴼⵓⴳⵍⴰ ⵓⵙⵉⵏⴰⴳ ⴰⴳⵍⴷⴰ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵙ ⵏ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ
ⵉⵙⵏⵎⴰⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵙ ⵏ ⵡⴰⵢⵏⴰⵙ 23 ⵎⴰⵢ 2022 ⴰⵙⵙ ⴰⵎⴰⴹⵍⴰⵏ ⵏ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ, ⵖ ⴷⵔⵓⵏ ⵎⵏⵏⴰⵡ ⵉⵎⵓⵣⴰⵢⵏ ⴳ ⵓⵎⵏⵉⴷ ⵏ ⵓⵙⵡⵓⴷⴷⵓ ⴰⵎⵔⵙⵍⴰⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵖ ⵍⵍⴰⵏ: ⵎⴰⵙⵙ ⴰⵎⵉⵏ ⴱⵏ ⵛⵛⵉⵅ ⵜⴰⵎⵛⵛⵉⵡⵕⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⴷⴰⵡ ⵏ ⵜⵎⴰⵣⵖⵉⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵎⴰⵙⵙ ⵎⵓⵃⵎⵎⴰⴷ ⵍⵎⵓⵄⵉⵏ ⵙⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙ ⵎⵓⵃⴰ ⵓⵃⵙⴰⵢⵏ ⵙⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ, ⵎⴰⵙⵙ ⵡⴰⴷⵉⵄ ⵙⴽⵓⴽⵓ ⵙⴳ ⵜⵎⴰⵡⴰⵙ ⴷ ⵜⵄⵄⵓⵔⵎⴰ ⴷ ⵓⵎⵢⴰⵡⴰⴹ ⴷ ⵜⴷⵍⵙⴰ.
ⵢⵉⵏⵉ ⵎⴰⵙⵙ ⵍⵅⴰⵟⵉⵕ ⴰⴱⵓⵍⵇⴰⵙⵉⵎ, ⴰⵏⵎⵀⴰⵍ ⵏ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⵜⵓⵏⵜⵕⵓⴱⵓⵍⵓⵊⵉⵢⵉⵏ ⴷ ⵜⵏⴰⵎⵓⵏⵉⵏ ⵉⴹⴼⵕⵏ ⵉ ⵓⵙⵉⵏⴰⴳ ⴰⴳⵍⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵎⴰⵙ ⵉⵣⴷⵉ ⵓⵙⵎⵖⵍ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵜⴳⵎⵉ, ⵉⵇⵇⴰⵏ ⴷ ⵓⵙⵎⵖⵔ ⵏ ⵜⴼⴰⴷⵉⵡⵉⵏ ⵏ ⵜⵓⴷⵔⵜ ⵏ ⵉⵎⵣⴷⴰⵖⵏ ⵙⴰⵡⴰⵍⵏⵉⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵎⵏⵉⴷ ⴰⴷ.
ⵉⴽⵛⵎ ⵓⵏⵎⵓⵇⵇⴰⵔ ⴰⴷ ⴳ ⵜⵎⵢⵓⵔⵜ ⵏ ⵓⵙⴼⵓⴳⵍⵓ ⵏ ⵡⴰⵙⵙ ⴰⴳⵔⵖⵍⴰⵏ ⵏ ⵜⵎⵏⵏⴰⵡⵜ ⵜⴰⴷⵍⵙⴰⵏ, ⵉⵜⵜⵓⵙⴽⴰⵔ ⵓⵙⴼⵓⴳⵍⵓ ⵏⵏⵙ ⴰⵙⴳⴳⵯⴰⵙ ⴰⴷ ⴷⴷⵓ ⵜⵎⴰⵜⴰⵔⵜ: ⴰⵙⵡⵓⴷⴷⵓ ⵓⵏⵚⵉⴱ ⵏ ⵜⵎⵏⵏⴰⵡⵜ ⵜⴰⵙⵏⵉⵍⵙⵜ ⴷ ⵜⴷⵍⵙⴰⵏⵜ. ⵉⴽⵛⵎ ⵓⵙⴼⵓⴳⵍⵓ ⵏ ⵓⵙⴳⴳⵯⴰⵙ ⴰⴷ ⴳ ⵓⵎⴰⴹ ⵉⵥⵍⵉⵏ ⴷ ⵓⵙⴽⵔ ⵏ ⴽⵉⴳⴰⵏ ⵏ ⵜⵎⵙⴽⴰⵔ ⵣⴷⵉⵏⵉⵏ ⴷ ⵓⵙⵎⵀⵍ ⵏ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 26.16 ⵉⵙⴰⵡⵍⵏ ⴼ ⵜⴼⵔⴽⵉⵡⵉⵏ ⵏ ⵓⵙⴽⵔ ⵏ ⵓⴼⵔⵉⵙ ⴰⵎⴰⴷⴷⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵉⵙⵉⴷⴼ ⵏⵏⵙ ⴳ ⵉⴳⵔⴰⵡⵏ ⵉⵎⵣⵡⵓⵔⴰ ⴷ ⵜⵓⴷⵔⵜ ⵜⵎⴰⵜⴰⵢⵜ.
ⴳ ⵓⵎⵏⵉⴷ ⴰⴷ, ⵜⵙⵎⵏⵉⴷ ⵎⴰⵙⵙⴰ ⴰⵎⵉⵏ ⴱⵏ ⵛⵛⵉⵉⵅ, ⵜⴰⵎⵛⵛⵉⵡⵕⵜ ⵉⵜⵜⵓⵙⵎⴰⴳⴰⵍⵏ ⵙ ⵓⵙⴷⴰⵡ ⵏ ⵜⵎⴰⵣⵉⵖⵜ ⵖⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⵜⵙⵎⵏⵉⴷ ⵜⵉⵡⵡⵓⵔⵉⵡⵉⵏ ⵍⵍⵉ ⵜⵙⵔⵙ ⵜⵏⴱⴰⴹⵟ ⵃⵎⴰ ⴰⴷ ⵢⵉⵍⵉ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵉⴳⵔⴰⵏ ⵏ ⵓⵙⵙⵍⵎⴷ ⴷ ⵓⵙⵏⵖⵎⵙ ⴷ ⵜⵣⵔⴼⵜ ⴷ ⵜⴷⵍⵙⴰ.
ⵖ ⵜⵙⴳⴰ ⵏⵏⵙ, ⵉⵙⵎⵏⵉⴷ ⵎⴰⵙⵙ ⵎⵓⵃⵎⵎⴰⴷ ⵍⵎⵓⵄⵉⵏ, ⵙⴳ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵜⵉⵔⵎⵉⵜ ⵏ ⵓⵙⵇⵇⵉⵎ ⴰⴷ ⴰⴷⵙⵜⴰⵔ ⴳ ⵓⵎⵏⵉⴷ ⵏ ⵓⵙⵡⵓⴷⴷⵓ ⵏ ⵜⵎⵏⵏⴰⵡⵜ ⵜⴰⴷⵍⵙⴰⵏⵜ ⴳ ⵜⵎⵓⵔⵜ ⵏⵏⵖ.
ⴳ ⵓⵎⵏⵉⴷ ⵏⵏⵙⵏ ⵉⵙⵎⵏⵉⴷ ⵎⴰⵙⵙ ⵎⵓⵃⴰ ⵓⵃⵙⴰⵢ, ⵙⴳ ⵜⵎⴰⵡⴰⵙⵜ ⵏ ⵜⴼⵍⵍⴰⵃⵜ, ⴷ ⵎⴰⵙⵙ ⵡⴰⴷⵉⵄ ⵙⴽⵓⴽⵓ ⵙⴳ ⵜⵎⴰⵡⴰⵙⵜ ⵏ ⵜⴷⵍⵙⴰ, ⵜⵉⵔⵎⵉⵜⵉⵏ ⵏ ⵜⵎⴰⵡⴰⵙⵉⵏ ⴰⴷ ⴳ ⵓⵎⵏⵉⴷ ⵏ ⵓⵙⵉⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.