ⵜⵉⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵊⴰⵔ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵢⴰ
ⵉⵎⴹⴰⴽⴰⵕ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴰⵢⵏⴰⵙ 19 ⴷⵓⵊⴰⵏⴱⵉⵔ 2022 ⴳ ⵕⵕⴱⴰⵟ, ⴷ ⵎⴰⵙⵙ ⵛⵛⵉⵅ ⴰⵃⵎⴰⴷ ⴱⴰⵢⵀ ⴰⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵜⴳⴷⵓⴷⴰⵏⵜ ⵜⵓⵙⵍⵉⵎⵜ ⵏ ⵎⵓⵔⵉⵟⴰⵏⵢⴰ ⵉⵍⵍⴰⵏ ⴳ ⵓⵔⵣⴰⴼ ⴰⵎⴰⴷⴷⵓⴷ ⵉ ⵜⵎⴰⵣⵉⵔⵜ ⵏⵏⵖ ⴷ ⵓⴽⴰⴱⴰⵕ ⴰⴱⵕⵍⴰⵎⴰⵏⵉ ⵉⵙⵜⴰⵡⵀⵎⵎⴰⵏ.
ⴳ ⵓⵏⵎⵓⵇⵇⵔ ⴰⴷ, ⵉⵍⵍⴰ ⵓⵙⵓⵜⴳ ⵏ ⵜⵣⴷⴰⵢⵉⵏ ⵜⵉⵎⵣⵔⴰⵢⵉⵏ ⵥⵉⵍⵏⵉⵏ ⵙⵎⵓⵏⵏⵉⵏ ⵙⵏⴰⵜ ⵜⵎⵉⵣⴰⵔ, ⵢⵉⵍⵉ ⵓⵎⵙⴰⵙⴰ ⴼ ⵜⵉⴽⴽⵉ ⵏ ⵓⵏⴼⵓⵙ ⴰⵎⴰⵢⵏⵓ ⵉ ⵜⵣⴷⴰⵢⵉⵏ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ , ⴷ ⵓⵙⴽⵔ ⵏ ⵓⵏⵎⵓⵇⵇⴰⵔ ⴰⴱⵕⵍⴰⵎⴰⵏⵉ ⴰⵎⵖⵔⵉⴱⵉ-ⴰⵎⵓⵕⵉⵟⴰⵏⵉ ⴷ ⵓⵙⵉⴳⵓⵜ ⵏ ⵓⵎⵛⴰⵡⵕ ⴷ ⵓⵣⴷⴰⵢ ⴳ ⵜⵎⵙⴰⵔⵉⵏ ⵛⵛⴰⵔⵏⵉⵏ.
ⴳ ⵜⵣⵡⵉⵔⵉ, ⵉⵙⴱⵔⵔⴽ ⵎⴰⵙⵙ ⵕⴰⵛⵉⴷ ⵜⴰⵍⴱⵉ ⵍⵄⴰⵍⴰⵎⵉ ⴰⵔⵣⴰⴼ ⴰⴷ, ⵉⵙⴷⴷⵉⴷ ⴼ ⵡⴰⵜⵉⴳ ⵏ ⵜⵣⴷⴰⵢⵉⵏ ⵍⵍⴰⵏⵉⵏ ⵊⴰⵔ ⵙⵏⴰⵜ ⵜⵎⵉⵣⴰⵔ, ⵍⵍⵉ ⵣⵣⵉⴳⵣⵏⵉⵏ ⵙ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙ ⵚⴹⵉⵚ ⴰⴷ ⵜ ⵏⵚⵕ ⵕⴱⴱⵉⴷ ⵓⵏⵙⵙⵉⵅⴼ ⴰⵎⵓⵕⵉⵟⴰⵏⵉ ⵎⴰⵙⵙ ⵎⵓⵃⴰⵎⵎⴰⴷ ⵡⵍⴷ ⵛⵛⵉⵅ ⵍⵖⵣⵡⴰⵏⵉ.
ⵉⵙⵎⵏⵉⴷ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉⴳⵔⴰⵏ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵏ ⵎⵓⵔⵉⵟⴰⵏⵢⴰ, ⵉⵙⴰⵡⵍ ⴼ ⵡⴰⵜⵉⴳ ⵏ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ ⴳ ⵢⵉⴳⵔ ⵏ ⵓⵙⵎⴰⵜⵜⵉ ⴰⵎⵓⵟⵟⵓⵏ ⴷ ⵓⵙⵡⵓⴷⴷⵓ ⵏ ⵍⴰⵕⵉⴼ ⴷ ⵜⵡⵡⵓⵔⵉ ⵜⴰⵣⵣⵔⴰⴼⵜ ⴷ ⵓⴱⵕⵍⴰⵎⴰⵏ ⵉⵏⵏⵓⵕⵥⵎⵏ, ⵉⵙⵓⵜⴳ ⵜⵉⵣⴷⴰⵢⵉⵏ ⵜⵉⴱⵕⵍⴰⵎⴰⵏⵉⵢⵉⵏ ⵥⵉⵍⵏⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ.
ⴳ ⵓⵎⵏⵉⴷ ⵏⵏⵙ, ⵉⵏⵏⴰ ⵎⴰⵙⵙ ⵛⵉⵅ ⴰⵃⵎⴰⴷ ⴱⴰⵢⵀ ⵎⴰⵙ ⵉⴳⴰ ⵓⵔⵣⴰⴼ ⴰⴷ ⵏⵏⵙ ⵉ ⵜⴳⵍⴷⵉⵜ ⵏ ⵍⵎⵖⵔⵉⴱ ⵡⴰⴷ ⵉⵡⴰⵜⵜⵙⵏ ⴰⵙⴷⵓⵙ ⵏ ⵜⵣⴷⴰⵢⵉⵏ ⵊⴰⵔ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴷ ⵙⵏⴰⵜ ⵜⵎⵉⵣⴰⵔ, ⵢⵉⵏⵉ ⵎⴰⵙ ⵥⵉⵍⵉⵏⵜ ⵜⵣⴷⴰⵢⵉⵏ ⵢⵉⵍⵉ ⵓⵏⴰⵔⵓⵣ ⵉ ⵓⵚⴽⵓ ⵏ ⵜⴷⵔⴰⵡⵉⵏ ⵉ ⵚⴰⵃⴰ ⵏ ⵙⵏⴰⵜ ⵜⵎⵉⵣⴰⵔ.
ⵉⵙⴷⴷⵉⴷ ⵎⴰⵙⵙ ⵛⵛⵉⵅ ⴰⵃⵎⴰⴷ ⴱⴰⵢⵀ ⴼ ⵉⵎⵏⴰⴷⵏⵏ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵉⵣⴰⵔ ⴳ ⵉⵙⵡⵉⵔⵏ ⴰⴷⵎⵙⴰⵏ ⴷ ⵓⵏⴼⵍⴰⵃ, ⵉⵙⴰⵡⵍ ⴼ ⵓⵙⵙⴰⵔⴰ ⴷ ⵜⵓⴳⴳⴰⵙ ⵏ ⵓⵙⵏⴼⵍ ⵏ ⵜⵉⵔⵎⵉⵜⵉⵏ ⴷ ⵜⵎⵓⵣⴰⵢⵉⵏ.
ⵉⵃⴰⴹⵕ ⴳ ⵓⵏⵎⵓⵇⵇⴰⵔ ⴰⴷ, ⵙⴳ ⵜⵙⴳⴰ ⵜⴰⵎⵓⵕⵉⵟⴰⵏⵉⵜ: ⵎⴰⵙⵙ ⵣⵉⵏⴱ ⵜⵜⴰⵇⵉ ⵜⴰⵏⵙⵙⵉⵅⴼⵜ ⵏ ⵜⵔⴰⴱⴱⵓⵜ ⵜⴰⴱⵕⵍⴰⵎⴰⵏⵉⵜ ⵏ ⵜⴷⴷⵓⴽⴽⵯⵍⴰ ⵊⴰⵔ ⵍⵎⵖⵔⵉⴱ ⴷ ⵎⵓⵕⵉⵟⴰⵏⵉⵢⴰ, ⵉⴷ ⵎⴰⵙⵙ ⴷ ⵉⵙⵜ ⵎⴰⵙⵙⴰ ⵉⵎⵓⵔⴰ: ⴼⴰⵟⵉⵎⴰ ⴰⵊⵉⴷ, ⵎⵓⵃⴰⵎⵎⴰⴷ ⵄⴰⵢⵢⴰ, ⵢⵓⵔⵓ ⴱⴰⵔⵉ, ⴰⵃⵎⴰⴷ ⵄⴰⴱⴷⵓⵍⵍⴰⵀ, ⵉⵙⵃⴰⵇ ⴰⵃⵎⴰⴷ ⵎⴰⵙⴽⵉⵀ, ⵙⴰⵢⵢⵉⴷ ⴰⵃⵎⴰⴷ ⴷⵡⵡⵉⵔⵉ, ⴰⵃⵎⴰⴷ ⵃⴰⵎⵎⴰⴷⵉ, ⵎⴰⵍⴽ ⵄⴰⵏⵉⵏ ⵎⴰⵃⵎ, ⵜⵓⵜ ⵖⴰⵢⴱ, ⵎⴰⵢⵎⵓⵏⴰ ⵢⴰⵔⴳⵉⵜ ⵎⴰⵙⵄⵓⴷ. ⵙⴳ ⵜⴷⵙⴳⴰ ⵜⴰⵎⵖⵔⵉⴱⵉⵜ: ⵎⴰⵃⴰⵎⵎⴰⴷ ⵚⵚⴱⴱⴰⵕⵉ ⴰⵎⴰⵔⵉ ⴰⵎⵣⵡⴰⵔⵓ ⵏ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ, ⵎⴰⵙⵙ ⵙⵉⴷⵉ ⵚⴰⵍⵃ ⵉⴷⵔⵉⵙⵉ ⴰⵏⵙⵙⵉⵅⴼ ⵏ ⵜⵔⴰⴱⴱⵓⵜ ⵏ ⵜⴷⴷⵓⴽⴽⵯⵍⴰ ⵜⴰⴱⵕⵍⴰⵎⴰⵏⵉⵜ ⵍⵎⵖⵔⵉⴱ-ⵎⵓⵔⵉⵟⴰⵏⵢⴰ.ⴰ