ⵜⴰⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵏⵢⴰⵍⴽⴰⵎ ⵜⴱⵔⵔⵃ ⵙ ⵓⵏⵏⵓⵕⵥⵎ ⵏ ⵜⵕⵉⵕⴹⵜ ⵜⴰⴷⵍⵙⴰⵏⵜ ⵏ ⵓⵙⵉⵙⵏ ⵙ ⵡⴰⵢⴷⴰ ⴰⵎⵖⵔⵉⴱⵉ ⴷ ⵉⴷⵍⵉⵙⵏ ⴷ ⵉⵏⵎⵓⵇⵇⴰⵔⵏ ⵉⴷⵍⵙⴰⵏⵏ
ⵜⵙⵙⵓⴹⵕⴻⵕ (ⵜⴱⵔⵔⵃ) ⵜⵎⴰⵡⴰⵙⵜ ⵏ ⵜⵄⵄⵓⵔⵎⴰ ⴷ ⵜⴷⵍⵙⴰ ⴷ ⵓⵏⵢⴰⵍⴽⴰⵎ, ⴰⵙⵙ ⴰⴷ ⵏ ⵓⴽⵡⴰⵙ, ⵎⴰⵙ ⵜⵏⵏⵓⵕⵥⵎ ⵉ ⵢⴰⵜ ⵜⵕⵉⵕⴹⵜ ⵜⴰⴷⵍⵙⴰⵏⵜ ⵏ ⵓⵙⵉⵙⵏ ⵙ ⵡⴰⵢⴷⴰ ⴰⵎⵖⵔⵉⴱⵉ ⴷ ⵉⴷⵍⵉⵙⵏ ⴷ ⵉⵏⵎⵓⵇⵇⴰⵔⵏ ⵉⴷⵍⵙⴰⵏⵏ (www.culture.ma), ⴳⵉⵙ ⵜⵓⵎⴰⵢⵉⵏ ⵜⵉⴷⵍⵙⴰⵏⵉⵏ ⵜⵉⵎⵔⴰⴱⵉⵢⵉⵏ ⴳ ⵢⵉⴳⵔⴰⵏ ⵏ ⵓⴷⵍⵉⵙ ⴷ ⵡⴰⵢⴷⴰ ⴷ ⵜⴰⵢⵙⵉ.
ⵜⴱⴷⵔ ⵜⵎⴰⵡⴰⵙⵜ, ⴳ ⵢⴰⵏ ⵓⵙⵉⵡⴹ, ⵎⴰⵙ ⴷ ⵜⴰⵕⵉⵕⴹⵜ ⴰⴷ ⵔⴰⴷ ⵜⴰⵡⵙ ⴳ ⵜⵎⵀⵍⵜ (ⵜⵎⴳⴳⵉⵜ) ⵏ ⵡⵓⵎⵓⵖ ⵏ ⵡⴰⵢⴷⴰ ⴰⴽⵎⴰⵎ ⴷ ⵡⴰⵔ ⴰⴽⵎⴰⵎ ⴰⵎⵖⵔⵉⴱⵉ ⴷ ⵓⵙⵎⵏⵉⴷ ⵏⵏⵙ ⵙ ⵜⵡⵍⴰⴼⵉⵏ ⴷ ⵉⴼⵉⴷⵢⵓⵜⵏ ⴷ ⵉⴳⵣⵎⴰⵏ ⵏ ⵓⵙⵉⵙⵏ ⵏ ⴽⵓ ⴰⴼⵔⴷⵉⵙ ⴳⵉⵙ. ⵙ ⵜⵔⵏⴰⵡⵜ ⵏ ⵓⵙⵉⵙⵏ ⵙ ⵉⵏⵎⵓⵇⵇⴰⵔⵏ ⵉⴷⵍⵙⴰⵏⵏ ⵉⵏⴰⵎⵓⵔⵏ, ⴷ ⴰⵡⴷ ⵉⴷⵍⵉⵙⵏ ⵏⵏⴰ ⵉⵍⵍⴰⵏ.
ⵉⵔⵏⵓ ⵓⵖⴱⴰⵍⵓ ⴰⵢⴰ ⵏⵏ ⵏⵉⵜ, ⵎⴰⵙ ⴷ ⵜⴰⵎⵙⵓⵍⵜ ⴰⴷ, ⵉⵜⵜⵢⴰⵡⵙⴽⴰⵔⵏ ⵉ ⵜⴷⵍⵙⴰ ⴳ ⵍⵎⵖⵔⵉⴱ, ⴷⴰⵔⵙ ⵢⴰⵜ ⵜⵉⵏⴷⵉ ⴱⴰⵀⵔⴰ ⵎⵇⵇⵓⵔⵏ, ⵙ ⵜⵎⵍⴰⵍⵜ ⵏⵏⵙ ⵉⴳⴰⵏ ⴰⵏⵣⴰⵍ ⵏ ⵓⵙⵉⴷⴼ ⵙ ⵜⴷⵍⵙⴰ ⴷ ⵓⵣⵓⵣⵣⵔ ⵏ ⵜⵓⵎⴰⵢⵉⵏ ⵉⵎⵉⵍⵜⵉⵎⵉⴷⵢⴰⵜⵏ ⴳ ⵢⵉⴳⵔⴰⵏ ⵏ ⵜⵥⵓⵕⵉ ⴷ ⵓⴷⵍⵉⵙ ⴷ ⵡⴰⵢⴷⴰ ⵙⴳ ⵜⵓⴳⴷⵜ ⵏ ⵉⴼⵉⴷⵢⵓⵜⵏ ⵏⵏⴰ ⵉⵙⵙⵏⵜⴰⵎⵏ ⵉⵏⵎⵓⵇⵇⴰⵔⵏ ⵉⴷⵍⵙⴰⵏⵏ ⴷ ⵉⵙⴼⵙⴰⵔ ⵏ ⵓⴷⵍⵉⵙ ⴷ ⵡⴰⵢⴷⴰ ⴰⴷⵍⵙⴰⵏ ⴰⴽⵎⴰⵎ ⴷ ⵡⴰⵔ ⴰⴽⵎⴰⵎ.
ⵔⴰⴷ ⵜⴳ ⵜⵕⵉⵔⴹⵜ ⴰⴷ, ⵢⴰⵜ ⵜⵙⴷⵍⵉⵙⵜ ⵜⴰⵎⵔⴷⵓⵍⵜ ⵏⵏⴰ ⵔⴰⴷ ⵉⵜⵜⵓⵙⵔⴰⵙⵏ ⵉ ⵉⵡⴷⴰⵏ ⴰⴽⴽⵯ, ⵔⴰⴷ ⵜⵙⵣⵎⵔ ⴰⵙⵎⵏⵉⴷ ⴷ ⵓⵏⵜⴰⵎ ⵏ ⵜⵎⵙⴰⵔⵉⵏ ⵜⵉⴷⵍⵙⴰⵏⵉⵏ ⵜⵉⵎⵇⵇⵔⴰⵏⵉⵏ, ⴷ ⵡⵓⵍⵓⵢ ⵙ ⵜⵥⴹⴰⵕⵉⵏ ⵜⵉⵥⵓⵕⴰⵏⵉⵏ ⴷ ⵜⵏⴽⵔⴰ ⵙ ⵜⵡⵓⵔⵉⵡⵉⵏ ⵜⵉⵙⴽⵍⴰⵏⵉⵏ ⴷ ⵓⵃⵟⵟⵓ (ⵓⴼⵔⴰⴳ) ⵏ ⵡⴰⵢⴷⴰ ⴰⴷⵍⵙⴰⵏ ⴰⵎⵖⵔⴰⴱⵉ.
ⵎⴽⵍⵍⵉ ⵔⴰⴷ ⵜⴳ ⵜⵕⵉⵕⴹⵜ ⴰⴷ ⵢⴰⵏ ⵓⵙⴰⵢⵔⴰⵔ ⵢⴰⴽⴽⴰⵏ ⵢⴰⵜ ⵜⴰⵏⵏⴰⵢⵜ ⵉⴼⴰⵡⵏ ⵅⴼ ⵜⵉⵍⴰⵍ ⵏ ⵢⵉⴳⵔ ⵏ ⵜⴷⵍⵙⴰ ⴳ ⵉⴱⴰⵔⴰⵣⵏ ⵏⵏⵙ ⵙ ⴽⵕⴰⴹ, ⵜⵉⵥⵓⵕⵉⵡⵉⵏ ⴷ ⵓⴷⵍⵉⵙ ⴷ ⵡⴰⵢⴷⴰ, ⵉⴳ ⵓⵢⴰ ⴰⴹⴼⵓⵕ ⵏ ⵜⵡⴰⴷⴰ ⵖⵓⵔ ⴰⵡⵜⵜⴰⵙ ⵏ ⵓⴼⵔⴰⴳ ⵏ ⵡⴰⵢⴷⴰ ⴰⴷⵍⵙⴰⵏ ⴰⵎⵖⵔⵉⴱⵉ ⴷ ⵜⵏⴽⵔⴰ ⵙⵉⵙ.
ⵉⴼⴼⵖ ⵓⵙⵉⵡⴹ ⵎⴰⵙ ⴷ ⵉⵙⴼⴽⴰ ⵏ ⵜⵕⵉⵕⴹⵜ ⵔⴰⴷ ⴰⵙⵏ ⵉⵜⵜⵓⵙⴽⴰⵔ ⵙ ⵜⵡⵉⵍⴰ ⵜⴰⵙⵓ ⵍⴰⵏⵜ ⵢⴰⵏ ⵓⵙⵜⵔⴰⵔ ⵉⵏⵎⴰⵍⴰⵏ, ⴷ ⵔⴰⴷ ⵢⵉⵍⵉ ⵓⵙⵉⵔⵉⵡ ⵏⵏⵙ ⵙ ⵜⵓⵎⴰⵢⵉⵏ ⵜⵉⵙⴷⵖⵢⵉⵏ, ⴰⴼⴰⴷ ⴰⴷ ⵉⴳ ⴽⵓ ⴰⵔⵣⴰⴼ ⵉ ⵜⵎⵙⵓⵍⵜ ⵢⴰⵜ ⵜⵉⵔⵎⵉⵜ ⵜⴰⵏⵢⴰⵖⵜ ⵉⵍⴰⵏ ⴰⵜⵉⴳ, ⴷ ⵜⵣⵎⵔⵜ ⵏ ⵜⵡⴰⴼⵉⵜ ⵏ ⵉⴼⵉⴷⵢⵓⵜⵏ ⵉⵎⴰⵢⵏⵓⵜⵏ ⵅⴼ ⵡⴰⵢⴷⴰ ⴰⴷⵍⵙⴰⵏ ⴷ ⵓⴷⵍⵉⵙ ⴷ ⵜⵥⵓⵕⵉⵡⵉⵏ.
ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ – ⴰⴳⵯⵍⵎⵉⵎ