ⴷⵉⵎⴱⵉⵍⵉ ⵉⵙⴳⵎⴹ ⵉ ⵓⵙⴳⵔⴰⵡ ⵏ ⴱⴰⵔⵉⵣ ⵙⴰⵏ ⵊⵉⵔⵎⴰⵏ ⴰⵔ 2028
ⵉⵙⵙⵓⴹⵕⴻⵕ (ⵉⴱⵔⵔⵃ) ⵓⵙⴳⵔⴰⵡ ⵏ ⴱⴰⵔⵉⵣ ⵙⴰⵏ ⵊⵉⵔⵎⴰⵏ ⴰⴼⴰⵕⴰⵏⵙⵉ, ⵎⴰⵙ ⴷ ⵄⵓⵜⵎⴰⵏ ⴷⵉⵎⴱⵉⵍⵉ ⴰⵏⴱⵔⴰⵣ ⵏ ⵓⵎⴰⴹⴰⵍ ⴳ 2018 ⴷ ⵉⵎⵙⵜⵉ ⵏ ⵉⴼⵓⵍⵍⵓⵙⵏ, ⵉⵙⴳⵎⴹ ⵢⴰⵜ ⵜⵎⴰⵖⵓⵏⵜ ⵏ ⵙⵎⵎⵓⵙ ⵏ ⵉⵙⴳⴳⵯⴰⵙⵏ ⴷ ⵜⵔⴰⴱⴱⵓⵜ ⵏ ⵜⵎⴰⵥⵓⵏⵜ, ⵏⵏⴰ ⵢⵉⵡⵉⵏ ⵜⴰⴱⵔⵣⴰ ⵏ ⴼⵕⴰⵏⵙⴰ ⵏ ⵜⵡⵊⵊⴰ ⵏ ⵓⴹⴰⵕ, ⵢⴰⵛⴽ ⴷ ⵙⵉⵙ ⵣⵖ ⴱⴰⵕⵛⴰⵍⵓⵏⴰ ⴰⵚⴱⵍⵢⵓⵏ.
ⵢⵓⵙⵉ ⴷⵉⵎⴱⵉⵍⵉ (26 ⵏ ⵓⵙⴳⴳⵯⴰⵙ) ⵉⴽⵯⵍⴰⵏ ⵏ ⴱⴰⵕⵛⴰⵍⵓⵏⴰ ⵣⵖ 2017 ⵉⵙⵎⴰⵢⵏⵓ ⵜⴰⵎⴰⵖⵓⵏⵜ ⵏⵏⵙ ⴳ 2022 ⴰⵔ ⴰⵙⴳⴳⵯⴰⵙ ⵏ 2024, ⵎⴰⵛⴰ ⵉⵙⵢⴰⴼⴰ ⴱⴰⵔⵉⵣ ⵙⴰⵏ ⵊⵉⵔⵎⴰⵏ ⵢⴰⵏ ⵓⵎⵏⵏⵉ ⴰⵙⴷⵔⴼⵉ ⴳ ⵜⵎⴰⵖⵓⵏⵜ ⵏⵏⵙ ⵏⵏⴰ ⵢⵉⵡⴹⵏ ⵙⵎⵎⵓⵎⵔⴰⵡ ⵎⵍⵢⵓⵏ ⵢⵓⵕⵓ ⵉ ⵓⵙⴼⵍⵙ ⵏ ⵓⵎⵓⵜⵜⵉ ⵏⵏⵙ ⵙ ⵜⵔⴰⴱⴱⵓⵜ.
ⵎⵇⵇⴰⵔ ⵜⵉⵕⵓⵥⵉⵡⵉⵏ ⵏⵏⵙ ⵉⵜⵜⴰⵍⵙⵏ, ⵉⵍⴽⵎ ⴷⵉⵎⴱⵉⵍⵉ ⵉⵙⵏⵎⴽⵜⴰⵜⵏ ⵉⵎⵊⴰⵀⴷⵉⵢⵏ ⴰⴽⴷ ⴱⴰⵕⵛⴰⵍⵓⵏⴰ, 40 ⵏ ⵜⵎⵙⵙⵡⵉⵜ, 43 ⵏ ⵉⵣⵣⵔⴰⵢⵏ ⵉⵎⴰⵖⵜⴰⵙⵏ ⴳ 185 ⵏ ⵓⵎⵏⴰⵍⴰ.
ⴳ ⵚⴹⵉⵚ ⵏ ⵉⵙⴳⴳⵯⴰⵙⵏ ⵏⵏⴰ ⵉⵣⵣⵔⵉ ⴳ ⴽⴰⵟⴰⵍⵓⵏⵢⴰ, ⵢⵉⵡⵉ ⵜⴰⴽⵓⵙⵜ ⵏ ⵜⴱⵔⵣⴰ ⴽⵕⴰⴹⵜ ⵜⴽⴽⴰⵍ (2018, 2019, 2023) ⴷ ⵓⴽⵔⵡⴰⵙ ⵙⵏⴰⵜ ⵜⴽⴽⴰⵍ (2018, 2021) ⴱⵍⴰ ⵢⵉⵡⵉ ⵜⴰⴱⵔⵣⴰ ⵏ ⵡⴰⵏⴰⴹⵏ ⵏⵏⴰ ⵉⵔⴰ ⴱⴰⵔⵉⵣ ⵙⴰⵏ ⵊⵉⵔⵎⴰⵏ ⴰⴷ ⵜⵜ ⵉⵍⴽⵎ ⴳ ⵜⵡⴰⵍⴰ ⵏⵏⵙ ⵜⴰⵎⵣⵡⴰⵔⵓⵜ ⴳ ⵓⵎⵣⵔⵓⵢ ⵏⵏⵙ.
ⵙ ⵓⵙⵉⴷⴼ ⵏⵏⵙ, ⵔⴰⴷ ⵉⵙⵙⵉⴼⵙⵓⵙ ⵜⵉⵕⵥⵉ ⵏⵏⵙ ⴳ ⵜⵎⴰⵖⵓⵏⵜ ⴷ ⵓⵎⴰⵡⴰⵢ ⵏ ⵉⵎⵙⵜⵉ ⵏ ⵍⵉⵏⴳⵍⵉⵣ ⵀⴰⵕⵉ ⴽⴰⵢⵏ ⵉⵎⵎⴰⵜⵜⵉⵏ ⴰⵙⵙ ⴰⴷ ⵏ ⵓⵚⵉⴹⵢⴰⵙ ⵙ ⴱⴰⵢⵕⵏ ⵎⵢⵓⵏⵉⵅ ⴰⵍⵉⵎⴰⵏ, ⴷ ⵓⴱⵔⴷⵇⵇⵉⵣ ⴱⵉⵕⵏⴰⵕⴹⵓ ⵙⵉⵍⴱⴰ ⵏⵏⴰ ⴳ ⵢⵓⵎⵥ ⵎⴰⵏⵛⵉⵙⵜⵉⵔ ⵙⵉⵜⵉ ⴰⵏⴱⵔⴰⵣ ⵏ ⵍⵉⵏⴳⵍⵉⵣ ⴷ ⵓⵕⵓⴱⴱⴰ.
ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ – ⴰⴳⵯⵍⵎⵉⵎ.