ⵙⵙⵉⵕⴰⵍⵢⵓⵏ ⴷⴰ ⵜⵙⵎⴰⵢⵏⵓ ⴰⵏⵏⴰⵍ ⵏⵏⵙ ⵉ ⵜⵎⵓⵏⵉ ⵜⴰⴽⴰⵍⴰⵏⵜ ⵏ ⵜⴳⵍⴷⵉⵜ ⴷ ⵉ ⵓⵖⴰⵡⴰⵙ ⵏ ⵓⵏⴱⴰⴹ ⴰⵢⵉⵎⴰⵏ ⴰⵎ ⵜⵉⵔⵙⵍⵜ ⵜⴰⵎⵢⵉⵡⵏⵜ ⵏ ⵓⴼⵓⴽⴽⵓ ⵏ ⵜⵎⵙⴰⵔⵜ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ
ⵉⵙⵎⴰⵢⵏⵓ ⵓⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴳⵔⴰⵖⵍⴰⵏ ⴳ ⵙⵙⵉⵕⴰⵍⵢⵓⵏ, ⵜⵉⵎⵓⵜⵉ ⵎⵓⵙⴰ ⴽⴰⴱⴰ, ⴰⵙⵙ ⴰⴷ ⵏ ⵓⵙⵉⵏⴰⵙ ⴳ ⵕⵕⴱⴰⵟ, ⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵓⵍⵣⵓⵣ ⵉ ⵜⵎⵓⵏⵉ ⵜⴰⴽⴰⵍⴰⵏⵜ ⵏ ⵍⵎⵖⵔⵉⴱ ⴷ ⵉ ⵓⵖⴰⵡⴰⵙ ⵏ ⵓⵎⴱⴰⴹ ⴰⵏⵉⵎⴰⵏ ⴰⵎ ⵜⵉⵔⵙⵍⵜ ⵜⴰⵎⵢⵉⵡⵏⵜ ⵏ ⵓⴼⵓⴽⴽⵓ ⵉ ⵓⴽⵏⴰⵙ ⴰⵙⴳⴰⵡⴰⵏ ⵅⴼ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ.
ⴷ ⵉⵙⵎⴰⵢⵏⵓ ⵓⵏⴷⵙⵉⵅⴼ ⵏ ⵜⴷⵉⴱⵍⵓⵎⴰⵙⵉⵜ ⵏ ⵙⵙⵉⵕⴰⵍⵢⵓⵏ, ⴳ ⵢⴰⵏ ⵓⵏⵎⵓⵇⵇⴰⵔ ⴰⵏⵖⵎⴰⵙ ⴹⴰⵕⵜ ⵏ ⵉⵎⴷⵉⵡⴰⵍ ⵏⵏⴰ ⵉⵙⴽⵔ ⴷ ⵓⵎⴰⵡⵙⴰⵙ ⵏ ⵉⵙⴽⴽⵉⵏⵏ ⵏ ⴱⵕⵕⴰ ⴷ ⵓⵎⵢⴰⵡⴰⵙ ⴰⴼⵔⵉⵇⵉ ⴷ ⵉⵎⵖⵔⴰⴱⵉⵢⵏ ⵉⵣⴷⵖⵏ ⴳ ⴱⵕⵕⴰ ⵏⴰⵚⵉⵕ ⴱⵓⵕⵉⵟⴰ, « ⴰⵏⵏⴰⵍ ⵏ ⵜⵎⴰⵣⵉⵔⵜ ⵏⵏⵙ ⵉⵣⴳⴰⵏ » ⵉ ⵜⵎⵓⵏⵉ ⵜⴰⴽⴰⵍⵇⵏⵜ ⵏ ⵜⴳⵍⴷⵉⵜ ⵜⴰⵎⵖⵔⴰⴱⵉⵜ ⴷ ⵉ ⵜⵎⵖⵔⴰⴱⵉⵜ ⵏ ⵜⵏⵣⵔⵓⴼⵜ.
ⵉⵙⴷⴷⵉⴷ ⴳ ⵜⵙⴳⴰ ⵢⴰⴹⵏ ⵜⴰⵜⵜⵓⵢⵜ ⵏ ⵓⵖⴰⵡⴰⵙ ⵏ ⵓⵏⴱⴰⴹ ⴰⵏⵢⵉⵎⴰⵏ ⴰⵎ ⵜⵉⵔⵙⵍⵜ ⵜⴰⵎⵢⵉⵡⵏⵜ ⵉⴳ ⴰⵡⵜⵜⵓ ⵉ ⵓⴽⵏⴰⵙ ⴰⴷ ⴰⵎⵏⵏⵓⵍⴼⵓ, ⵉⵙⵎⴰⵢⵏⵓ ⴰⵙⴷⴷⵉⴷ ⵅⴼ ⵡⴰⵏⵏⴰⵍ ⵏ ⵜⴳⴷⵓⴷⴰⵏⵜ ⵏ ⵙⵙⵉⵕⴰⵍⵢⵓⵏ ⵉⵙⵎⴷⵏ ⵉ ⵜⵎⵍⴰⵍⵜ ⵏⵏⴰ ⵜⵙⴽⴰⵔ ⵜⵎⵜⵜⵉ ⵉⵎⵓⵏⵏ ⵙ ⵎⴰⵙ ⵉⴳⴰ « ⴰⵙⴰⵜⵉ ⴰⵎⵙⵡⵓⵜⵜⵓ » ⵏ ⵡⴰⵡⴰⴹ ⵙ ⵓⴼⵙⵙⴰⵢ ⴰⵙⵓⵍⴰⵏ ⵉ ⵜⵎⵙⴰⵔⵜ ⵏ ⵜⵏⵣⵔⵓⴼⵜ ⵜⴰⵎⵖⵔⴰⴱⵉⵜ.
ⵉⵙⵙⵉⵎⵖⵓⵔ ⵎⴰⵙⵙ ⵎⵓⵙⴰ ⴽⴰⴱⴰ ⵓⵍⴰ ⵙ ⵡⴰⵏⵏⴰⵍ ⴰⴳⵔⴰⵖⵍⴰⵏ ⵉⵜⵜⵔⵏⵓⵏ ⵙ ⵜⵎⵓⵏⵉ ⵜⴰⴽⴰⵍⴰⵏⵜ ⵏ ⵜⴳⵍⴷⵉⵜ, ⵉⵙⵙⴽⵜⵉ ⴷ ⵙ ⵓⵍⵜⴰⵖ ⵏ ⵙⵙⵉⵕⴰⵍⵢⵓⵏ ⴳ ⵜⴷⵉⵏⴰⵎⵉⵜ ⴰⴷ ⵙⴳ ⵓⵏⵏⵓⵕⵥⵎ ⵏ ⵜⵎⵙⵇⴰⴷⵜ ⵏⵏⵙ ⵜⴰⵎⴰⵜⴰⵢⵜ ⴳ ⴷⴷⴰⵅⵍⴰ ⴳ ⵖⵓⵛⵜ 2021.
ⵎⴰⴷ ⵉⵥⵍⵉⵏ ⵙ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ, ⵉⴱⴷⵔ ⵎⴰⵙⵙ ⵎⵓⵙⴰ ⴽⴰⴱⴰ ⵙ ⵎⴰⵙ ⴷ ⵜⵉⵎⵉⵣⴰⵔ ⴰⴷ ⴳ ⵓⴱⵔⵉⴷ ⵏ ⵓⵣⵣⴳⵉⵔ ⵏ ⵜⵎⵢⴰⵇⵇⴰⵏⵉⵏ ⵉⴳⴰⵏ 13 ⵉⵜⵜⵓⵙⴳⵎⴹⵏ ⴷ ⵜⵖⵜⴰⵙⵉⵏ ⵉⵜⵜⵢⴰⵎⴰⵥⵏ ⴳ ⵜⵙⵓⵜⵍⵜ ⵜⴰⵎⴳⴳⴰⵔⵓⵜ ⵏ ⵜⵙⵇⵇⵉⵎⵜ ⵉⵛⵛⴰⵔⵏ ⵏ ⵓⵎⵢⴰⵡⴰⵙ ⵏⵏⴰ ⵉⵜⵜⵓⵙⴽⴰⵔⵏ ⴳ ⴷⴷⴰⵅⵍⴰ ⴳ 28 ⵉⴱⵔⵉⵔ 2023.
ⵉⵣⵎⵎⴻⵎ ⵓⵎⴰⵡⵙⴰⵙ ⴰⵙⵉⵕⴰⵍⵢⵓⵏⵉ, ⵏⵏⴰ ⵉⵙⵏⵉⵎⵎⵔⵏ ⵍⵎⵖⵔⵉⴱ ⵅⴼ ⵡⴰⵏⵏⴰⵍ ⵏⵏⵙ ⵏ ⵓⵙⵜⴰⵢ ⵏ ⵜⵎⴰⵣⵉⵔⵜ ⵏⵏⵙ ⵃⵎⴰ ⴰⴷ ⵜⴰⵎⵥ ⵢⴰⵏ ⵓⵙⵖⵉⵎ ⵓⵔ ⵉⴳⵉⵏ ⴰⵙⵓⵍⴰⵏ ⴳ ⵓⵙⵇⵇⵉⵎ ⵏ ⵜⵏⴼⵔⵓⵜ, ⵎⴰⵙ ⴷ ⵜⴰⵣⴷⴰⵢⵉⵏ ⴳⵔ ⵜⵎⵉⵣⴰⵔ ⴰⴷ ⴱⵓⵖⵍⴰⵏⵜ ⵙ ⵜⵡⵉⵍⴰ ⵜⴰⴽⵎⴰⵎⵜ ⴳ ⵜⵓⴳⵜ ⵏ ⵢⵉⴳⵔⴰⵏ ⴷⴷⵓ ⵜⵏⴰⵔⴰ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵙ ⴷ ⵜⵅⵓⵜⵔⴰ ⵏ ⵊⵓⵍⵢⵓⵙ ⵎⴰⴷⴰ ⴱⵢⵓ, ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵙⵙⵉⵕⴰⵍⵢⵓⵏ.
ⵜⵜⵓⵙⴽⴰⵔⵏ ⵉⵎⴷⵉⵡⴰⵍ ⴳⵔ ⵉⴷ ⵎⴰⵙⵙ ⵎⵓⵙⴰ ⴽⴰⴱⴰ ⴷ ⵏⴰⵙⵉⵕ ⴱⵓⵕⵉⵟⴰ ⵙ ⵜⵉⵍⵉⵜ ⵏ ⵓⵎⵙⵇⴰⴷ ⵏ ⵙⵙⵉⵕⴰⵍⵢⵓⵏ ⴳ ⵕⵕⴱⴰⵟ ⵎⴰⵙⵙ ⴰⵜⵓⵎⴰⵏⵓ ⴷⵉⵏⴽⵉⵃ ⴷ ⵓⵇⵓⵏⵙⵓ ⴰⵎⴰⵜⴰⵢ ⵏ ⵙⵙⵉⵕⴰⵍⵢⵓⵏ ⴳ ⴷⴷⴰⵅⵍⴰ ⵣⵉⵏⴱ ⴽⴰⵏⴷⵉ.
ⵄⴱⴷⵍⵡⴰⵃⵉⴷ ⴱⵓⵜⴱⴰⵖⴰ – ⴰⴳⵯⵍⵎⵉⵎ