ⴰⵙⵉⵡⴹ ⵙⴳ ⴷⴰⵔ ⵓⴱⵔⵙⵉⵔⴰ ⴰⴳⵍⴷⴰⵏ
ⴰⵙⵉⵡⴹ ⵙⴳ ⴷⴰⵔ ⵓⴱⵔⵙⵉⵔⴰ ⴰⴳⵍⴷⴰⵏ
ⴳ ⵎⴰⴷ ⵉⴷⴷⴰⵏ ⴰⵙⵉⵡⴹ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
ⵉⵙⴽⵔ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵉⵎⵙⴳⴷⴰⵍⵏ ⵙ ⵜⵜⵉⵍⵉⴼⵓⵏ, ⴷ ⵜⵎⵎⵓⵖⵔⴰ ⵎⴰⵙⵙ ⴱⵓⵍⴰ ⴰⵃⵎⴰⴷ ⴰⴷⵉⴽⵓⵏⵍⵉ ⵜⵉⵏⵓⴱⵓ, ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵏⵉⵊⵉⵔⵢⴰ ⵜⴰⴼⵉⴷⵉⵕⴰⵍⵉⵜ.
ⵙⵎⴽⵍⵏ ⵉⵎⵙⴳⴷⴰⵍⵏ ⴰⴷ ⵜⴰⴷⵉⵏⴰⵎⵉⵜ ⵜⵓⵎⵏⵉⴳⵜ ⵏⵏⴰ ⵥⵕⵕⴰⵏⵜ ⵜⵣⴷⴰⵢⵉⵏ ⵜⵉⵙⵉⵏⵔⴰⵏⵉⵏ ⴳ ⵉⵙⴳⴳⵯⴰⵙⵏ ⴰⴷ ⵣⵔⵉⵏⵉⵏ.
ⵎⴽⵍⵍⵉ ⵙⵎⴽⵍⵏ ⴰⵙⵖⵏⵓ ⵏ ⵓⵣⵔⵉⴳ ⵏ ⵓⵊⵄⴱⵓⴱ ⵏ ⵓⴳⴰⵣ ⴰⴼⵔⵉⵇⵉ – ⴰⵟⵍⴰⵚⵉ ⵏⵉⵊⵉⵔⵢⴰ – ⵍⵎⵖⵔⵉⴱ; ⵉⴳ ⵢⴰⵏ ⵓⵙⵖⵏⵓ ⵉⵏⵎⴰⵍⴰⵏ ⵏⵏⴰ ⵔⴰⴷ ⵉⴳ ⵜⴰⵎⵙⵙⵉⵍⵉⵜ ⵜⴰⵙⵜⵕⴰⵜⵉⵊⵉⵜ ⵏ ⵡⴰⴷⴰⴼ ⴰⵙⴳⴰⵡⴰⵏ ⴷ ⵜⴳⵎⵉ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵉ ⵜⵎⵉⵣⴰⵔ ⴰⴽⴽⵯ ⵏ ⵓⵜⴰⵔⴰⵎ ⵏ ⵜⴼⵔⵉⵇⵜ.
ⴳ ⵓⵎⵏⴰⴹ ⴰⴷ, ⵢⵓⵣⵏ ⴱⴰⴱ ⵏ ⵡⴰⴷⴷⵓⵔ, ⴰⴷ ⵜ ⵉⵙⵏⵔⵓ ⵕⴱⴱⵉ, ⵜⴰⵖⵓⵔⵉ ⵉ ⵜⵎⵎⵓⵖⵔⴰ ⵎⴰⵙⵙ ⴱⵓⵍⴰ ⵜⵉⵏⵓⴱⵓ, ⴰⵏⵙⵙⵉⵅⴼ ⵏ ⵜⴳⴷⵓⴷⴰⵏⵜ ⵏ ⵏⵉⵊⵉⵔⵢⴰ ⵜⴰⴼⵉⴷⵉⵕⴰⵍⵉⵜ, ⴰⴷ ⵉⵙⴽⵔ ⴰⵔⵣⴰⴼ ⴰⵎⴰⴷⴷⵓⴷ ⵉ ⵍⵎⵖⵔⵉⴱ, ⵔⴰⴷ ⵉⵜⵜⵓⵙⴽⴰⵔ ⵓⵙⵡⵓⵜⵜⵓ ⵏ ⵓⵙⴰⴽⵓⴷ ⵏⵏⵙ ⵙⴳ ⵉⵙⵓⵔⴰ ⵉⴷⵉⴱⵍⵓⵎⴰⵙⵉⵢⵏ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ – Abdelouahid boutbagha