“ⵖⵔⵉⴱⴰ”..ⵓⵎⵉⵏ ⴰⵎⴰⵣⵉⵖ ⵉⵎⵎⵓⴷⴷⴰⵏ ⵙⴳ ⵉⴷⵓⵔⴰⵔ ⵏ ⴷⴷⵣⴰⵢⵔ ⴰⵔ ⵓⵎⴰⴹⴰⵍ
ⵖⵔⵉⴱⴰ ⵢⴰⵏ ⵓⵎⵉⵏ ⴰⵎⴰⵣⵉⵖ ⵙⴳ ⵡⴰⵢⴷⴰ ⴰⵎⴷⵏⴰⵏ ⵏ ⴷⴷⵣⴰⵢⵔ, ⵉⵍⴽⵎ ⴰⵙⵡⵉⵔ ⴰⵎⴰⴹⵍⴰⵏ ⵍⵍⵉⵖ ⵉⴳⴰ ⵖⴰⵙ ⵓⵎⵉⵏ ⵜⵜⵉⵏⵉⵏ ⵉⴷ ⵉⵎⵎⴰ ⵉ ⵜⴰⵔⵡ ⴷ ⵉⵎⵎⴰ ⵜⵉⵎⵇⵔⴰⵏⵉⵏ ⵉ ⵡⴰⵢⵢⴰⵡⵏ ⵜⵉⵣⵉ ⵏ ⵢⵉⵟⵙ…ⵎⴰⵏⵉ ⴷ ⵉⴽⴽⴰ ⵓⵎⵉⵏ ⴰⴷ ? ⴷ ⵎⴰⵎⵏⴽ ⵙ ⵉⵍⴽⵎ ⴰⵙⵡⵉⵔ ⴰⵎⴰⴹⵍⴰⵏ ?
ⵉⴳⴰ ⵓⵎⴰⵔⴰ ⴰⴷⵣⴰⵢⵔⵉ ⵎⵓⵃⵎⵎⴰⴷ ⴱⵏ ⵃⵎⴷⵓⵛ ⴰⵎⵣⵡⴰⵔⵓ ⵍⵍⵉ ⵢⵓⵔⴰⵏ ⵓⵎⵉⵏ ⴰⴷ, ⵉⵔⵉⵔ ⵜ ⵉⵍⵎⵎⴰ ⵓⵏⴰⵥⵓⵕ ⵉⴳⴳⵍⵉⵏ ⵏ ⵉⴷⵉⵔ, ⴰⵢⵍⵍⵉⵖ ⵜⵍⴽⵎ ⴰⵙⵡⵉⵔ ⴰⵎⴰⴹⵍⴰⵏ, ⵢⵉⵍⵉ ⵓⵙⵓⵖⵍ ⵏⵏⵙ ⵙ ⵓⴳⴳⴰⵔ ⵏ ⵡⴰⴳⵏⴰⵔ ⵏ ⵜⵓⵜⵍⴰⵢⵜ.
“ⵖⵔⵉⴱⴰ”…ⵉⵅⵏⵅⴰⵍⵏ ⵏ ⵜⴼⵔⵓⵅⵜ ⴷ ⵡⴰⵖⵣⵏ
ⴰⵔ ⵉⵜⵜⵉⵏⵉ ⵓⵎⵉⵏ ⵎⴰⵙ ⵜⵙⵡⵓⵔⵉ ⵜⵔⴱⴰⵜ ⵎⵥⵥⵉⵏ ⵍⵍⵉ ⵎⵓ ⵉⵙⵎ ⵖⵔⵉⴱⴰ ⴳ ⵉⴳⵔⴰⵏ ⵏ ⵓⵣⴰⵜⵉⵏ ⴳ ⵉⴷⵓⵔⴰⵔ ⵏ ⵜⵙⴳⴰ ⵏ ⵍⵇⴱⴰⵢⵍ ⴳ ⴷⴷⵣⴰⵢⵔ, ⴰⵔ ⴷ ⵜⵜⴰⵡⵉ ⴰⵎⵜⵛⵓ ⵉ ⴱⴰⴱⴰⵙ ⵉⴳⴰⵏ ⴰⵡⵙⵙⴰⵔ ⴷ ⴰⵢⵜⵎⴰⵙ ⵎⵥⵥⵉⵏⵉⵏ.
ⴰⵔ ⴷ ⵜⵜⵓⵔⵔⴰⵢ ⵖⵔⵉⴱⴰ ⵙⴳ ⵜⵡⵓⵔⵉ ⴳ ⵜⵉⵥⵥⵓⵎⵉⵏ ⵏ ⵡⴰⴹⴰⵏ ⵍⵍⴰⵙⵏⵉⵏ, ⵜⵔⵎⵉ. ⵍⵍⵉⵖ ⵜⴽⵚⵓⴹ ⵖⵔⵉⴱⴰ ⴰⵖⵣⵏ ⵏ ⵜⴰⴳⴰⵏⵜ ⵉⵛⵜⵜⴰⵏ ⵉⵡⴷⴰⵏ, ⵜⵎⵙⴰⵙⴰ ⴷ ⴱⴰⴱⴰⵙ ⴰⴷ ⵜⵙⴷⵓⵇⵇⵕ ⵜⴰⴳⴳⵓⵔⵜ ⵉⵍⵎⵎⴰ ⵜⵙⵎⴰⵙⵙ ⵉⵅⵍⵅⴰⵍⵏ ⵏⵏⵙ ⵏ ⵓⵥⵕⴼ, ⴰⴼⴰⴷ ⴰⴷ ⵉⵙⵙⵏ ⵎⴰⵙ ⴷ ⵏⵜⵜⴰⵜ ⴰⵏ ⵓ ⵔⴷ ⴰⵖⵣⵏ, ⵍⵍⵉ ⵉⵔⴰⵏ ⴰⴷ ⵉⵛⵛ ⵉⵎⵥⵢⴰⵏⵏ, ⴷⴼⴼⵉⵔ ⵏⵏⵙ ⵉⵕⵥⵎ ⴰⵙ ⴱⴰⴱⴰⵙ ⵜⴰⴳⴳⵓⵔⵜ.
ⴳ ⴽⵔⴰⵢⴳⴰⵜ ⵜⵉⴽⴽⵍⵉⵜ , ⴰⵔ ⵜⵙⵎⴰⵙⵙ ⵖⵔⵉⴱⴰ ⵉⵅⵍⵅⴰⵍⵏ ⵏⵏⵙ, ⴰⵔ ⵜⵜ ⵉⵙⵇⵙⴰ ⴱⴰⴱⴰⵙ ⵎⵏⵏⴰⵡⵜ ⵜⵉⴽⴽⴰⵍ, ⵄⴰⴷ ⴰⴷ ⴰⵙ ⵉⵕⵥⵎ ⵜⴰⴳⴳⵓⵔⵜ, ⴰⵔ ⵏⵏ ⵜⵟⵟⴰⵕ ⴳⵔ ⵉⴼⴰⵙⵙⵏ ⵏ ⴱⴰⴱⴰⵙ, ⵜⵕⵎⵉ, ⵜⴽⵚⵓⴹ ⴰⵖⵣⵏ, ⴰⵔ ⴰⵙ ⵜⵜⵉⵏⵉ: ⵎⴰⵅⵅ ⵓⵔ ⵉⵢⵉ ⵜⵕⵥⵎⵜ ⵜⴰⴳⴳⵓⵔⵜ ? ⵏⴽⴽⵉⵏ ⴽⵚⵓⴹⵖ ⴰⵖⵣⵏ ⵏ ⵜⴰⴳⴰⵏⵜ ? ⴰⵔ ⴰⵙ ⴷ ⵉⵜⵜⵔⴰⵔⵙ ⵓⵖⵉⵍⵓⴼ ⵉⴳⴳⵓⵜⵏ: ⴰⵡⴷ ⵏⴽⴽⵉⵏ, ⴰ ⵉⵍⵍⵉ, ⴽⵚⵓⴹⵖ.
ⴰⵔ ⵉⵜⵜⵉⵏⵉ ⵓⵎⵉⵏ, ⵎⴰⵙ ⴷ ⵉⵏⵓⴱⴰ, ⴱⴰⴱⴰⵙ ⵏ ⵖⵔⵉⴱⴰ, ⵓⵔ ⵉⵕⵥⵉⵎ ⵜⴰⴳⴳⵓⵔⵜ ⴳ ⵢⴰⵜ ⵜⴽⴽⵍⵉⵜ ⵉ ⵉⵍⵍⵉⵙ, ⵎⵇⵇⴰⵔ ⵜⵙⵎⵓⵙⵙ ⵉⵅⵍⵅⴰⵍⵏ ⵏⵏⵙ, ⵉⵖⴰⵍ ⵎⴰⵙ ⴷ ⵓⵔ ⵉⴳⵉ ⵏⵜⵜⴰⵜ ⴰⵢⴰ ⵏⵏ, ⴰⵔ ⴰⵙ ⵜⴰⵇⵔⴰ: ⵉⵙ ⴷ ⵓⵔ ⵜⵓⴳⵉⵣⵜ ⵉⵎⵙⵍⵉ ⵏⵏⵙ ⴰ ⴱⴰⴱⴰ, ⴰⵔ ⵉⵜⵜⵉⵏⵉ ⵓⵎⵉⵏ ⵎⴰⵙ ⵉⵟⵟⴰⴼ ⵓⵖⵣⵏ ⵜⵉⵙⵓⴳⴰⵔ ⵥⵍⵉⵏⵉⵏ ⵍⵍⵉⵖ ⵉⵥⴹⵕ ⴰⴷ ⵉⵙⵏⴼⵍ ⵉⵎⵙⵍⵉ ⵏⵏⵙ, ⵉⵔⴰ ⴰⴷ ⵜⵜ ⵉⵣⵣⵔⵉ ⴼ ⴱⴰⴱⴰ ⵉⵏⵓⴱⴰ, ⵉⵛⵛ ⵜⴰⵔⵡⴰ ⵏⵏⵙ ⵎⵥⵥⵉⵏⵉⵏ.
ⵢⵉⵡⵉ ⵉⴷⵉⵔ ⵖⵔⵉⴱⴰ ⵙ ⵓⵙⵡⵉⵔ ⴰⵎⴰⴹⵍⴰⵏ
ⵜⴳⴰ ⵜⴰⵍⵖⴰⵜ ⵏ ⵖⵔⵉⴱⴰ ⴰⵎⵙⵡⴰⵍ ⵊⴰⵔ ⴱⴰⴱⴰ ⴷ ⵉⵍⵍⵉⵙ, ⵢⵓⵛⴽⴰ ⴷ ⴳ ⵜⴳⵓⵔⵉⵡⵉⵏ ⵏⵏⵙ:
ⵜⵅⵉⵍⴽ ⵉⵍⵍⵉ ⵜⴰⴱⴱⵓⵔⵜ ⴰ ⴱⴰⴱⴰ ⵉⵏⵓⴱⴰ
ⵜⵛⵏⵛⵏ ⵜⵉⵣⴱⴳⴰⵜⵉⵏ ⵉⵎ ⴰ ⵉⵍⵍⵉ ⵖⵔⵉⴱⴰ
ⵓⴳⴰⴷⵖ ⵍⵡⴰⵃⵛ ⵍⵖⴰⴱⴰ ⴰ ⴱⴰⴱⴰ ⵉⵏⵓⴱⴰ
ⵓⴳⴰⴷⵖ ⵓⵍⴰ ⴷ ⵏⴽⴽⵉⵏ ⴰ ⵉⵍⵍⵉ ⵖⵔⵉⴱⴰ
ⴰⵎⵖⴰⵔ ⵉⴷⵍ ⴷⴳ ⵓⴱⵔⵏⵓⵙ ⴷⵉ ⵜⵙⴳⴰ ⵍⴰ ⵉⵣⵣⵉⵥⵉⵏ
ⵎⵎⵉⵙ ⵢⵉⵜⵃⴱⵉⵔ ⵉ ⵍⵇⵓⵜ ⵓⵙⵙⴰⵏ ⴷⴳ ⴷⴳ ⵡⵇⴰⵔⵓ ⵙ ⵜⵣⵣⵉⵏ
ⵜⵉⵙⵍⵉⵜ ⵙⴷⴼⴼⵉⵔ ⵓⵥⵟⵟⴰ ⵜⵙⵙⴰⵍⴰⵢ ⵜⵉⵊⴱⴱⴰⴷⵉⵏ
ⴰⵔⵛ ⵣⵣⵉⵏ ⴷⵉ ⵜⵎⵖⴰⵔⵜ ⴰⵙⵏ ⵜⵙⵖⴰⵔ ⵜⵉⵇⴷⵉⵎⵉⵏ
ⴰⴷⴼⵍ ⵢⵙⵙⴷ ⵜⵉⴱⴱⵓⵔⴰ ⵜⵓⴳⵉ ⴽⵛⵎⵏⵜ ⵉⵃⵍⵓⵍⵏ
ⵜⴰⵊⵎⴰⵄⵜ ⵜⴻⵜⵜⵙⴰⵔⴳⵓ ⵜⴰⴼⵙⵓⵜ ⴰⴳⴳⵓⵔ ⴷ ⵉⵜⵔⴰⵏ ⵃⵊⴱⵏ
ⵎⴰ ⴷ ⴰⵇⵊⵎⵓⵔ ⵏ ⵜⴰⵙⴰⴼⵜ ⵉⴷⴳⵔ ⴰⴽⴽⵏ ⵉⴷⵏⵜⵢⵏ
ⵎⵍⴰⵍⵏ ⴷ ⴰⵢⵜ ⵡⴰⵅⴰⵎ ⵉ ⵜⵎⴰⵛⴰⵀⵓⵜ ⴰⴷ ⵙⵍⴰⵏ
ⵉⵔⵉⵔ ⵉⴳⵍⵍⵉⵏ ⵏ ⵓⵏⴰⵥⵓⵕ ⵉⴷⵉⵔ, ⵉⵙⵎ ⵏⵏⵙ ⵏ ⵜⵉⴷⵜ ⵃⴰⵎⵉⴷ ⵛⵕⵉⵟ, ⵜⵓⵔⴰⵔⵜ ⴰⴷ ⵜⴰⵎⵣⵉⵖⵜ ⵙ ⵔⵔⵉⵃ ⵏⵏⵙ ⵉⵥⵉⵍⵏ ⴳ ⵓⵙⴳⴳⵯⴰⵙ ⵏ 1976, ⵜⵉⴽⴽⵍⵉⵜ ⴰⴷ ⴰⴷ ⵉⵣⵔⵉ ⵓⵏⴰⵥⵓⵕ ⵉⴷⵉⵔ ⴳ ⵜⴱⴰⴷⵓⵜ ⵜⴰⵏⴰⵎⵓⵔⵜ ⵏ ⴷⴷⵣⴰⵢⵔ ⵙ ⵜⵓⵔⴰⵔⵜ ⴰⴷ.
ⵙⴳ ⴰⵙⵙ ⵍⵍⵉⵖ ⵉⵔⵉⵔ ⵉⴷⵉⵔ ⵜⴰⵍⵖⴰⵜ ⴰⴷ ⵉⴳⴰⵏ ⵓⵎⵉⵏ, ⵜⵎⴰⵜⵜⵉ ⵙ ⵓⵙⵡⵉⵔ ⴰⵎⴰⴹⵍⴰⵏ, ⴰⵔ ⵜⵜ ⵉⵜⵜⵔ ⴳ ⵓⴳⴷⵓⴷ ⴳ ⵜⵉⵣⵉ ⵏⵏⴰ ⵉⵙⴽⵔ ⴽⵔⴰ ⵏ ⵓⵏⵎⵓⵇⵇⴰⵔ ⵏ ⵜⵥⵓⵕⵉ, ⵢⵉⵍⵉ ⵓⵙⵓⵖⵍ ⵏⵏⵙ ⵙ ⵓⴳⴳⴰⵔ ⵏ ⵡⴰⴳⵏⴰⵔ ⵏ ⵜⵓⵜⵍⴰⵢⵜ ⵖ ⵏⵉⵜ ⵜⵍⵍⴰ ⵜⴰⵄⵕⴰⴱⵜ.
ⴰⵖⴱⴰⵍⵓ: ⴰⵚⵡⴰⵟ ⵎⴰⵖⴰⵔⵉⴱⵉⵢⵢⴰ
ⴰⵙⵓⵖⵍ: ⵕⴰⵛⵉⴷ ⵏⴰⵊⵉⴱ