ⴰⵙⵇⵇⵉⵎ ⵏ ⵜⵏⴱⴰⴹⵜ ⵉⴹⴼⵕ ⵢⴰⵏ ⵓⴼⵙⵔ ⵅⴼ ⵓⵖⴰⵡⴰⵙ ⵏ ⵓⵙⵎⴰⵔ ⵉ ⵡⴰⵎⵓⴷ ⵏ ⵜⴼⴰⵙⴽⴰ
![ⴰⵙⵇⵇⵉⵎ ⵏ ⵜⵏⴱⴰⴹⵜ ⵉⴹⴼⵕ ⵢⴰⵏ ⵓⴼⵙⵔ ⵅⴼ ⵓⵖⴰⵡⴰⵙ ⵏ ⵓⵙⵎⴰⵔ ⵉ ⵡⴰⵎⵓⴷ ⵏ ⵜⴼⴰⵙⴽⴰ 14-200](https://i.servimg.com/u/f57/20/22/84/12/14-200.png)
ⵉⴹⴼⵕ ⵓⵙⵇⵇⵉⵎ ⵏ ⵜⵏⴱⴰⴹⵜ, ⴰⵙⵙ ⴰⴷ ⵏ ⵓⴽⵡⴰⵙ, ⵢⴰⵏ ⵓⴼⵙⵔ ⵅⴼ ⵓⵖⴰⵡⴰⵙ ⵏ ⵓⵃⵉⵢⵢⵍ ⵉ ⵡⴰⵎⵉⴷ ⵏ ⵜⴼⴰⵙⴽⴰ, ⵉⵙⵙⵎⵏⵉⴷ ⵜ ⵓⵎⴰⵡⵙⴰⵙ ⵏ ⵜⴳⴰⵢⴽⴰ ⴷ ⵜⴳⵎⵔⵜ ⵜⴰⵢⵍⴰⵏⵜ ⴷ ⵜⴳⵎⵉ ⵜⴰⴼⴰⵔⴰⵏⵜ ⴷ ⵡⴰⵎⴰⵏ ⴷ ⵜⴰⴳⴰⵏⵉⵏ, ⵎⵓⵃⵎⵎⴰⴷ ⵚⴰⴷⵉⵇⵉ.
ⵉⵏⵏⴰ ⵓⵎⴰⵡⵙⴰⵙ ⴰⵎⴰⵍⴰⵍ ⵉⵜⵜⵓⵙⵎⴰⴳⴰⵍⵏ ⵙ ⵜⵣⴷⴰⵢⵉⵏ ⴷ ⵓⴱⵕⵍⴰⵎⴰⵏ, ⴰⵎⵙⵉⵡⵍ ⴰⵎⴰⴷⴷⵓⴷ ⵙ ⵢⵉⵙⵎ ⵏ ⵜⵏⴱⴰⴹⵜ, ⵎⵓⵚⵟⴰⴼⴰ ⴱⴰⵢⵜⵜⴰⵙ, ⴳ ⵢⴰⵜ ⵜⵉⵏⴰⵡⵜ ⵜⴰⵏⵖⵎⴰⵙⵜ ⴹⴰⵕⵜ ⵏ ⵢⴰⵜ ⵜⵎⵓⵏⵉ ⵏ ⵓⵙⵇⵇⵉⵎ, ⵎⴰⵙ ⴷ ⵎⴰⵙⵙ ⵚⴰⴹⵉⵇⵉ ⵉⵙⴰⵡⵍ ⵅⴼ ⵓⴼⵙⵔ ⴰⴷ ⵉ ⵜⵎⴳⴳⵉⵢⵉⵏ ⴰⴽⴽⵯ ⵏⵏⴰ ⵉⵜⵜⵓⵙⴽⴰⵔⵏ ⵏ ⵓⵣⵓⴳⵣ ⵏ ⵓⵖⴰⵡⴰⵙ ⵏ ⵓⵃⵉⵢⵢⵍ ⵉ ⵡⴰⵎⵓⴷ ⵏ ⵜⴼⴰⵙⴽⴰ, ⵉⵙⴷⴷⵉⴷ ⵎⴰⵙ ⴷ ⵜⴰⵎⴰⵡⴰⵙⵜ ⴰⵔ ⵜⵙⴽⴰⵔ ⵢⴰⵏ ⵓⵙⵜⴰⵍ ⵉⴼⵔⵓⵔⵉⵏ ⵉ ⵉⵙⵏⵉⵎⴰⵍⵏ ⵏ ⵓⵙⴽⴰⵏ. ⵙ ⵓⵣⴷⵓⵢ ⴷ ⵉⵣⵣⵓⵍⴰⵏⵏ, ⴷ ⵎⴰⵙ ⴷ ⴰⵙⴽⴰⵏ ⵢⵓⵜⵉ ⵜⵓⵜⵔⴰ ⵙ ⴽⵉⴳⴰⵏ, ⴷ ⵜⵎⴳⴳⵉⵜ ⵏ ⵓⵙⵉⵟⵟⵏ ⵏ ⵉⵣⴰⵎⴰⵔⵏ ⴷ ⵡⴰⵖⴰⴹ ⴷⴰ ⵜⵥⵕⵕⴰ ⵢⴰⵜ ⵜⵎⵔⵏⵉⵡⵜ ⵉⵜⵜⵏⴼⴰⵍⵏ.
![ⴰⵙⵇⵇⵉⵎ ⵏ ⵜⵏⴱⴰⴹⵜ ⵉⴹⴼⵕ ⵢⴰⵏ ⵓⴼⵙⵔ ⵅⴼ ⵓⵖⴰⵡⴰⵙ ⵏ ⵓⵙⵎⴰⵔ ⵉ ⵡⴰⵎⵓⴷ ⵏ ⵜⴼⴰⵙⴽⴰ 14-200](https://i.servimg.com/u/f57/20/22/84/12/14-200.png)
ⴳ ⵎⴰⴷ ⵉⵥⵍⵉⵏ ⵙ ⵜⵙⴳⴰ ⵜⴰⴷⵓⵙⴰⵏⵜ, ⵉⵙⴷⴷⵉⴷ ⵓⵎⴰⵡⵙⴰⵙ ⵎⴰⵙ ⴷ ⴰⴷⴷⴰⵙ ⴰⴷⵓⵙⴰⵏ ⵏ ⵓⴳⵯⵣⴷⵉ ⴰⵏⴰⵎⵓⵔ ⴷ ⵜⴰⵏⵓⴼⵍⴰⵢⵜ, ⵙ ⵜⵡⵉⵙⵉ ⵏ ⵜⴹⴼⵕⵉ ⴷ ⵓⵎⴰⵜⵔ ⴰⴷⵓⵙⴰⵏ ⴷ ⵓⵃⵟⵟⵓ ⵏ ⵓⴳⵯⵣⴷⵉ ⵙⴳ ⵜⵎⵓⴹⴰⵏ ⵜⵜⵎⴰⵜⵜⴰⵢⵏⵉⵏ, ⵜⴻⵜⵜⵓⵙⴽⴰⵔ 1486 ⵏ ⵜⵎⴳⴳⵉⵜ ⵏ ⵓⵎⴰⵜⵔ ⵏ ⵓⴳⵔⴰⵙ ⴷ ⵉⵙⴰⴼⴰⵔⵏ ⵉⵡⵔⵔⴰⵎⵏ ⵉⵜⵜⵓⵙⵎⵔⴰⵙⵏ, ⴰⵔ 31 ⵎⴰⵢⵢⵓ 2024.
ⵉ ⵓⵎⵏⴰⵍⴰ ⵏ ⵜⵎⵉⵜⴰⵔ ⵏ ⵜⵙⵓⵍⵜ ⵏ ⵜⵖⴰⵔⵜ, ⵉⵔⵏⴰ ⵓⵎⴰⵡⵙⴰⵙ, ⵜⵕⵥⵎ ⵜⵏⴱⴰⴹⵜ ⵉ ⵓⵙⴽⵛⵎ, ⵙ ⵜⵡⵉⵍⴰ ⵔⵓⵙⵍⵉⴷⵜ ⴷ ⵜⵎⴽⵓⴷⴰⵏⵜ, ⵉ ⵡⵓⵍⵓⵢ ⵏ ⵓⵙⴽⴰⵏ ⴷ ⵓⴱⵣⴰⵔ ⴳ ⵓⵃⵟⵟⵓ ⵏ ⵓⴳⵯⵣⴷⵉ ⴰⵏⴰⵎⵓⵔ.
![ⴰⵙⵇⵇⵉⵎ ⵏ ⵜⵏⴱⴰⴹⵜ ⵉⴹⴼⵕ ⵢⴰⵏ ⵓⴼⵙⵔ ⵅⴼ ⵓⵖⴰⵡⴰⵙ ⵏ ⵓⵙⵎⴰⵔ ⵉ ⵡⴰⵎⵓⴷ ⵏ ⵜⴼⴰⵙⴽⴰ 14-200](https://i.servimg.com/u/f57/20/22/84/12/14-200.png)
ⴳ ⵜⵙⴳⴰ ⵢⴰⴹⵏ, ⵢⵉⵡⵉ ⴷ ⵎⴰⵙⵙ ⴱⴰⵢⵜⵜⴰⵙ ⵎⴰⵙ ⴷ ⵉⵜⵜⵓⵖⵜⴰⵙ ⵓⵙⵎⵅⴰⵟⵉ ⵏ ⵓⵙⵏⵜⵉ ⵏ ⵓⵙⵍⴳⵏ ⵓⵟⵟⵓⵏ 35.23 ⵉⵣⴷⵉⵏ ⴷ ⵓⵙⴽⴰⵏ ⵏ ⵉⵢⴰⴼⵓⵜⵏ ⵏ ⵜⴳⵎⵔⵜ ⵜⴰⵢⵍⴰⵏⵜ ⵉ ⵜⵉⴽⴽⵍⵉⵜ ⵜⴰⵎⵣⵡⴰⵔⵓⵜ ⴳ ⵓⴳⴰⴷⴰⵣ, ⴳ ⵜⵙⵎⵉ ⵜⵓⵏⴱⵉⴹⵜ ⵢⴰⴹⵏ, ⴰⴼⴰⴷ ⴰⴷ ⵢⵉⵍⵉ ⵓⵙⴷⵓⵙ ⵏ ⵜⵣⵔⴰⵡⵜ ⵏⵏⵙ.
ⴰⵙⵓⵖⵍ: ⵄⴱⴷⵍⵡⴰⵃⴷ ⴱⵓⵜⴱⴰⵖⴰ