Ɛacur Bangu
Ɛacur Bangu acennay
Ɛacur Bangu d nekkini
Ncennu nettaru isfra
Neqqar-iten-id ɛinani
Wid i d-tettaddrem s tuffra
Ncennu nettaru isfra
Nenna-d yerna ad d-nini
Seg tura alma d aẓekka
Ncennu ɣef teqcicin
Tid-nni ur ɣ-d-nettsaḥ ara
Ncennu ɣef teqreɛtin
Nesgergur mebla cceḥḥa
Ncennu ɣef tkaciyin
I ɣ-yeggaren deg tirga
Ncennu ɣef teqcicin
Ilemẓiyen msakit ḍaɛen
Teddun ur iban sani
Ass d yiḍ nutni ẓeṭṭlen
Amzun ttafgen deg (yi)genni
Tikkelt kan ini flen
S amruj-nni yerwan tili
Ncennu ɣef tkaciyin d lkif
Amzun tetteddu-aɣ deg nnzeɛ
Tmurt i ɣ-d-tefka twenza
Deg-s aṭas i neḍmeɛ
Assen akken i tefra lgirra
Teɣli deg-neɣ d asebleɛ
D tamcict itetten tarwa
Ncennu ɣef teqreɛtin
Neggra-d deg lfayda i Rebbi
Cwit n wazal ur t-neksib
Deg (yi)ɣeblan la nettɛebbi
Fell-aneɣ zzman yettrebbib
Ulac wi aɣ-d-yegren irebbi
Uqbel ad ɣ-rren ancib
Annaɣ a Rebbi acimi akka
Nugi ad necbu medden
Zher-nneɣ amzun yerka
D amɣar kkawen-as yifadden
Ad aɣ-truḥ kanakka
Tamenza d tin isedden
… Ncennu nceṭṭeḥ
Malek Houd