ⴰⴱⵕⵓⵟⵓⴽⵓⵍ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵏⴳⵔ ⵍⵎⵖⵔⵉⴱⴷ ⵙⵙⵉⵏⵉⴳⴰⵍ
ⵉⵣⵎⵎⵉⵎ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵎⴰⵙⵙ ⵕⴰⵛⵉⴷ ⵟⴰⵍⴱⵉ ⵍⵄⴰⵍⴰⵎⵉ, ⴷ ⵎⴰⵙⵙ ⴰⵎⴰⴷⵓ ⵎⴰⵎⵉ ⴷⵢⵓⴱ, ⴰⵙⵙ ⵏ ⵓⴽⵕⴰⵙ ⴼ ⴷⴰⴽⴰⵕ, ⴰⴱⵕⵓⵟⵓⴽⵓⵍ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ.
ⵉⵡⴰⵜⵜⵙ ⵓⴱⵕⵟⵓⴽⵓⵍ ⴰⵙⴷⵓⵙ ⵏ ⵜⵙⵔⵜⴰⵢ ⵡⴰⵜⵜⵙⵏⵉⵏ ⴰⵙⵎⵖⵔ ⵏ ⵜⵙⵜⵔⴰⵜⵉⵊⵉⵢⵉⵏ ⵅⴼ ⵜⵉⵎⵙⴽⴰⵔ ⵥⵉⵍⵏⵉⵏ ⵉ ⵓⵙⵏⵎⴰⵍⴰ ⴷ ⵜⵎⵙⵙⵓⴳⵓⵔⵜ ⵏ ⵓⴱⵕⵍⴰⵎⴰⵏ ⴷ ⵓⵙⴽⵔ ⵏ ⵜⵣⵔⴰⵡⵉⵏ ⴷ ⵓⴼⴰⵔⵙ ⵏ ⵜⴻⵜⴳⴰⵔⵉⵏ ⵜⵉⵜⵇⵏⵉⵢⵉⵏ ⴳ ⵎⴰⵕⵕⴰ ⵉⴳⵔⴰⵏ, ⴷ ⵜⴰⵔⵙⵍⵜ ⵏ ⵉⵙⵏⴼⵍⵏ ⵊⴰⵔ ⵉⵎⵓⵔⴰ ⴷ ⵉⵎⵙⵖⴰⵏⵏ ⵉⵅⴰⵜⴰⵔⵏ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⴳ ⵙⵏⴰⵜ ⵜⵎⵉⵣⴰⵔ.
ⵙ ⵜⵎⵢⴰⵇⵇⴰⵏⵜ ⴰⴷ, ⵔⴰⴷ ⵉⵜⵜⵓⴼⴽⵉ ⵓⴼⵔⵉⵙ ⴰⵎⴰⴷⴷⵓⴷ ⵉ ⵜⵣⴷⴰⵢⵉⵏ ⵏ ⵜⴷⴷⵓⴽⴽⵯⵍⴰ ⴷ ⵓⵎⵢⴰⵡⴰⵙ ⵊⴰⵔ ⵙⵏⴰⵜ ⵜⵎⵔⵙⴰⵍ, ⵙ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⴳ ⵢⵉⴳⵔ ⵏ ⵓⵣⵣⵔⴰⴼ ⴷ ⵜⵎⵙⵙⵓⴳⵓⵔⵜ ⴷ ⵓⵙⵏⵎⴰⵍⴰ, ⴷ ⵓⵙⴷⵓⵙ ⵏ ⵓⵎⵙⴰⵡⴰⴹ ⵊⴰⵔ ⵉⴱⵕⵍⴰⵎⴰⵏⵉⵢⵉⵏ ⴷ ⵜⴳⵔⴰⵡⵉⵏ ⵏ ⵜⵎⵔⵙⴰⵍ, ⴷ ⵓⵙⵎⵓⵏ ⵏ ⵡⴰⴷⴷⴰⴷⵏ ⴳ ⵓⵙⵡⵉⵔ ⴰⵙⴳⴰⵡⴰⵏ ⴷ ⵓⵎⵏⵥⴰⵡ ⴷ ⵓⴳⵔⴰⵖⵍⴰⵏ ⴷ ⵓⵎⵣⴰⵖ ⵏ ⵜⴷⵉⵎⵓⵇⵔⴰⵟⵉⵜ ⴷ ⵜⵅⵅⵓⵜⵔⴰ ⵏ ⵓⵙⵍⴳⵏ ⴷ ⵓⵙⴷⵓⵙ ⵏⵏⵙⵏ.
ⵉⵎⵙⴰⵙⴰ ⵓⵙⵇⵇⵉⵎ ⵏ ⵉⵎⵓⵔⴰ ⴷ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵙⵉⵏⵉⴳⴰⵍⵉⵜ ⵙ ⵓⵎⵛⴰⵡⴰⵕ ⵉⵙⵓⵍⵏ, ⴷ ⵓⵙⵔⵓⵙ ⵏ ⵉⵎⵉⵙⵙ ⵏ ⵓⵙⴷⵓⵙ ⴷ ⵓⴷⵔⴰⵡ ⵏ ⵜⵉⵔⵎⵉⵜⵉⵏ ⵜⵉⵣⵣⵔⴰⴼⵉⵏ ⴷ ⵓⵙⴽⵔ ⵏ ⵓⵏⵎⵓⵇⵇⴰⵔ ⵉ ⵓⵙⵏⴼⵍ ⵏ ⵜⴰⵏⵏⴰⵢⵢⵉⵏ ⵡⴼ ⵜⵉⵎⵙⴽⴰⵔ ⵜⵉⴱⵕⵍⴰⵎⴰⵏⵉⵢⵉⵏ ⵥⵉⵍⵏⵉⵏ, ⴷ ⵓⵙⵏⵎⴰⵍⴰ ⵏ ⵜⵙⵓⵜⵍⵉⵏ ⵏ ⵓⵙⵎⵓⵜⵜⴳ ⴰⵙⵓⵍⴰⵏ ⵉ ⵚⴰⵃⴰ ⵏ ⵉⵎⵙⵖⴰⵏⵏ ⴳ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ.
ⵔⴰⴷ ⵉⵍⵉⵏⵉⵜ ⵜⵙⵎⵓⵏⴰⵢ ⵏ ⵉⵏⴳⵎⴰⵎⵏ ⵏ ⵜⵎⵔⵙⴰⵍ ⴷ ⵓⵙⵎⵖⵔ ⵏ ⵓⵎⵛⴰⵡⴰⵕ ⴷ ⵓⵙⵏⴼⵍ ⵏ ⵜⵎⵓⵣⴰⵢⵉⵏ ⵅⴼ ⵜⵎⵙⴰⵔⵉⵏ ⵛⵛⴰⵔⵏⵉⵏ, ⴷ ⵓⵙⵏⴼⵍ ⵏ ⵜⵎⵓⵛⴰ ⵊⴰⵔ ⵜⵔⵓⴱⴱⴰ ⵏ ⵜⴷⴷⵓⴽⴽⵯⵍⴰ ⴷ ⵜⵙⵇⵇⵉⵎⵉⵏ ⵥⵍⵉⵏⵉⵏ ⴷ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵉⵏ ⴷ ⵜⵎⵙⵙⵓⴳⵓⵔⵉⵏ ⵜⵉⴱⵕⵍⴰⵎⴰⵏⵉⵢⵉⵏ, ⵖⵎⴽ ⴰⵏⵏ ⴷ ⵓⵙⵏⴼⵍ ⵏ ⵉⵔⵣⴰⴼⵏ ⵏ ⵜⵖⵔⵉ ⵊⴰⵔ ⵉⴽⴰⴱⴰⵕⵏ ⵉⴱⵕⵍⴰⵎⴰⵏⵉⵢⵏ ⴷ ⵓⴷⵔⴰⵡ ⵏ ⵜⵎⵓⵛⴰ ⴷ ⵜⵖⵓⵔⵉⵡⵉⵏ ⴷ ⵜⴻⵜⴳⴰⵔⵉⵏ ⵅⴼ ⵜⵎⵙⴰⵔⵉⵏ ⵜⵉⴱⵕⵍⴰⵎⴰⵏⵉⵢⵏ ⵛⵛⴰⵔⵏⵉⵏ ⴷ ⵓⵎⵛⴰⵡⴰⵕ ⵉⵙⵓⵍⵏ ⵅⴼ ⵉⵙⵏⵜⵍⵏ ⵀⵎⵎⴰⵏⵉⵏ ⵉⵏⵎⵓⵔⴰⵏ ⴳ ⴽⵔⴰⵢⴳⴰⵜ ⵜⴰⵎⴰⵣⵉⵔⵜ.
ⴳ ⵜⴳⵓⵔⵉ ⵏⵏⵙ, ⵉⵙⴷⴷⵉⴷ ⵓⵏⵙⵙⵉⵅⴼ ⵏ ⵜⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⴰⵙⵉⵏⵉⴳⴰⵍⵉⵜ ⵎⴰⵙ ⵉⵍⵍⴰ ⵓⵎⵙⴰⵙⴰ ⴰⴷ ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵉⵎⵛⴰⵡⴰⵕⵏ ⴷ ⵓⵎⵙⴰⵡⴰⵍ ⵉⵙⵓⵍⵏ ⵊⴰⵔ ⵉⴱⵕⵍⴰⵎⴰⵏⵏ ⵏ ⵜⵎⵉⵣⴰⵔ ⵜⴰⵢⵜⵎⴰⵜⵉⵏ. ⴷⴼⴼⵉⵔ ⵎⴰⴷ ⵉⵙⵓⵜⴳ ⴰⴼⵔⵉⵙ ⵉⵥⵉⵍⵏ ⵏ ⵓⵎⵢⴰⵡⴰⵙ ⴰⴽⴷ ⵍⵎⵖⵔⵉⴱ ⵍⵍⵉ ⴳⴰⵏ ⴰⵎⴷⵔⴰⵡ ⵉⵙⵜⴰⵡⵀⵎⵎⴰⵏ ⵏ ⵙⵙⵉⵏⵉⴳⴰⵍ ⴳ ⵉⵙⵡⵉⵔⵏ ⴰⴷⵎⵙⴰⵏ ⴷ ⵓⵥⵕⴼⴰⵏ ⴷ ⵓⵏⵙⴱⴰⴱ ⴷ ⵓⴷⵍⵙⴰⵏ ⴷ ⵓⵎⴰⵍⵍⴰⵢ, ⵉⵙⵓⵜⴳ ⵎⴰⵙⵙ ⴷⵢⵓⴱ ⵜⵉⵕⵡⵉ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵊⴰⵔ ⵙⵏⴰⵜ ⵜⵎⵉⵣⴰⵔ ⵍⵍⵉ ⵉⵥⵍⵉⵏ ⵓⵍⴰ ⵙ ⵓⵎⵢⴰⵡⴰⵙ ⵉⴷⵓⵙⵏ ⴳ ⵜⴳⵔⴰⵡⵉⵏ ⵜⵉⴳⵔⴰⵖⵍⴰⵏⵉⵏ.
ⵉⵏⵏⴰ ⵓⵍⴰ ⵎⴰⵙ ⵉⴽⵛⵎ ⵓⵔⵣⴰⴼ ⴰⴷ ⴳ ⵓⵙⴰⵜⵉ ⵏ ⵓⴱⵔⵉⴷ ⵉⵥⵉⵍⵏ ⵏ ⵓⵙⴷⵓⵙ ⵏ ⵓⵎⵢⴰⵡⴰⵙ ⵊⴰⵔ ⵙⵙⵉⵏⵉⴳⴰⵍ ⴷ ⵍⵎⵖⵔⵉⴱ, ⵉⵙⴷⴷⵉⴷ ⵎⴰⵙ ⴷⵔⵓⵏⵜ ⵙⵏⴰⵜ ⵜⵎⵔⵙⴰⵍ ⵜⵉⵣⵣⵔⴰⴼⵉⵏ ⵜⴰⵏⵏⴰⵢⵢⵉⵏ ⵅⴼ ⵜⵉⵎⵙⴰⵔⵉⵏ ⵏ ⵓⵎⴰⴹⴰⵍ ⴷ ⵜⵉⵍⴰⵍ ⵜⵉⴱⵕⵍⴰⵎⴰⵏⵉⵢⵉⵏ.
ⴳ ⵓⵎⵏⵉⴷ ⵏⵏⵙ, ⵉⵙⴰⵡⵍ ⵓⵏⵙⵙⵉⵅⴼ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⴼ ⵓⴼⵔⵉⵙ ⵉⵥⵉⵍⵏ ⵏ ⵜⵎⴷⵔⴰⵡⵜ ⵊⴰⵔ ⵜⵉⵎⵔⵙⴰⵍ ⵜⵉⵣⵣⵔⴰⴼⵉⵏ, ⵉⵙⵓⵜⴳ ⵜⵉⵕⵡⵉ ⵏ ⵓⵎⵢⴰⵡⴰⵙ ⴰⴱⵕⵍⴰⵎⴰⵏⵉ ⵉⵜⵜⵓⵙⵙⴰⵏⵏ ⵙ ⵓⵎⵢⴰⵡⴰⵙ ⴳ ⵜⴳⵔⴰⵡⵉⵏ ⵜⵉⴼⵔⵉⵇⵉⵢⵉⵏ ⴷ ⵜⴳⵔⴰⵖⵍⴰⵏⵉⵏ.
ⵉⵙⴰⵡⵍ ⵓⵍⴰ ⴼ ⵓⵙⵓⵊⴷ ⵏ ⵓⵙⵇⵇⵉⵎ ⵏ ⵉⵎⵓⵔⴰ ⵉ ⵓⵙⴷⵓⵙ ⵏ ⵜⵣⴷⴰⵢⵉⵏ ⵏ ⵓⵎⵢⴰⵡⴰⵙ ⴰⴽⴷ ⵜⴰⵎⵙⵎⵓⵏⵜ ⵜⴰⵏⴰⵎⵓⵔⵜ ⵜⴰⵙⵉⵏⵉⴳⴰⵍⵉⵜ ⵙ ⵜⵖⴰⵔⴰⵙⵜ ⵎⵇⵇⵓⵔⵏ, ⵉⵙⴷⴷⵉⴷ ⴼ ⵓⵙⵏⴰⵍ ⵏ ⵍⵎⵖⵔⵉⴱ ⵉⵙⵓⵍⵏ ⵉ ⵙⵙⵉⵏⵉⴳⴰⵍ ⴳ ⵓⵙⵡⵉⵔ ⵏ ⵜⴳⵔⴰⵡⵉⵏ ⵜⵉⵏⵎⵏⴰⴹⵉⵏ ⴷ ⵜⵉⵏ ⵓⵎⵏⵥⴰⵡ ⴷ ⵜⴳⵔⴰⵖⵍⴰⵏⵉⵏ.